👉ভাৰতীয় প্ৰশাসনিক সেৱাৰ বিষয়া হোৱাৰ মন কলা শাখাত নৱম স্থানপ্ৰাপ্ত অজস্বেতাৰ

👉ভাৰতীয় প্ৰশাসনিক সেৱাৰ বিষয়া হোৱাৰ মন কলা শাখাত নৱম স্থানপ্ৰাপ্ত অজস্বেতাৰ

                       বঙাইগাঁওঃ ২৫ জুনঃ

🔯উচ্চতৰ মাধ্যমিক চূড়ান্ত পৰীক্ষাৰ কলা শাখাত বঙাইগাঁও উচ্চতৰ মাধ্যমিক বিদ্যালয়ৰ ছাত্ৰী অজস্বেতা বশিষ্ঠ গোস্বামীয়ে ৰাজ্যখনৰ ভিতৰত নৱম স্থান দখল কৰি বঙাইগাঁও চহৰৰ লগতে সমগ্র জিলাখন লৈ সুনাম কঢ়িয়াই আনিছে। বঙাইগাঁও চহৰৰ বৰপাৰাৰ হিৰণ্য গোস্বামী আৰু প্ৰয়াত প্ৰণিতা গোস্বামীৰ কন্যা অজস্বেতাই ইংৰাজী (৮৯), অলটাৰনেটিভ ইংৰাজী (৯৩), অৰ্থনীতি (৯৫), শিক্ষা (৯৬), ৰাজনীতি বিজ্ঞান (৯৪) আৰু তৰ্ক বিষয় (৭৬) ত লেটাৰ নম্বৰ অৰ্জন কৰি (সৰ্বমুঠ ৪৬৭ নম্বৰ) শতকৰা ৯৩.৪ শতাংশ নম্বৰেৰে ৰাজ্যখনৰ ভিতৰত নৱম স্থান লাভ কৰিবলৈ সক্ষম হৈছে। নিতৌ ৮-১০ ঘন্টা কৈ অধ্যায়ন কৰা অজস্বেতাৰ সফলতাৰ আঁৰত তেওঁৰ ঘৰৰ লোকৰ লগতে অধ্যায়ন কৰা শিক্ষানুষ্ঠানৰ শিক্ষক-শিক্ষয়ত্ৰী, তেওঁৰ ভিনদেউ ড° ৰূপম জ্যোতি নাথ আৰু বন্ধু-বান্ধৱী সকলৰ অনুপ্ৰেৰণাৰ কথা সংবাদ মাধ্যমৰ আগত ব্যক্ত কৰে। নিজৰ ফলাফলত সন্তুষ্ট অজস্বেতাই ৰাজ্যৰ বাহিৰৰ শিক্ষানুষ্ঠানত নাম ভৰ্তি কৰি মনোবিজ্ঞানক গুৰু বিষয় হিচাপে লৈ স্নাতক পাঠ্যক্রমত অধ্যায়ন কৰিব। আজৰি সময়ত নভেল পঢ়া,বুঢ়ী আইৰ সাধু পঢ়ি ভালপোৱা ওজস্বেতাই অদূৰ ভৱিষ্যতে ভাৰতীয় প্ৰশাসনিক সেৱাৰ বিষয়া হোৱাৰ আশা হৃদয়ত পুহি ৰাখিছে।🔯