NEWS 4 BONGAIGAON

👉চিৰাং - বঙাইগাঁৱত বানৰ তাণ্ডৱ

👉বৈদ্যুতিক তাঁৰৰ সহায়ত বিপদ সংকুল যাত্ৰা একাংশৰ 

              বঙাইগাঁওঃ ২ জুলাইঃ 

🔯চিৰাং জিলাৰ বিজনী আৰু বঙাইগাওঁ জিলাৰ বিভিন্ন অঞ্চলত বানৰ তাণ্ডৱ দেখা গৈছে ৷ ইতিমধ্যে বঙাইগাঁও জিলাৰ ২ নং জামদহা আৰু  জাৰাগুৰী অঞ্চল আই নৈৰ বাঢ়নী পানীয়ে বুৰাই পেলাইছে । সমগ্ৰ অঞ্চলত যাতায়ত ব্যাহত হৈ পৰিছে । নাওৰ অভাৱত বৈদ্যুতিক তাঁৰৰ সহায়লৈ বিপদ সংকুল ভাবে  ইপাৰ-সিপাৰ হোৱা হৈছে একাংশ বনাক্ৰান্ত লোক । বৰ্তমান বানৰ কৱলত পৰিছে চিৰাং জিলাৰ বিজনীৰ বালাভিটা, নদীয়াপাৰাৰ লগতে বঙাইগাওঁ জিলাৰ ২ নং জামদহা, ৩নং জামদহা, ৪ নং জামদহাকে ধৰি জাৰাগুৰী আদি বিভিন্ন অঞ্চল । 

অঞ্চল কেইটাত যাতায়তৰ বাবে সংযোগী পথৰ বাঁহৰ সাঁকো আই নৈৰ বাঢ়নী পানীয়ে উটুৱাই নিছে ৷ বানাক্ৰান্ত লোকক  এছডিআৰএফ বাহিনীৰ দ্ধাৰা উদ্ধাৰ অভিযান অব্যাহত আছে । একাংশ বানাক্ৰান্তই নিৰাপদ স্থান হিচাপে পথৰ দাঁতিত আশ্ৰয় গ্ৰহণ কৰিছে । পথৰ দাঁতি আশ্ৰয় লৈছে পহুধনো ৷ উল্লেখ্য যে যোৱা বছৰো এই অঞ্চলত বানে তাণ্ডৱ চলাইছিল ৷ বানে উটুৱাই নিছিল বহুতৰ পশুধন। প্ৰতি  বছৰৰ দৰে  এই বেলিও তাণ্ডৱ চলাইছে আই নৈৰ বাঢ়নী পানীয়ে । উক্ত 

অঞ্চলৰ লোক সকলে ঘৰ এৰি এতিয়া পথৰ দাঁতিত আশ্ৰয় লৈছে  ।  ইপিনে স্থানীয় বিধায়কৰ কোনো কাণ সাৰেই নাই বুলি অভিযোগ ভুক্তভুগী ৰাইজৰ । বিজনী আঞ্চলিক এবছুৰ অনুৰোধমৰ্মে প্ৰশাসনে এছডিআৰএফ বাহিনীৰ সহায়ত উদ্ধাৰ অভিযান চলায় নদীয়াপাৰা, ২ নং জামদহাত । ভুক্তভুগী লোকে মাথাউৰী নিৰ্মানৰ দাবী উত্থাপন কৰে ।🔯