NEWS 4 BONGAIGAON

👉ডুড’ল আৰ্ট আৰু বটল আৰ্টৰে চমক বঙাইগাঁৱৰ মৃদুস্মিতাৰ

          বঙাইগাঁওঃ ২৫ জুলাইঃ 

🔯ডুড'ল আৰ্ট ( Doodle Art)!  হয়তো আপোনাৰ-মোৰ বাবে শব্দটো অচিনাকী ৷ আমি বেলেগ বেলেগ আৰ্টৰ কথা শুনিছো ৷ কিন্তু কি এই ডুড'ল আৰ্ট ? হয়, এই ডুড'ল কৰি এতিয়া উজলি উঠিছে বঙাইগাঁওৰ এগৰাকী ছাত্ৰী ৷ বঙাইগাঁও মহাবিদ্যালয়ৰ ছাত্ৰী মৃদুস্মিতা নাথে লক ডাউনৰ বন্ধত ডুড'ল আৰ্ট কৰি সকলোৰে দৃষ্টি আকৰ্ষণ কৰিবলৈ সক্ষম হৈছে৷ এই ডুড'ল আৰ্টৰ ইতিহাস বহু পুৰণি ৷ আজিৰে পৰা ৪০ হাজাৰ বছৰ আগৰে পৰাই  আছিল ডুড'ল ৷ প্ৰাচীন কালত আদিম মানৱে শিলগুটি বা জীৱ-জন্তুৰ মাংসৰ টুকুৰাৰে এই আৰ্ট কৰাৰ কথা জানিব পৰা যায় ৷ এই ডুড'ল আৰ্টক নতুন ৰূপ দিয়ে গণিতজ্ঞ ষ্টেইনচ্ লো উলামে ৷

অতি সুক্ষ্মভাৱে নিপুণভাৱে কৰা হয় ডুড'ল আৰ্ট ৷ এই ডুড'ল আৰ্টৰো কিছু ভাগ আছে ৷ তাৰ ভিতৰত মেণ্ডেলা আৰ্ট, জেট এংগেল আদি উল্লেখযোগ্য ৷ বঙাইগাঁও মহাবিদ্যালয়ৰ ছাত্ৰী তথা অভয়াপুৰীৰ জীয়ৰী মৃদুস্মিতাই অকল ডুড'ল আৰ্টেই নহয়, কৰে সুন্দৰ বটল আৰ্টো ৷ ব্যৱহাৰ হোৱাৰ পিছত পেলাই দিয়া বটলত ৰং, সুতা, চাউল আদিৰে বিভিন্ন ধৰণে অংকন কৰি সেইবোৰ কৰি তোলে মনোমোহা ৷ আনহাতে পেলনীয়া মাকৈৰ বাকলি আৰু বাদামৰ বাকলিৰেও তৈয়াৰ কৰিছে ধুনীয়া ফুলদানী ৷ সৰুৰ পৰাই চিত্ৰকলাৰ প্ৰতি ধাউতি থকা মৃদুস্মিতাই লক ডাউনৰ বন্ধৰ সময়ৰ সুব্যৱহাৰ কৰি এইদৰে সাজি উলিয়াইছে মনোমোহা কিছু সামগ্ৰী ৷ যিসময়ত একাংশ ছাত্ৰ-ছাত্ৰীয়ে মোবাইলত ব্যস্ত তেলে সময়তে মৃদুস্মিতাৰ কৰ্মৰাজি সকলোৰে আদৰ্শ হ’ব পাৰে🔯