NEWS 4 BONGAIGAON

👉চিৰাঙত চি আৰ পি এফৰ ১৫৬ নম্বৰ  বেটেলিয়নৰ গছপুলি ৰোপণ 

👉দহ হেজাৰ পুলি ৰোপণৰ লক্ষ্য 

                      বঙাইগাঁওঃ ২৩ জুনঃ 

🔯চিৰাং জিলাৰ বিভিন্ন ঠাইত বিশ্ব পৰিৱেশ দিৱসৰ লগত সংগতি ৰাখি আৰু ৰাজ্যপাল অধ্যাপক জগদীশ মুখীৰ নিৰ্দেশক সহাঁৰি জনাই জিলাখনত থকা চি আৰ পি এফৰ ১৫৬ বেটেলিয়নৰ  তৰফৰ পৰা দহ হেজাৰ গছপুলি ৰোপণৰ কাৰ্যসূচী হাতত লৈছে । আজি বেটেলিয়নৰ মুখ্য কাৰ্যালয় চৌহদত আৰু ছাপাগুৰি ৰাষ্ট্ৰীয় ঘাই পথৰ মাজত গছ পুলি ৰোপণ কৰি বেটেলিয়নটোৰ কমাণ্ডাৰ ৰভি মুণ্ডাই প্ৰকাশ কৰে  যে, কেন্দ্ৰীয় চৰকাৰৰ নিৰ্দেশনা অনুসৰি ভাৰতবৰ্ষত গছপুলি ৰোপণৰ জৰিয়তে জলবায়ু প্ৰদূষণৰ পৰা দেশক ৰক্ষা কৰা । সেয়ে চিআৰ পি এফৰ ১৫৬ বেটেলিয়নৰ তৰফৰ পৰা চিৰাঙত দহ হেজাৰ গছ পুলি ৰোপণ কৰাৰ লক্ষ্য নিৰ্ধাৰণ কৰি চিৰাং জিলাৰ বিভিন্ন প্ৰান্তত এইদৰেই গছপুলি ৰোপণ কৰি আছে। 

চিৰাঙৰ ছাপাগুৰিৰ ৰাষ্ট্ৰীয় ঘাই পথৰ মাজৰ ঠাইত, পাণবাৰী, বেংতল, উলুবাৰী আদিৰ লগতে বিভিন্ন ঠাইত গছপুলি ৰোপণ কৰি আহিছে বাহিনীটোৱে  । কমাণ্ডাৰ জনে কয়,  পৰিৱেশৰ ভাৰসাম্য ৰক্ষাৰ বাবে গছ-পুলি ৰোপণ কৰিবই লাগিব। এডাল গছ ডাঙৰ দীঘল কৰা মানেই দহজন ল'ৰা-ছোৱালীৰ দৰেই । এডাল গছৰ পৰা কে'বাটাও প্ৰজন্ম ইয়াৰ পৰা উপকৃত হ'ব । লক্ষণীয়ভাৱে বিটিচিৰ শাসনভাৰ চলাই থকা অসমৰ ৰাজ‍্যপাল অধ্যাপক জগদীশ মুখীয়ে বিশ্ব পৰিৱেশ দিৱসৰ দিনা অৰ্থাৎ পাঁচ জুনত বিটিচিৰ চাৰিখন  জিলাত দহ লাখ কৈ মুঠ চল্লিছ লাখ  গছ পুলি ৰোপণৰ কাৰ্যসূচী চিৰাঙত শুভাৰম্ভ কৰিছিল ৷