👉অসম জাতীয় পৰিষদৰ সভাপতি আৰু আন নেতা- কৰ্মীৰ ওপৰত আক্ৰমণ প্ৰসংগ

👉অসম জাতীয় পৰিষদৰ সভাপতি আৰু আন নেতা- কৰ্মীৰ ওপৰত আক্ৰমণ প্ৰসংগ 

👉অপৰাধীক কঠোৰ শাস্তি প্ৰদানৰ দাবীত জিলা আহ্বায়ক সমিতিৰ মুখ্য নিৰ্বাচনী বিষয়ালৈ স্মাৰক পত্ৰ  প্ৰেৰণ 

বঙাইগাঁওঃ ২ মাৰ্চঃ 📝অসম জাতীয় পৰিষদৰ সভাপতি লুৰীণজ্যেতি গগৈ আৰু আন নেতা - কৰ্মীৰ ওপৰত হোৱা আক্ৰমণৰ প্ৰতিবাদ আৰু অপৰাধীক কঠোৰ শাস্তি প্ৰদান তথা দলৰ নেতা- কৰ্মীৰ নিৰাপত্তা নিশ্চিতকৰণৰ দাবীত আজি অসম জাতীয় পৰিষদৰ বঙাইগাঁও জিলা আহ্বায়ক সমিতিয়ে জিলা নিৰ্বাচনী বিষয়াৰ জৰিয়তে ৰাজ্যৰ মুখ্য নিৰ্বাচনী বিষয়ালৈ এখন স্মাৰক পত্ৰ প্ৰেৰণ কৰে ৷ অসম জাতীয় পৰিষদৰ বঙাইগাঁও জিলা সমিতিৰ মুখ্য আহ্বায়ক প্ৰভাত বৈষ্ণৱ স্বাক্ষৰিত  স্মাৰক পত্ৰত উল্লেখ কৰা মতে যোৱা ২৮ ফেব্ৰুৱাৰীৰ দিনা বিয়লি প্ৰায় ৪ বজাত অসম জাতীয় পৰিষদৰ সভাপতি লুৰীণ গগৈয়ে দলৰ উপদেষ্টা তথা অসম বিধান সভাৰ প্রাক্তন অধ্যক্ষ পুলকেশ বৰুৱাসহ এদল সতীৰ্থৰ সৈতে নলবাৰী জিলাৰ বৰক্ষেত্ৰী বিধান সভা সমষ্টিৰ অন্তৰ্গত সােণকুৰিহাত এখন দলীয় সভাত অংশ গ্রহণ কৰি পুনৰ নলবাৰী বিধান সভা সমষ্টিৰ অন্তৰ্গত বাঁহজানীলৈ গৈ থকা অৱস্থাত বৰভাগৰ ওচৰৰ কালাগ দৌলৰ সন্মুখত এদল বিজেপিৰ সমৰ্থকে  দলীয় সভাপতিসহ নেতাসকলৰ ওপৰত প্রাণঘাতী আক্রমণ চলায়। বিজেপি কর্মীৰ দলটোৱে হাতে হাতে বিজেপি দলৰ পতাকা লৈ অসম জাতীয় পৰিষদৰ সভাপতিৰ কনভয়ক আগচি ধৰে। দলটোৰ সভাপতিৰ গাড়ীখন কনভয়ৰ আগত থকাৰ বাবে চালকজনে তৎপৰতাৰে বাধা ওফৰাই গাড়ীখন পাৰ কৰাই লৈ যায়। কিন্তু দুর্বৃত্তৰ দলটোৱে হাতে হাতে শিলগুটি, ইটাৰ টুকুৰা, লাঠি আদি লৈ গাড়ীখনক পিছফালৰ পৰা খেদি যায় যদিও লগ নাপাই পিছফালৰ পৰা শিলগুটি আদি দলিয়ায়। আনহাতে কনভয়ৰ দ্বিতীয়খন গাড়ীত থকা পুলকেশ বৰুৱাৰ গাড়ীখন কর্মী-সমর্থকৰ দলটোৱে আগচি ধৰে আৰু আক্ৰমণৰ চেষ্টা চলায় । তেওঁলােকে তাত নাৰায়ণ ডেকা জিন্দাবাদ আদি ধ্বনি দিয়ে আৰু স্থানীয় বিজেপি বিধায়ক নাৰায়ণ ডেকাৰ বিৰুদ্ধে প্রচাৰ নচলাবলৈ সকীয়নি প্রদান কৰে। আক্রমণকাৰীসকলে কনভয়ত থকা চাৰিখন গাড়ী ক্ষতিগ্রস্ত কৰে। এই বিষয়ে ইতিমধ্যে নলবাৰী থানাত দুখনকৈ এজাহাৰ দাখিল কৰা হৈছে আৰু তাত চিনাক্ত হােৱা বিজেপি কর্মী-সমর্থক কেইগৰাকীৰ নাম এজাহাৰত উল্লেখ কৰা হৈছে।লগতে স্থানীয় বিজেপি বিধায়ক নাৰায়ণ ডেকাই ষড়যন্ত্র কৰি এই প্রাণঘাতী আক্রমণৰ ঘটনা সংঘটিত কৰােৱা বুলি অসম জাতীয় পৰিষদ দলৰ ফালৰ পৰা আৰক্ষী প্রশাসনক অৱগত কৰােৱা হৈছে। গতিকে উক্ত আক্ৰমণকাৰী আটাইকেইজন বিজেপি কর্মী-সমর্থকক আৰু লগতে ষড়যন্ত্রকাৰী বিধায়ক নাৰায়ণ ডেকাক গ্রেপ্তাৰৰ আহ্বান জনাই  এই স্মাৰক পত্ৰ প্ৰদান কৰা বুলি স্মাৰক পত্ৰখনত জিলা আহ্বায়ক সমিতিয়ে উল্লেখ কৰে ৷ লগতে অদূৰ ভৱিষ্যতে যাতে এনে কূটাঘাতমূলক কাৰ্য্য শাসকীয় দলৰ পৰা সংঘটিত নহয় আৰু লগতে অসম জাতীয় পৰিষদৰ সকলাে স্তৰৰ নেতা কর্মী তথা সমর্থকৰ নিৰাপত্তা নিশ্চিত কৰা হয় তাৰ বাবে এই স্মাৰক পত্ৰ যােগে দাবী জনায় । স্মাৰক পত্ৰখনত বিজেপিৰ উল্লেখিত কর্মী-সমর্থকৰ উক্ত আক্রমণক ধিক্কাৰ জনাই এনে অপকর্মৰ জৰিয়তে তেওঁলােকে গণতান্ত্রিক পৰম্পৰাক পদাঘাত কৰিলে আৰু আগন্তুক নির্বাচনক তেওঁলােকে হিংসাত্মক কৰি তােলা আৰু সংঘর্ষ লগােৱাৰ ইংগিত প্ৰদান কৰিছে বুলিও উল্লেখ কৰে ৷ গতিকে নির্বাচন প্রক্রিয়াত উপযুক্ত নিৰাপত্তা ব্যৱস্থা গ্ৰহণৰ বাবেও স্মাৰক পত্ৰৰ যােগেদি মুখ্য নিৰ্বাচনী বিষয়াগৰাকীক অনুৰােধ জনায় ৷🔯