👉 বানে প্লাৱিত কৰিলে বিজনীৰ বিস্তীৰ্ণ অঞ্চল

👉 বানে প্লাৱিত কৰিলে বিজনীৰ বিস্তীৰ্ণ অঞ্চল

👉কেইবাটাও শিবিৰত আশ্ৰয় গ্ৰহণ বন্যাৰ্তৰ

 

                        🔯বঙাইগাঁওঃ ৩১জুলাইঃ
📝 তৃতীয়টো বানে প্লাৱিত কৰিলে চিৰাং জিলাৰ বিজনীৰ বিস্তীৰ্ণ অঞ্চল। কাণামাক্ৰা নদীৰে ভূটানৰ পৰা নামি অহা বাঢ়নী পানীয়ে প্লাৱিত কৰিলে নেহৰু বাজাৰ, লাংদাংপাৰা, শ্যামঠাইবাৰী আদিকে ধৰি এক বৃহৎ অঞ্চল। বাগৰিছে পথৰ ওপৰেদি হোৰা-হোৰে পানী। ইতিমধ্যে বন্যাৰ্তই আশ্ৰয় গ্ৰহণ কৰিছে কেইবাটাও আশ্ৰয় শিবিৰত । উল্লেখ্য যে ভূটানৰ পৰা নামি অহা বাঢ়নী পানীৰ ফলত ভয়ংকৰ ৰূপ ধাৰণ কৰিছে চিৰাং জিলাৰ কাণামাক্ৰা নদী। ফলত প্লাৱিত হৈ পৰিছে বিজনী মহকুমাৰ অন্তৰ্গত পূৱ গুল্ডীৰ নেহৰু বজাৰ অঞ্চল। নৈখনৰ বাঢ়নী পানীয়ে নেহৰু বাজাৰ, লাংদাংপাৰা, শ্যামঠাইবাৰী আদিকে ধৰি বুৰাই পেলাইছে কেইবাখনো গাওঁ।

বাট-পথেৰে  হোৰা-হোৰে পানী বাগৰাৰ ফলত বিছিন্ন হৈ পৰিছে যোগাযোগ ব্যৱস্থা। সেইদৰে ঘৰে-দুৱাৰে পানী সোমোৱাৰ ফলত বানৰ কৱল পৰা বন্যাৰ্তই কেইবাটাও আশ্ৰয় শিবিৰত আশ্ৰয় গ্ৰহণ কৰিব লগীয়া হৈছে। আলই-আথানি হৈ পৰিছে পশু ধন। এক হাহাকাৰময় পৰিস্থিতি সৃষ্টি হোৱা পৰিলক্ষিত হৈছে উক্ত অঞ্চলত। ইফালে মহকুমাটোৰ পাণবাৰীত বুঢ়ী সুঁতিৰ বাঢ়নী পানীয়ে ২ নং চাউৰাং, দহলাপাৰা, কচুবিল আদি অঞ্চল প্লাৱিত কৰি বিস্তৰ ক্ষতিসাধন কৰে। আনফালে পূব খামাৰপাৰাতো মাক্ৰা নদীৰ বাঢ়নী পানীয়ে লাহাতিপাৰা, লাহাতিপাৰা বজাৰ, কেপপাৰা আদি অঞ্চল বুৰাই পেলায়। নৈখনৰ বাঢ়নী পানীয়ে বড়োবাজাৰ-বাগৰগাঁও সংযোগী পথ চিঙি লৈ যায়। যাৰ ফলত বিছিন্ন হৈ পৰিছে উক্ত অঞ্চলৰ যোগাযোগ ব্যৱস্থা।🔯