Saturday, June 13, 2020
Comment
👉বিজনীৰ বাঘমাৰাত চাঞ্চল্য
👉দুলানী নৈৰ পানী জুঁৱলিত চাৰি বছৰীয়া কণ্যা শিশুৰ মৃতদেহ উদ্ধাৰ
বিজনী ১১জুনঃ
🔯চিৰাং জিলাৰ বিজনীৰ বাঘমাৰাত দুলনী নৈৰ পানী জুঁৱলিত বৃৃহস্পতিবাৰে এটি ৪ বছৰীয়া কন্যা শিশুৰ মৃতদেহ উদ্ধাৰ হয় । সম্পূৰ্ণ উলংগ অৱস্থাত উদ্ধাৰ হোৱা মৃতদেহটো পাছত নিকিতা মণ্ডলৰ বুলি চিনাক্ত কৰা হয়। উল্লেখ্য যে যোৱা মঙলবাৰে মোমায়েক নৃপেন মণ্ডলৰ ঘৰৰ চোতালত উমলি থকা অৱস্থাতে ৰহস্যজনকভাৱে শিশুটি সন্ধানহীন হৈ পৰিছিল । বঙাইগাঁও জিলাৰ ১ নং বাশবাৰী নিৱাসী শিশুটিৰ পিতৃ নিখিল মণ্ডল কৰ্মসূত্ৰে ঘৰৰ বাহিৰত থকা বাবে দীৰ্ঘদিনৰে পৰা মাতৃ অনিমা মণ্ডলৰ সৈতে শিশুটি বিজনীৰ বাঘমাৰাস্থিত মোমায়েক নৃপেন মণ্ডলৰ ঘৰত থাকে । মোমায়েকৰ ঘৰৰ চোতালত লগৰীয়াৰ সৈতে উমলি থকা অৱস্থাত মঙলবাৰে বিয়লি ৫ বজাত ৰহস্যজনকভাৱে সন্ধানহীন হৈ পৰিছিল ৷ পিচত শিশুটি সন্ধানহীন হোৱা ঘটনা সন্দৰ্ভত বুধবাৰে ( ১০ জুনত) পৰিয়ালৰ লোকে বিজনী আৰক্ষী থানাত এজাহাৰ দাখিল কৰিছিল ৷ ইপিনে শিশুটিৰ মৃতদেহ একাংশ লোকে দুলানী নৈত প্ৰত্যক্ষ কৰাৰ লগে লগে বিজনী আৰক্ষীক খবৰ দিয়ে ৷ পিচত ঘটনাস্থলীত বিজনী আৰক্ষী উপস্থিত হৈ মৃতদেহটো উদেধাৰ কৰি মৰণোত্তৰ পৰীক্ষাৰ বাবে জিলা সদৰ কাজলগাঁওস্থিত চিকিৎসালয়লৈ প্ৰেৰণ কৰে । আৰক্ষীয়ে বিষয়টো সন্দৰ্ভত তদন্ত অব্যাহত ৰাখিছে ৷ 🔯
0 Response to " "
Post a Comment