👉বন বিভাগৰ অভিযান ঃ অবৈধ কাঠ ফলা কলসহ জব্দ কাঠৰ কুণ্ডা

👉বন বিভাগৰ অভিযান ঃ অবৈধ কাঠ ফলা কলসহ জব্দ কাঠৰ কুণ্ডা 

বঙাইগাঁওঃ ৮ এপ্ৰিলঃ

📝আজি দিনৰ ১১ মান বজাত আই উপত্যকা বন সংমণ্ডল প্ৰাধিকাৰীৰ নিৰ্দেশত বঙাইগাঁওস্থিত বিশেষ বন সুৰক্ষা বাহিনীয়ে অভয়াপুৰী বনাঞ্চলিক কাৰ্যালয়ৰ অন্তৰ্গত টিলাপাৰা দলনি বিলৰ পাৰত অভিযান চলাই এটা অবৈধ কাঠফলা মিল জব্দ কৰে৷ ইয়াৰ উপৰিও বুজন সংখ্যক শাল আৰু গমাৰী কাঠৰ কুণ্ডা তথা ফলা কাঠো জব্দ কৰিবলৈ সক্ষম হয় ৷ 

জব্দকৃত কাঠ আৰু কাঠ ফলা কলটো পিচত অভয়াপুৰী বনাঞ্চলিক কাৰ্যালয়লৈ লৈ আহে ৷ জব্দকৃত কাঠখিনিৰ বজাৰ মূল্য পঞ্চাশ হাজাৰোধিক টকা হ'ব। ইপিনে চোৰাং কাঠৰ ব্যৱসায়ী তথা অবৈধ কাঠফলা কলৰ গৰাকীক কৰায়ত্ব কৰাৰ বাবে বনবিভাগে তদন্ত আৰম্ভ কৰিছে।🔯