👉চিৰাঙত এবছুৰ ২৪ সংখ্যক সন্ত্ৰাসবাদ বিৰোধী দিৱস পালন

👉চিৰাঙত এবছুৰ ২৪ সংখ্যক সন্ত্ৰাসবাদ বিৰোধী দিৱস পালন 

👉বিটিআৰ চুক্তিৰ সঠিক ৰূপায়ণে অঞ্চলটোলৈ স্থায়ী শান্তি আনিব - দীপেন বড়ো

       🔯বঙাইগাঁওঃ ৩০ জুলাইঃ

📝চিৰাং জিলাৰ গয়বাৰীস্থিত জেএছবি খেলপথাৰত আজি অন্যান্য বছৰৰ দৰে এইবেলিও নিখিল বড়ো ছাত্ৰ সন্থা (এবছু)ৰ উদ্যোগত সন্ত্ৰাসবাদ বিৰোধী দিৱস পালন কৰা হয় । দিৱসৰ কাৰ্যসূচী অনুসৰি আজি পুৱা ১০ মান বজাত অনুষ্ঠানিকভাবে পতাকা উত্তোলন কৰে এবছুৰ কেন্দ্ৰীয় সভাপতি দীপেন বড়োৱে । ইয়াৰ পিছতে সন্ত্ৰাসবাদীৰ হাতত নিহত জৌহৌলাও শ্বাম্বলা বসুমতাৰীৰ প্ৰতিমূৰ্তিত শ্ৰদ্ধাঞ্জলী জ্ঞাপন অনুষ্ঠানৰ আগ ধৰে প্ৰয়াত নেতা গৰাকীৰ সহধৰ্মিণী ভানুমতি বসুমতাৰীয়ে । লগতে অনুষ্ঠানৰ লগত সংগতি ৰাখি গ্ৰহণ কৰা গছ পুলি ৰোপন কাৰ্যসূচী ৰূপায়ণ কৰে এবছুৰ প্ৰাক্তন সভাপতি তথা প্ৰাক্তন লোকসভাৰ সদস্য উৰ্খাও গৌৰা ব্ৰহ্মই । এইবেলি কৰ'না মহামাৰীৰ প্ৰতি লক্ষ্য ৰাখি বড়ো ছাত্ৰ সংগঠনটোৱে প্ৰথমবাৰৰ বাবে দিৱসটো অনুষ্টুপীয়াকৈ পালন কৰিছে  । অনুষ্ঠানৰ অন্তত এবছুৰ সভাপতি দীপেন বড়োই  সংবাদ মাধ্যমৰ সৈতে হোৱা কথোপকথনত কয় যে , "বড়ো জাতিৰ এসময়ৰ বলিষ্ঠ কণ্ঠ জৌহৌলাও শ্বাম্বলা বসুমতাৰীৰ ৩০ জুলাইৰ আজিৰ এই মৃত্যু দিনটোক হিংসামুক্ত তথা সন্ত্ৰাসবাদ মুক্ত সমাজ গঠনৰ প্ৰক্ৰিয়া সুদৃঢ় কৰাৰ উদ্দেশ্যে প্ৰতিবছৰে এবছুৱে এই দিৱস পালন কৰি আহিছে । গণতান্ত্ৰিক নীতিত বিশ্বাসী এবছুৱে সদায় সহস্ৰ সংগ্ৰামৰ বিৰোধিতা কৰি আহিছে । সমাজৰ পৰা হিংসা - সন্ত্ৰাস দূৰ কৰাৰ বাবে কাম কৰি যাবলৈ এবছু সদায় দায়বদ্ধ ।" সভাপতি বড়োই লগতে সহস্ৰ সংগ্ৰাম পৰিত্যাগ কৰি গণতান্ত্ৰিক প্ৰক্ৰিয়াৰ মাজেৰে সম্পাদিত বিটিআৰ চুক্তিৰ সঠিক ৰূপায়ণে অঞ্চলটোলৈ স্থায়ী শান্তি আনিব বুলিও কয় 🔯।