👉বঙাইগাঁও জিলাৰ বৰাইচোলাত বন বিভাগৰ অভিযান

👉বঙাইগাঁও জিলাৰ বৰাইচোলাত বন বিভাগৰ অভিযান

👉উৎখাত অবৈধ কাঠ ফলা কলঃ জব্দ চোৰাং কাঠ 

       বঙাইগাঁওঃ ১৫ আগষ্টঃ 

📝বঙাইগাওঁ আই উপত্যকা বন সংমণ্ডল প্ৰাধিকাৰীৰ নিৰ্দেশত বঙাইগাওঁস্থিত বিশেষ বন সুৰক্ষা বাহিনীয়ে শুকুৰবাৰে ধলপুৱাতেই এক অভিযান চলায় ৷ বঙাইগাঁও জিলাৰ অন্তৰ্গত কীৰ্ত্তনপাৰাৰ সমীপৰ বৰাইচোলা নামৰ ঠাইত চলোৱা এই অভিযানত এটা অবৈধ কাঠ ফলা কল উৎখাত কৰাৰ লগতে বুজন সংখ্যক কাঠৰ কুণ্ডা জব্দ কৰিবলৈ সক্ষম হয়। পিচত উক্ত কাঠখিনি আৰু কাঠ ফলা কলটো অভয়াপুৰী বনাঞ্চলিক কাৰ্যালয়লৈ অনা হয়। জব্দকৃত কাঠখিনিৰ বজাৰ মূল্য অনুমানিক পয়সত্তৰ হাজাৰ টকা হ'ব বুলি বন বিভাগে জানিবলৈ দিছে ৷

 বন বিভাগে উক্ত চোৰাং কাঠৰ সৰবৰাহত জড়িত দুস্কৃতিকাৰীক তথা কাঠফলা কলৰ গৰাকীক কৰায়ত্ব কৰাৰ বাবে বন বিভাগে তদন্ত চলাই আছে ৷ এইখিনিতে উল্লেখ কৰিব লাগিব যে বন বিভাগে ধাৰাবাহিকভাৱে জিলাখনৰ বিভিন্ন ঠাইত অবৈধ কাঠ ফলা কলৰ বিৰুদ্ধ অভিযান চলাই আছে আৰু অবৈধ কল উৎখাতো কৰিছে ৷ কিন্তু প্ৰায়ভাগ অভিযানতে বন বিভাগে কৰায়ত্ত কৰিবলৈ সক্ষম হোৱা নাই অবৈধ কাঠ ফলা কলৰ গৰাকীক ৷ 🔯