NEWS 4 BONGAIGAON

👉সুৰক্ষিত নহয় বঙাইগাঁওঃ পুনৰ ১৯ জনৰ দেহত কোভিড ১৯ পজিটিভ

👉আক্ৰান্তৰ সংখ্যা ১১৪ জনলৈ বৃদ্ধি

               
            বঙাইগাঁওঃ ৩ জুলাইঃ 

🔯কৰ’না ভাইৰাছৰ পৰা সুৰক্ষিত নহয় বঙাইগাঁও জিলা তথা বঙাইগাঁও  চহৰ ৷ জিলাখনত এই ভাইৰাছে ক্ৰমান্বয়ে আগবাঢ়িছে সামাজিক সংক্ৰমনৰ দিশে ৷ শেহতীয়াকৈ বঙাইগাঁৱত  ১৯ জনৰ দেহত ধৰা পৰিছে কোভিড ১৯ পজিটিভ ৷ ইয়াক লৈয়ে চিন্তিত হৈ পৰিছে বঙাইগাঁও জিলা প্ৰশাসন আৰু ৰাইজ ৷ এনে ধাৰা অব্যাহত থাকিলে চহৰ খনত গুৱাহাটীৰ দৰে লকডাউনৰ বাহিৰে উপায় নেথাকিব ৷ গতিকে বঙাইগাঁৱো সুৰক্ষিত নহয় এই অদৃশ্য ভাইৰাছক লৈ ৷ বঙাইগাঁৱত এতিয়ালৈকে মুঠ আক্ৰান্তৰ সংখ্যা হৈছে ১১৪ জন ৷ ইয়াৰে ভিতৰত ৩৫ জন চিকিৎসাধীন হৈ থকাৰ বিপৰীতে ৬৯ জন আৰোগ্য হৈ উঠিছে ৷  কিন্তু জিলা প্ৰশাসনে এই আক্ৰান্তসকলৰ কোনো তথ্যই সংবাদ মাধ্যমকো জনোৱাৰ পৰা বিৰত আছে ৷ ফলত কোন কোন আক্ৰান্ত হৈছে তাকেলৈ ৰাইজৰ মাজত এতিয়া আতংকৰ সৃষ্টি হৈছে ৷ উল্লেখ্য যে বঙাইগাঁও জিলাৰ উপায়ুক্ত ডাঃ এম এছ লক্ষ্মীপ্ৰিয়াই জিলাখনত কোভিড- ১৯ ত আক্ৰান্তৰ পৰিচয় ৰাজহুৱা কৰিব নোৱাৰে বুলি এক নিৰ্দেশ জাৰি কৰি থৈছে ৷ ফলত এতিয়া জিলাখনত কোন কোন আক্ৰান্ত হৈছে সেই তথ্য ৰাইজে জানিবলৈ সক্ষম নোহোৱাত আক্ৰান্তৰ সংস্পৰ্শলৈ অহা ব্যক্তিসকলৰ প্ৰকৃত তথ্য লাভ কৰাৰ ক্ষেত্ৰতো আহুকালে দেখা দিছে ৷ কিন্তু সেই বোৰ দিশৰ প্ৰতি প্ৰশাসনৰ নাই কোনো গুৰুত্ব ৷ গতিকে বঙাইগাঁও জিলাত কৰ'না ভাইৰাছৰ সংক্ৰমণ প্ৰতিৰোধী যুঁজখন জিলা প্ৰশাসনে কি দৰে চলাই আছে আৰু এই মহামাৰীকলৈ জিলা প্ৰশাসন কিমান সচেতন তাৰ ফোপোলা স্বৰূপটো উদং খাই পৰিছে ৷ 🔯