👉বঙাইগাঁও জিলাত একেদিনাই ৪১ জনৰ দেহত ধৰা পৰিল কোভিড - ১৯ পজিটিভ

👉বঙাইগাঁও জিলাত একেদিনাই ৪১ জনৰ দেহত ধৰা পৰিল কোভিড - ১৯ পজিটিভ

👉৬৪৭  জনলৈ বৃদ্ধি পালে আক্ৰান্তৰ সংখ্যা  
   

            
          🔯বঙাইগাঁওঃ ৩১ জুলাইঃ 

📝বঙাইগাঁও জিলাত কৰ'না ভাইৰাছৰ গণ সংক্ৰমণে ভয়াৱহ ৰূপ লৈছে ৷ দৈনিক বৃদ্ধি পাই আছে আক্ৰান্তৰ সংখ্যা ৷ জিলাখনত  একেদিনাই ধৰা পৰিছে  ৪১ জন ব্যক্তিৰ দেহত  ক'ভিড- ১৯ পজিটিভ ৷ জিলাখনত আক্ৰান্তসকৰলৰ ভিতৰত বৰ্তমান অধিকাংশই ৰে'ল বিভাগৰ কৰ্মচাৰী ৷ সেইদৰে নিৰাপত্তা ৰক্ষী , আৰক্ষী, বিভিন্ন বেংকৰ কৰ্মচাৰী ,ব্যৱসায়িক প্ৰতিষ্ঠানৰ কৰ্মচাৰী , আন্তঃ ৰাজ্য আৰু আন্তঃ জিলা ভ্ৰমণ কৰা ব্যক্তিৰ দেহত কোভিড - ১৯ পজিটিভ ধৰা পৰিছে ৷ উল্লেখ্য যে বিগত ২৪  ঘণ্টাত জিলাখনত ৪১ জন ব্যক্তিৰ দেহত নতুনকৈ কোভিড- ১৯ পজিটিভ ধৰা পৰাত এতিয়া জিলাখনত কোভিডত আক্ৰান্তৰ সংখ্যা ৬৪৭ জনলৈ বৃদ্ধি পাইছে ৷ জিলাখনত নতুনকৈ কোভিডত আক্ৰান্তসকলৰ ভিতৰত ৮ জন পূৰ্ৱে কোভিডত আক্ৰান্ত পজিটিভ ৰোগীৰ সংস্পৰ্শলৈ অহা, ৪ জন ৰে'লৱে সুৰক্ষা বাহিনীৰ জোৱান , ২ জন ৰে'লৱে হাস্পতালৰ কৰ্মী , ২ জন ৰে'লৱে কাৰখানাৰ  কৰ্মচাৰী , ৰে'লৱে বিভাগৰ আৰু ২ জন কৰ্মচাৰী , ৪ জন অভয়াপুৰী থানাৰ আৰক্ষী , ৫ জন  ৰিলায়েন্স ডিজিটেল প্ৰতিষ্ঠানৰ কৰ্মচাৰী , ২ জন আন্তঃ ৰাজ্য ভ্ৰমণ কৰা ব্যক্তি , ২ জন আন্তঃ জিলা ভ্ৰমণ কৰা ব্যক্তি ,১ জন মায়াপুৰী বজাৰৰ , ৩ জন পাগলাস্থান বজাৰৰ , ১ জন নিউ বঙাইগাঁও শাখা ষ্টেট বেংকৰ কৰ্মচাৰী , ১ জন মাণিকপুৰ মডেল হাস্পতালৰ লেবৰেটৰী টেকনিচিয়ান , ১ জন অভয়াপুৰী বজাৰৰ সুলভ মূল্যৰ দোকানৰ ,১ জন বিশাল মেগামাৰ্টৰ কৰ্মচাৰী , ১ জন বৰঘোলা আৰক্ষী চকীৰ ভাৰপ্ৰাপ্ত আৰক্ষী বিষয়া আৰু আন ১ জন  ব্যক্তিৰ দেহত কোভিড পজিটিভ ধৰা পৰিছে ৷ কোভিডত আক্ৰান্তসকলক ইতিমধ্যে চিকিৎসালয়ত ভৰ্তি কৰা হৈছে ৷ জিলাখনত বৰ্তমানলৈকে কোভিড - ১৯ ত আক্ৰান্ত মুঠ ৬৪৭ জন ব্যক্তিৰ ভিতৰত  ইতিমধ্যে ৩১৭ জন ৰোগী আৰোগ্য হৈ ঘৰলৈ উভতিছে ৷ সেইদৰে জিলাখনৰ বিভিন্ন চিকিৎসালয়ত ১৭০ জন ৰোগী চিকিৎসাধীন হৈ থকাৰ বিপৰীতে আন ১৬০ জন ৰোগী জিলাখনৰ বাহিৰৰ চিকিৎসালয়ত চিকিৎসাধীন হৈ আছে 🔯৷