👉৩২ নং বঙাইগাঁও বিধান সভা সমষ্টিত ৮০ বছৰ বয়সৰ উৰ্ধৰ বয়োজ্যেষ্ঠ ভোটাৰৰ ভোটগ্ৰহণ পৰ্ব আৰম্ভ বঙাইগাঁওঃ ১ এপ্ৰিলঃ 📝৩২ নং বঙাইগাঁও বিধান সভা সমষ্টিৰ অন্তৰ্গত ৮০

👉৩২ নং বঙাইগাঁও বিধান সভা সমষ্টিত ৮০ বছৰ বয়সৰ উৰ্ধৰ বয়োজ্যেষ্ঠ ভোটাৰৰ ভোটগ্ৰহণ পৰ্ব আৰম্ভ 

বঙাইগাঁওঃ ১ এপ্ৰিলঃ

📝৩২ নং বঙাইগাঁও বিধান সভা সমষ্টিৰ অন্তৰ্গত ৮০ বছৰৰ উৰ্ধৰ আৰু শাৰীৰিকভাবে সক্ষম ভোটাৰসকলৰ ঘৰে ঘৰে গৈ প'ষ্টেল বেলটযোগে বৃহস্পতিবাৰৰ পৰা ভোটগ্ৰহণ প্ৰক্ৰিয়া আৰম্ভ হৈছে। সমষ্টিটোত ৮০ বছৰ বয়সৰ উৰ্ধৰ ২৭৩ গৰাকী বয়োজ্যেষ্ঠ ভোটাৰ আৰু ৬৬ গৰাকী বিশেষভাবে সক্ষম ভোটাৰ আছে। উল্লেখ্য যে বঙাইগাঁও জিলা প্ৰশাসনে গঠন কৰি দিয়া ২৫ টা দলৰ ৩ টা দলক সংৰক্ষণ কৰি ৰাখি বাকী ২২ দলে বৃহস্পতিবাৰৰ পৰা নিজ নিজ এলেকালৈ যাত্রা আৰম্ভ কৰি ভোটগ্ৰহণ সম্পন্ন কৰি আছে । 

প্ৰতিটো দলত চেক্টৰ বিষয়া, প'লিং বিষয়াৰ লগতে  এজন মাইক্ৰ অৱজাভাৰ , ভিডিঅ'গ্ৰাফাৰ আৰু নিৰাপত্তাৰক্ষীৰ এজন লোকসহ মুঠ ৫ জনীয়া সদস্যৰে একোটা দল গঠন কৰা হৈছে । যিসকল ভোটাৰে প'ষ্টেল বেলটযোগে ঘৰৰ  পৰা ভোটদান কৰাৰ ইচ্ছা কৰি ইতিমধ্যে আবেদন দাখিল কৰিছে  আৰু আবেদন গৃহীত হৈছে, সেইসকল ভোটাৰেহে  এই সুবিধা গ্ৰহণ কৰিব পাৰিব । এই ক্ষেত্ৰত স্বচ্ছতা বৰ্তাই ৰক্ষাৰ বাবে সম্পূৰ্ণ প্ৰক্ৰিয়াটোৰ ভিডিঅ'গ্ৰাফী কৰা হ'ব । যদি কোনো কাৰণৱশত এই  সময়ছোৱাত কোনো এজন ভোটাৰ ঘৰত পোৱা নাযায়, তেনেহলে দ্বিতীয় দিনা পুনৰ গৈ ভোটগ্ৰহণ সম্পন্ন কৰিব ।🔯