NEWS 4 BONGAIGAON

👉বঙাইগাঁও জিলাৰ পুনৰ পাঁচ ব্যক্তিৰ দেহত ধৰা পৰিল কোভিড- ১৯ পজিটিভ 

👉আক্ৰান্তৰ সংখ্যা ৯৫ জনলৈ বৃদ্ধি 

                          বঙাইগাঁওঃ ১ জুলাই ঃ

🔯বঙাইগাঁও জিলাত দিনে দিনে বৃদ্ধি পাবলৈ ধৰিছে কোভিড- ১৯ ত আক্ৰান্তৰ সংখ্যা ৷ জিলা প্ৰশাসনে প্ৰকাশ কৰা তথ্য অনুসৰি আজি পুনৰ জিলাখনৰ পাঁচগৰাকী ব্যক্তিৰ দেহত কোভিড- ১৯ পজিটিভ ধৰা পৰিছে ৷ ইয়াৰ এগৰাকী ব্যক্তি জিলাখনৰ পাতিলাদহাৰ আৰু মুম্বাইৰ পৰা আহি পূব বৰিপাৰা এল পি স্কুলত প্ৰতিষ্ঠনিক কোৱাৰেণ্টাইনত আছিল ৷ সেইদৰে দুজন বঙাইগাঁও চহৰৰ নিউ বঙাইগাঁও চেট্ৰেল কলনীৰ বাসিন্দা আৰু শিলিগুৰীৰ পৰা অহাৰ পিচত বঙাইগাঁও কলেজত প্ৰতিষ্ঠানিক কোৱাৰেণ্টাইনত আছিল ৷ এই ব্যক্তিসকলৰ নমুনা পৰীক্ষাৰ ফলাফলত আজি কোভিড-১৯ ত আক্ৰান্ত হোৱাটো ধৰা পৰে ৷ আনহাতে বঙাইগাঁও চহৰৰ পাগলাস্থানস্থিত আৰ পি এফ বেৰেকত থকা এজন ব্যক্তিৰ দেহটো কোভিড- ১৯ পজিটিভ ধৰা পৰিছে ৷ জানিব পৰা মতে ৰে'ল বিভাগৰ এচ আই বি বিভাগত কৰ্মৰত দাস উপাধিৰ ব্যক্তিজনৰ প্ৰকৃত ঘৰ গুৱাহাটীৰ মালিগাঁৱত ৷ ব্যক্তিজন কিছুদিন পূৰ্বে ঘৰৰ পৰা অহাৰ পিচত জ্বৰত আক্ৰান্ত হোৱাত পৰীক্ষাৰ বাবে নমুনা সংগ্ৰহ কৰা হৈছিল আৰু পিচত আজি নমুনা পৰীক্ষাৰ ফলাফলত ব্যক্তিজন কোভিড- ১৯ ত আক্ৰান্ত হোৱাটো ধৰা পৰে  ৷ ইপিনে জিলাখনৰ বৰনাৰিকলাৰ আন এগৰাকী ব্যক্তিৰ দেহটো কোভিড - ১৯ পজিটিভ ধৰা পৰিছে যদিও জিলা প্ৰশাসনে আক্ৰান্ত ব্যক্তিসকলৰ নাম আদি প্ৰকাশ কৰাৰ পৰা বিৰত আছে ৷ আক্ৰান্ত ব্যক্তিসকলক ইতিমধ্যে চিকিৎসালয়ত ভৰ্তি কৰা হৈছে ৷ জিলাখনত বৰ্তমানলৈকে কোভিড- ১৯ ত আক্ৰান্তৰ সংখ্যা মুঠ ৯৫ গৰাকীলৈ বৃদ্ধি পালে ৷🔯
                                    NEWS4BONGAIGAON