👉চিৰাঙত দহ দিন ধৰি নিখোজ কিশোৰী

👉চিৰাঙত দহ দিন ধৰি নিখোজ কিশোৰী 

       🔯বঙাইগাঁওঃ ৩০ জুলাইঃ

📝চিৰাং জিলাৰ এগৰাকী ১৬ বছৰীয়া কিশোৰী বিগত দহদিন ধৰি নিখোজ হৈ আছে । প্ৰাপ্ত খবৰ অনুসৰি জিলাখনৰ ঢালিগাঁও থানাৰ অন্তৰ্গত চাপাগুৰিৰ ১ নং ৱার্ড নিবাসী  বিষ্ণুদেৱ প্রসাদৰ কন্যা ৰঞ্জিতা প্রসাদ নামৰ কিশোৰীগৰাকী যোৱা ২১ জুলাইৰ পুৱা ৯ বজাত নিজ গৃহৰ পৰা ওলাই যোৱাৰ পিছৰে পৰা নিখোঁজ হৈ আছে । কিশোৰী গৰাকীৰ মাকে ২২ জুলাইত কন্যা নিৰুদ্দেশ সন্দৰ্ভত ঢালিগাঁও থানাত বিষয়টো অৱগত কৰাত আৰক্ষীয়ে জি ডি ই  619/20 নম্বৰত এটি গোচৰ ৰুজু কৰি তদন্ত অব্যাহত ৰাখিছে যদিও এতিয়ালৈকে কিশোৰীগৰাকীৰ সন্ধান লাভ কৰিব পৰা নাই । প্ৰায় ৪ ফুট ৫ ইঞ্চি উচ্চতাৰ বগা বৰণৰ কিশোৰীজনীয়ে নীলা বৰণীয়া জিনছৰ পেণ্ট আৰু ট'প পিন্ধি আছিল বুলি পৰিয়ালৰ লোকে জানিবলৈ দিছে ।🔯