👉বঙাইগাঁৱৰ নৰ্থ বইটামাৰীত কংগ্ৰেছৰ নিৰ্বাচনী সভা

👉বঙাইগাঁৱৰ নৰ্থ বইটামাৰীত কংগ্ৰেছৰ নিৰ্বাচনী সভা 

👉ফণীভূষণক ক্ষুৰধাৰ সমালোচনা কংগ্ৰেছ নেতা ৰাণা গোস্বামীৰ

বঙাইগাঁওঃ ১ এপ্ৰিলঃ

📝বঙাইগাওঁ বিধান সভা সমষ্টিৰ অন্তৰ্গত নৰ্থ বইটামাৰীৰ ডেকলিমাৰীত আজি কংগ্ৰেছ দলৰ এক নিৰ্বাচনী সভা অনুষ্ঠিত হয় । কংগ্ৰেছ মহাজোঁটবন্ধনৰ প্ৰাৰ্থী শংকৰ প্ৰসাদ ৰায়ৰ সমৰ্থনত বিয়লি চাৰি বজাত ডেকলিমাৰী জগন্নাথ মন্দিৰ প্ৰাংগনত অনুষ্ঠিত সভাখনত উপস্থিত থাকি কংগ্ৰেছৰ প্ৰাক্তন বিধায়ক তথা নিখিল ভাৰত কংগ্ৰেছ কমিটিৰ সাধাৰণ সম্পাদক ৰাণা গোস্বামীয়ে বঙাইগাৱঁৰ বিধায়ক তথা অগপ দলৰ প্ৰাৰ্থী ফণীভূষণ চৌধুৰীৰ বিৰূদ্ধে সৰৱ হৈ পৰে । ৩৫ বছৰীয়া কাৰ্যকালত সমষ্টিটোৰ একো উন্নয়ন কৰিব নোৱাৰা বুলি সমালোচনা কৰে ৰাণা গোস্বামীয়ে । শিক্ষা-স্বাস্থ্য-যাতায়ত-যোগাযোগ সকলো দিশত বঙাইগাওঁ সমষ্টি বহু পিছপৰি থকা বুলি নেতাজনে ভাষণত উল্লেখ কৰে । বিধানসভাৰ মজিয়াত বিভিন্ন জাতি-জনগোষ্ঠীৰ সমস্যা তথা আন সমস্যা ফণীভূষণ চৌধুৰীয়ে কেতিয়াও বলিষ্ঠ ৰূপত উপস্থাপন নকৰিলে বুলিও কংগ্ৰেছ নেতাগৰাকীয়ে অভিযোগ আনে । ইফালে সভাত উপস্থিত থাকি যুৱ কংগ্ৰেছৰ ৰাষ্ট্ৰীয় মুখপাত্ৰ তথা যুৱ নেতা জ্যোতিৰ্ময় বৈশ্য ই ফণীভুষণ চৌধুৰী আৰু তেওঁৰ পালিনেতাসকলৰ বিৰূদ্ধে সৰৱ হৈ পৰে । নাগৰিকত্ব আইনৰ বিৰোধিতাৰ নাটক কৰি পৰৱৰ্তী সময়ত পুনৰ মন্ত্ৰীত্ব লোৱা আৰু এছ আই কেলেংকাৰীত অভিযুক্ত অক্ষয় চান্দ বৈদৰ লগত ফণীভুষণ চৌধুৰীৰ ঘনিষ্ঠতাক লৈও প্ৰশ্ন উত্থাপন কৰে নেতাগৰাকীয়ে । লগতে নৰ্থ বইটামাৰী অঞ্চলক দীৰ্ঘদিনৰ পৰা ফণীভূষণে অৱহেলিত কৰি ৰখা বুলি উল্লেখ কৰে । দেৱানগাৱঁত টুনীয়া নৈৰ ওপৰত পকী দলং নোহোৱা, নৰ্থ বইটামাৰীৰ মাজেৰে যোৱা গড়কাপ্তানী পথৰ জৰাজীৰ্ণ অৱস্থা আদি সমস্যা উল্লেখ কৰে আৰু পঞ্চায়তখনৰ অধীনৰ  একাংশ অগপ পালিনেতাই দালাল ৰাজ চলোৱা বুলিও নেতাজনে উল্লেখ কৰে । সভাত প্ৰদেশ কংগ্ৰেছৰ সম্পাদক শ্যামল নাৰায়ণ দেৱেও ফণীভূষণৰ বিৰূদ্ধে সৰৱ হৈ পৰে । আজিৰ সভাত কংগ্ৰেছৰ বহু নেতা-কৰ্মী আৰু দুই শতাধিক ৰাইজ উপস্থিত থাকে । উল্লেখ্য যে আজি কংগ্ৰেছ দলে বিভিন্ন ঠাইত কেইবাখনো সভা অনুষ্ঠিত কৰে 🔯