👉বঙাইগাঁৱত মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ মুখ্যমন্ত্ৰীৰ নিৰ্বাচনী প্ৰচাৰ

👉বঙাইগাঁৱত মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ মুখ্যমন্ত্ৰীৰ নিৰ্বাচনী প্ৰচাৰ 

👉অসমৰ বুকুত এতিয়া শান্তিয়ে শান্তি- সৰ্বানন্দ সোনোৱাল 

👉বিজেপি নেতৃত্বাধীন মিত্ৰজোঁটৰ চৰকাৰ পুনৰ ক্ষমতাত অহাটো এশ শতাংশ খাটাং - অতুল বৰা

বঙাইগাঁওঃ ৩ এপ্ৰিলঃ 

📝ভাৰতীয় জনতা পাৰ্টি তথা আমি মিত্ৰজোঁটে যোৱা পাঁচ বছৰ চৰকাৰ পৰিচালনা কৰাৰ বাবে অসমৰ বুকুত যোৱা পাঁচ বছৰ কোনো ধৰণৰ অশান্তি হোৱা নাই , কোনো ধৰণৰ গোষ্ঠীগত সংঘাত হোৱা নাই , ভাষা- ভাষীৰ মাজত সংঘাত হোৱা নাই ,বিভিন্ন ধৰ্মৰ মাজত সংঘাত হোৱা নাই ৷ সকলোৱে মিলাপ্ৰীতিৰে শান্তিত আছে ৷ এই মন্তব্য মুখ্যমন্ত্ৰী সৰ্বানন্দ সোনোৱালৰ ৷ আজি বঙাইগাঁও চহৰৰ বীৰঝৰা উচ্চতৰ মাধ্যমিক বিদ্যালয় খেল পথাৰত  ৩২ নং বঙাইগাঁও বিধান সভা সমষ্টিৰ মিত্ৰজোঁটৰ প্ৰাৰ্থী তথা একেৰাহে ৩৫  টা বছৰ ধৰি সমষ্টিটো নিজৰ দখলত ৰাখি অহা অগপ বিধায়ক ফণীভূষণ চৌধুৰীৰ হৈ নিৰ্বাচনী সভাত অংশগ্ৰহণ কৰি মুখ্যমন্ত্ৰীগৰাকীয়ে এই মন্তব্য কৰে মুখ্যমন্ত্ৰীগৰাকীয়ে নিজৰ ভাষণত কয় যে পূৰ্বে কংগ্ৰেছৰ কাৰ্যকালত ৰাজ্যখনত বহু সংঘাত হৈছিল আৰু যাৰ ফলত বহু মানুহে অকালতে মৃত্যুক সাৱটি ল'বলগীয়া হৈছিল ৷ বহু মানুহৰ হাৰাশাস্তি হৈছিল ৷ মানুহে অশান্তিত কটাইছিল ,মানুহে ভয় আৰু শংকাত কটাইছিল ৷ কিন্তু ভাৰতীয় জনতা পাৰ্টিয়ে সততা আৰু নিষ্ঠাৰে কাম কৰি সকলোৰে  মাজত শান্তি সম্ভৱ কৰি তুলিলে ৷ অসমৰ বুকুত এতিয়া শান্তিয়ে শান্তি ৷ ইপিনে বঙাইগাঁও সমষ্টিৰ ৰাইজক সৌভাগ্যবান বুলি মন্তব্য কৰি মুখ্যমন্ত্ৰীগৰাকীয়ে কয় যে ফণীভূষণ চৌধুৰী এগৰাকী সৎ , নিষ্ঠাবান আৰু অত্যন্ত পৰিশ্ৰমী ৷ ২৪ ঘণ্টাই নিজৰ কথা বাদ দি ৰাইজৰ কথা ভাবি ৰাইজৰ স্বাৰ্থত কাম কৰে ৷ মই ফণীভূষণ চৌধুৰীৰ হৈ আপোনালোকৰ আশীৰ্বাদ বিচাৰি ইয়াত উপস্থিত হৈছো ৷ এগৰাকী এনে ধৰণৰ জনপ্ৰতিনিধি যিগৰাকী জীৱনত সকলো সময়ত এটি সাধাৰণ জীৱন কটাবলৈ সক্ষম হ'ল ৷ চৰকাৰৰ বহু গুৰুত্বপূৰ্ণ দায়িত্বত থকাৰ লগতে মন্ত্ৰীও হ'ল ৷ তৎস্বত্বেও আজিও আৰম্ভণিতে যেনেধৰণে আছিল এতিয়াও সহজ সৰলভাৱে জীৱন নিৰ্বাহ কৰা এই গৰাকীয়ে মহান নেতা ফণীভূষণ চৌধুৰী ৷ তেওঁ আৰু কয় যে ভাৰতীয় জনতা পাৰ্টিৰ মিত্ৰজোঁটৰ চৰকাৰখনৰ কাৰ্যকালত যোৱা পাঁচ বছৰে ফণীভূষণ চৌধুৰীৰ মহৎ প্ৰচেষ্টাত এই বঙাইগাঁৱত ইঞ্জিনীয়াৰিং কলেজৰ কাম আৰম্ভ হ'ল ৷ ইয়াৰ উপৰিও যোগীঘোপাত ভাৰতবৰ্ষৰ প্ৰধানমন্ত্ৰী নৰেন্দ্ৰ মোডীৰ আটাইতকৈ যিটো গুৰুত্বপূৰ্ণ প্ৰকল্প ভাৰতমালাৰ অধীনত প্ৰায় ৩,৫০০ কৌটি টকা ব্যয় সাপেক্ষে প্ৰথমটো আঁচনিৰ কাম এই বঙাইগাঁও জিলাৰ যোগীঘোপাত মাল্টি লজিষ্টিক পাৰ্কৰ কাম শুভাৰম্ভ কৰা হ'ল ৷ ফণীভূষণ চৌধুৰীৰ বলিষ্ঠ পদক্ষেপত ভাৰত চৰকাৰে বঙাইগাঁও শোধনাগাৰৰ উৎপাদন শক্তি ২.৫ মিলিয়ন টনৰ পৰাল ৫ মিলিয়ন টনলৈ বৃদ্ধি কৰাৰ বাবে দহ হাজাৰ কৌটি টকা অনুমোদন জনাইছে ৷ ইয়াৰ ফলত ওচৰে পাজৰে বিভিন্ন উদ্যোগ স্থাপন হ'ব আৰু বহু নিৱনুৱাই কৰ্ম- সংস্থাপন লাভ কৰিব বুলি কয় ৷ আগন্তুক চৰকাৰৰ কাৰ্যকালত আমি অৰুণোদয় আচনিৰ জৰিয়তে ৮৩০ টকা মহিলাৰ একাউণ্টত আৰ্থিক সহযোগিতা আগবঢ়াবলৈ যি সিদ্ধান্ত লৈছিলো এতিয়া তাৰ পৰিৱৰ্তে ৩ হাজাৰ টকা লাভ কৰিব ৷ সেইদৰে আগন্তুক পাঁচ বছৰত দহ লাখ নিবনুৱা যুৱক - যুৱতীক কৰ্ম সংস্থাপন দিয়া হ'ব ৷ বঙাইগাঁও জিলাত আৰু নিবনুৱা যুৱক - যুৱতী নাথাকিব ৷ বঙাইগাঁও জিলাৰ খেতিয়কসকলৰ বাবে মুখ্যমন্ত্ৰী কৃষি সা- সঁজুলি আঁচনিৰ অধীনত পূৰ্বে যি পাঁচ হাজাৰ টকা পাইছিল আগন্তুক দিনত দহ হাজাৰ টকা কৈ আগবঢ়াম ৷ বৃদ্ধ পেঞ্চন ,বিধবা পেঞ্চন পাই থাকিব আৰু অবিবাহিত মহিলাসকলেও চৰকাৰৰ বিশেষ আঁচনিৰ দ্বাৰা আৰ্থিকভাৱে লাভাম্বিত হ'ব ৷ ছাত্ৰ - ছাত্ৰীসকলোক বিনামূলীয়া নামভৰ্তি ,পাঠ্যপুথি আৰু ইউনিফৰ্ম প্ৰদান কৰা হ'ব ৷ 

মুখ্যমন্ত্ৰীগৰাকীয়ে বৰাক- ব্ৰহ্মপুত্ৰ ,পাহাৰ ভৈয়াম, সকলো জাতি - জনগোষ্ঠীৰ মিলিত প্ৰচেষ্টাৰে  আজি অসম শক্তিশালী কৰাৰ যাত্ৰাত আত্মনিয়োগ কৰিছে বুলি কৈ আমি সকলো সম্প্ৰদায়ৰ লোকক সন্মান দিলো , সকলো সম্প্ৰদায়ৰ কৃষ্টি - সংস্কৃতি, ভাষা- সাহিত্যৰ উন্নতিৰ বাবে শক্তিশালী পদক্ষেপ ললো আৰু ইয়াৰ বাবে প্ৰতিগৰাকী নাগৰিকে সন্মানসহকাৰে প্ৰাপ্য অধিকাৰ ভোগ কৰাৰ বাবে এটা সুন্দৰ বাতাবৰণ আৱিস্কাৰ কৰিবলৈ সক্ষম হ'ল বুলি কয়  ৷সেই বাবে আজি অসম দোপত দোপে উন্নতিৰ জখলাত বগাবলৈ সক্ষম হৈছে ৷ অসমৰ বুকুত বসবাস কৰা অসমীয়া ,মাৰোৱাৰী, বিহাৰী,বঙালী ,পঞ্জাবী, নেপালীকে ধৰি বিভিন্ন জাতি -জনগোষ্ঠী , অনুসূচীত জনজাতি ,অন্যান্য পিচ পৰা সম্প্ৰদায়ৰ লোকৰ উপৰিও হিন্দু ,মুছলমান ,খৃষ্টান , বুদ্ধিচ, জৈন ,শিখ আমি সকলোৱে বৰাক - ব্ৰহ্মপুত্ৰ পাহাৰ ভৈয়াম একাকাৰ হৈ অজি অসম ভাৰত বৰ্ষৰ বুকুত শক্তিশালী ৰাজ্য হিচাপে প্ৰতিষ্ঠা কৰাৰ যাত্ৰা কৰাত আত্মনিয়োগ কৰিছো ৷ মিলাপ্ৰীতি সকলো সময়তে থাকিব লাগিব ৷ বিজেপি যেতিয়ালৈকে থাকে অসমৰ সকলো শ্ৰেণীৰ ৰাইজ সম্পূৰ্ণৰূপে সুৰক্ষিত হৈ থাকিব আৰু সকলোৱে প্ৰাপ্য অধিকাৰ সন্মানসহকাৰে ভোগ কৰিবলৈ সক্ষম হ'ব ৷ আমাৰ মাটি - ভেঁটি ,কৃষ্টি - সংস্কৃতি , ভাষা - সাহিত্য ,সভ্যতাৰ ঐতিহ্য সকলো আমাৰ কাৰ্যকালত স্থায়ীভাৱে সুৰক্ষিত হৈ থাকিব ৷ মুখ্যমন্ত্ৰীগৰাকীয়ে এই বঙাইগাঁও জিলাত যিমান সংখ্যক লোক আছে যাৰ মাটিৰ পট্টা নাই আগন্তুক দিনত এই সন্দৰ্ভত চৰকাৰে সুকীয়া জৰীপ চলাই এই অঞ্চলৰ ৰাইজে যাতে নিজৰ মাটিৰ ওপৰত অধিকাৰ সাব্যস্ত কৰিব পাৰে তাৰ প্ৰতি লক্ষ্য ৰাখি মাটিৰ পট্টা দিয়াৰ ব্যৱস্থা অসম চৰকাৰৰ পৰা গ্ৰহণ কৰা হ'ব বুলিও কয় ৷ সেইদৰে বিশ্ববীৰ চিলাৰায়ৰ আদৰ্শৰে আগন্তুক দিনত অসমৰ সকলো যুৱকক শক্তিশালীভাৱে নিজৰ জীৱন গঢ় দিয়াৰ ক্ষেত্ৰত চৰকাৰৰ তৰফৰ পৰা উল্লেখযোগ্য আঁচনি হাতত লোৱা হ'ব ৷ মুখ্যমন্ত্ৰীগৰাকীয়ে ফণীভূষণ চৌধুৰীক মহান নেতা বুলি উল্লেখ কৰি এই নিৰ্বাচনত বঙাইগাঁওবাসীৰ মৰমৰ নেতাগৰাকীক হাতীৰ ছবিত বুটাম টিপি ডেৰ লাখ ভোট দি বিজয়ী কৰি দিছপুৰৰ মজিয়ালৈ পঠাবলৈ আহ্বান জয়ায় ৷ 

বঙাইগাঁও জিলা অগপৰ যুৱ নেতা মনোৰঞ্জন ভাগৱতীয়ে আত ধৰা নিৰ্বাচনী সভাত অগপ দলৰ সভাপতি তথা  মন্ত্ৰী অতুল বৰাই অংশগ্ৰহণ কৰি কয় যে বিজেপি নেতৃত্বাধীন অগপ , ইউপিপিএল , সন্মিলিত গনশক্তি অসম আৰু ৰাভা হাছং যৌথ সংগ্ৰাম সমিতিৰ দ্বাৰা গঠিত ঐকবদ্ধ মিত্ৰজোঁটে ইতিমধ্যে অনুষ্ঠিত হোৱা  প্ৰথম আৰু দ্বিতীয় পৰ্যায়ৰ নিৰ্বাচন যথেষ্ট আশানুৰূপ ফল লাভ কৰিব ৷ যাৰ বাবে কংগ্ৰেছ- এআইইউডিএফ শংকিত হৈ পৰিছে ৷ লগতে অপশক্তিবোৰ শংকিত হৈছে ৷ তেওঁ লগতে কয় যে ভাৰতৰ স্বাধীনতা লাভৰ পিছৰে পৰা দীৰ্ঘ সময় কংগ্ৰেছক শাসন কৰিবলৈ সূযোগ প্ৰদান কৰিছিল, কিন্তু কংগ্ৰেছৰ অপশাসন, দূৰ্নীতি ,ভ্ৰষ্টাচাৰৰ বাবে ৰাইজ অতিষ্ঠ হৈ পৰিছে ৷ যাৰ বাবে বিজেপি নেতৃত্বাধীন মিত্ৰজোঁটৰ সপক্ষেই এই বেলিও ভোটদান কৰিলে ৷ তেওঁ আৰু কয় যে কংগ্ৰেছৰ ইমানেই দুৰ্দিন ,দুৰ্দশা চলিছে যে যাৰ বাবে দেশৰ স্বাধীনতা আনি দিয়া এই দলটোৱে এআইইউডিএফৰ দৰে এটি সাম্প্ৰদায়িক দলৰ লগত মিত্ৰতা স্থাপন কৰিবলৈ বাধ্য হৈছে ৷ আজমল চাহাবৰ দলৰ লগত মিত্ৰতা স্থাপন কৰাৰ বাবেই উজনি অসমত কংগ্ৰেছৰ ভেঁটি থৰক বৰক হৈ পৰিছে ৷ যাৰ বাবে প্ৰথম আৰু দ্বিতীয় পৰ্যায়ৰ নিৰ্বাচনত কংগ্ৰেছ -এআইইউডিএফ নেতৃত্বাধীন মহাজোটে মুখ থেকেঁচা খাব ৷ ৰাজ্য খনত বিজেপি নেতৃত্বাধীন মিত্ৰজোঁটৰ চৰকাৰখন পুনৰ ক্ষমতাত অহাটো ১০০ শতাংশ খাটাং বুলিও তেওঁ কয় ৷ আনহাতে সমষ্টিটোৰ প্ৰাৰ্থী তথা বিধায়ক ফণীভূষণ চৌধুৰীয়ে নিজৰ ভাষণত এই পাঁচটা বছৰত বঙাইগাঁৱত কেইবাটাও আঁচনি ৰূপায়ণৰ কাম চলি আছে বুলি কৈ বি এড কলেজৰ নিৰ্মাণ ,ইঞ্জিনীয়াৰিং কলেজৰ কাম ,তাৰকাগৃহ, জিলা বিজ্ঞান কেন্দ্ৰ , ষ্টেডিয়াম আদিৰ কামৰ কথা উল্লেখ কৰে ৷ ইপিনে ইউপিপিএল দলৰ কাৰ্যকৰী সভাপতি ৰৌণগৌৰা নাৰ্জাৰীয়ে নিজৰ ভাষণত দিছপুৰত বিজেপিৰ নেতৃত্বত তথা অগপ আৰু ইউপিপিএলৰ সমৰ্থনত চৰকাৰ গঠন হ'ব বুলি উল্লেখ কৰি বিটিচি এলেকাৰ  বিপিএফৰ দখলত থকা ১২ খন এইবাৰ মিত্ৰজোঁটে দখল কৰিব বুলিও কয় ৷ নিৰ্বাচনী সভাত মন্ত্ৰী কেশৱ মহন্ত , অগপ নেতা মনি মাধব মহন্ত ,  জিলা অগপৰ সভাপতি বিজয় সিংহ  , অগপ নেত্ৰী লীনা সিংহ , জিলা বিজেপিৰ সভাপতি হিমানী অধিকাৰী আৰু বিজেপি দলৰ পৰ্যবেক্ষক তথা কুৰুক্ষেত্ৰ সমষ্টিৰ সাংসদ নবাব ছাইনি সহ আৰু কেবাজনো নেতৃবৃন্দই অংশগ্ৰহণ কৰে ৷🔯