👉নিৰ্বাচনী বিধি অনুসৰি বাজেয়াপ্ত নগদ ধন মোকোলাই দিয়া সন্দৰ্ভত বঙাইগাঁও জিলাত কমিটি গঠন

👉নিৰ্বাচনী বিধি অনুসৰি বাজেয়াপ্ত নগদ ধন মোকোলাই দিয়া সন্দৰ্ভত বঙাইগাঁও জিলাত কমিটি গঠন

বঙাইগাঁওঃ ১১ মাৰ্চঃ 

📝সমাগত বিধানসভা নিৰ্বাচনৰ নিৰ্বাচনী বিধি অনুসৰি বাজেয়াপ্ত হোৱা নগদ ধন মোকোলাই দিয়া সন্দৰ্ভত সাধাৰণ জনতাৰ বিভিন্ন অসুবিধা তথা অভাব- অভিযোগ আদি দূৰ কৰিবৰ বাবে বঙাইগাঁও জিলাত এখন কমিটি গঠন কৰা হৈছে। বঙাইগাঁও জিলা পৰিষদৰ মুখ্য কাৰ্যবাহী বিষয়া নাদিৰা জেচমিনক সভাপতি হিচাপেলৈ গঠন কৰা কমিটিখনৰ ন'ডেল বিষয়া হৈছে জিলা উন্নয়ন আয়ুক্ত এচ এম জেদ চিষ্টি। কমিটিখনত বইটামাৰী ৰাজহ চক্ৰ বিষয়া মাইনোশ্ৰী বড়ো আৰু বঙাইগাঁও জিলা কোষাগাৰ বিষয়া বিদ্যুৎ বিকাশ পাঠক সদস্য হিচাপে আছে ৷ এই কমিটিখনে বিভিন্ন ঠাইত আৰক্ষী , ষ্টেটিক চাৰ্ভিলেন্সৰ দল বা ফ্লায়িং স্কোৱাৰ্ডক দ্বাৰা বাজেয়াপ্ত কৰা ধনসমূহৰ উৎস পৰীক্ষণ কৰিব। যদি এই বাজেয়াপ্ত কৰা ধনসমূহৰ বিৰুদ্ধে কোনো অভিযোগ বা এজাহাৰ দাখিল কৰা হোৱা নাই অথবা ৰাজনৈতিক দল বা নিৰ্বাচনী প্ৰাৰ্থীৰ কোনো ধৰণৰ নিৰ্বাচনী প্ৰচাৰৰ লগত ইয়াৰ কোনো যোগসূত্র উদ্ধাৰ নহয়, তেন্তে  নিৰ্ধাৰিত বিধি অনুসৰি এই কমিটিখনে সেই নগদ ধনখিনি বাজেয়াপ্ত কৰা ব্যক্তিজনক ঘূৰাই দিয়াৰ বাবে তাৎক্ষণিক ব্যৱস্থা গ্ৰহণ কৰিব । কমিটিখনে সকলো দিশ পৰ্যৱেক্ষণ কৰি বাজেয়াপ্তকৰণৰ ওপৰত সিদ্ধান্ত গ্ৰহণ কৰিব । বাজেয়াপ্তকৰণৰ বিৰুদ্ধে কৰা আবেদনৰ প্ৰক্ৰিয়াটো জব্দ নথিত উল্লেখ থাকিব আৰু ধন বাজেয়াপ্তকৰণৰ সময়ত ব্যক্তিজনক অৱগত কৰিব । উল্লেখ্য যে এই সন্দৰ্ভত ৩২ নং বঙাইগাঁও বিধান সভা সমষ্টিৰ বাবে জিলা উন্নয়ন আয়ুক্ত এচ এম জেদ চিষ্টি( ৯৪৩৫০৫৫১৬১) ৰ সৈতে আৰু ৩৪ নং উত্তৰ অভয়াপুৰী আৰু ৩৫ নং দক্ষিণ অভয়াপুৰী বিধান সভা সমষ্টিৰ বাবে বইটামাৰী ৰাজহ চক্ৰ বিষয়া মাইনোশ্ৰী বড়ো(৮৭৪৪০৪৯৮৬৭)ৰ সৈতে যোগাযোগ কৰিব পাৰিব ৷🔯