NEWS 4 BONGAIGAON

👉বঙাইগাঁৱত 'মৰম' আঁচনিৰ যোগেদি হোম কোৱাৰেণ্টাইনত থকা পৰিয়ালৰ শিশুলৈ উপহাৰৰ টোপোলা  

👉মন্ত্ৰী ফণীভূষণ চৌধুৰী আৰু জিলা উপায়ুক্তই  নিজে গৈ কৰিলে প্ৰদান

               
                            বঙাইগাঁওঃ ৮ জুনঃ 

🔯অসমৰ খাদ্য আৰু অসমাৰিক যোগান বিভাগৰ মন্ত্ৰী ফণীভূষণ চৌধুৰী আৰু বঙাইগাওঁ জিলাৰ উপাযুক্ত ডাঃ এম এছ লক্ষ্মীপ্ৰিয়াই আজি বহিঃৰাজ্যৰ পৰা আহি হোম কোৱাৰেণ্টাইন হৈ থকা বঙাইগাওঁ চহৰ এলেকাৰ ছয়টি পৰিয়ালৰ গৃহত উপস্থিত হৈ তেওঁলোকৰ লগতে শিশুসকলৰ খা- খবৰ লয় ৷ লগতে মিলিজুলি প্ৰকল্পৰ অধীনত 'মৰম' নামৰ আঁচনিৰ যোগেদি ছয়টি শিশুলৈ এটিকৈ উপহাৰৰ টোপোলা প্ৰদান কৰে। 

এই উপহাৰৰ টোপোলাত গাখীৰ, বিস্কুট, ব্ৰেড, ভাটাৰ, জেম,ডেটল চাবোন, চাউল, ছয়াবিন,চকলেট, চিত্ৰাংকনৰ বহী আৰু পেঞ্চিল আদি সামগ্ৰী আছে ৷ এই কাৰ্যসূচীত জিলাৰ অতিৰিক্ত উপায়ুক্ত , চক্ৰ বিষয়া, জিলা সমাজ কল্যাণ বিষয়া সমন্বিতে আন আন বিষয়াবৰ্গ উপস্থিত থাকে ৷ উল্লেখ্য যে এই মৰম আঁচনিৰ জৰিয়তে অনাগত দিনত গৰ্ভৱতী আৰু দুগ্ধপান কৰোৱা মাতৃ ,বয়োজ্যেষ্ঠ লোক, বিশেষভাৱে সক্ষম লোক,বিধৱা আৰু শিশু সকলোকো সাঙুৰি ল'ব বুলি জিলা প্ৰশাসনৰ তৰফৰ পৰা জানিবলৈ দিছে ৷ 

'মিছন মৰম'ৰ অধীনত বহিঃ ৰাজ্যৰ পৰা অহা ৭০০০ ত কৈও অধীক লোকক সুবিধা প্ৰদান কৰা হ'ব বুলিও জানিবলৈ দিছে ৷ ইয়াৰ উপৰিও বহিঃৰাজ্যৰ পৰা অহা লোকসকলৰ কৰ্মসংস্থাপনৰ বাবে এম.জি.এনৰেগা বা আন চৰকাৰী কল্যাণমূলক আচঁনিৰ যোগেদি সুযোগ দিয়াৰ ওপৰতো গুৰুত্ব প্ৰদান কৰিব ৷🔯