👉একেদিনাই ধৰা পৰিল ১১১ জন ব্যক্তিৰ দেহত কোভিড-১৯ পজিটিভ

👉বঙাইগাঁও জিলাত  কৰ'নাৰ ভয়াৱহ সংক্ৰমণঃ

 👉একেদিনাই ধৰা পৰিল ১১১ জন ব্যক্তিৰ দেহত কোভিড-১৯ পজিটিভ 

👉১,৭০৯ জনলৈ বৃদ্ধি আক্ৰান্তৰ সংখ্যা 

         বঙাইগাঁওঃ ১৯ আগষ্টঃ

📝বঙাইগাঁও জিলাত কৰ'নাৰ সংক্ৰমণে ভয়াৱহ ৰূপ ধাৰণ কৰিছে ৷ জিলাখনত  বিগত ২৪ ঘণ্টাত পুনৰ নতুনকৈ ১১১ জন ব্যক্তিৰ দেহত কোভিড পজিটিভ ধৰা পৰিছে ৷ ফলত জিলাখনত বৰ্তমানলৈকে কোভিড- ১৯ ত মুঠ আক্ৰান্ত ৰোগীৰ সংখ্যা ১,৭০৯ জনলৈ বৃদ্ধি পালে ৷ জিলাখনত বৰ্তমানলৈকে কোভিড - ১৯ ত আক্ৰান্ত মুঠ ১,৭০৯ জন ব্যক্তিৰ ভিতৰত ইতিমধ্যে ১,০৮৪ জন ৰোগী আৰোগ্য হৈ ঘৰলৈ উভতিছে ৷ সেইদৰে জিলাখনৰ বিভিন্ন চিকিৎসালয়ত ৪৯৮ জন ৰোগী চিকিৎসাধীন হৈ থকাৰ বিপৰীতে আন ১২৬ জন ৰোগী জিলাখনৰ বাহিৰৰ চিকিৎসালয়ত চিকিৎসাধীন হৈ আছে ৷