👉বঙাইগাঁৱৰ পালপাৰাত চোকা অস্ত্ৰৰ আক্ৰমণত গুৰুতৰভাৱে আহত যুৱক

👉বঙাইগাঁৱৰ পালপাৰাত চোকা অস্ত্ৰৰ আক্ৰমণত গুৰুতৰভাৱে আহত যুৱক 

বঙাইগাঁওঃ ৮ এপ্ৰিলঃ

📝চহৰৰ উত্তৰ বঙাইগাঁওস্থিত ১১ নম্বৰ ৱাৰ্ডৰ পালপাৰাত যোৱা নিশা যুৱক এজনক চোকা অস্ত্ৰৰে আক্ৰমণৰ ঘটনা সংঘটিত হয় ৷ এই ঘটনা সন্দৰ্ভত উত্তৰ বঙাইগাঁও আৰক্ষী পহৰা চকীত আক্ৰমণৰ বলী হোৱা যুৱকজনৰ পৰিয়ালে ইতিমধ্যে  এখন এজাহাৰ দাখিল কৰিছে ৷ এজাহাৰত উল্লেখ কৰা অনুসৰি পালপাৰাৰ অজিত সাহাৰ পুত্ৰ অংকুৰ সাহা (২৯ )ই যোৱা নিশা প্ৰায় ১০ বজাত খোজ কাঢ়ি নিজ ঘৰলৈ গৈ থকা অবস্থাত প্ৰিয়ংকা গেছ এজেন্সিৰ ওচৰত উত্ত অঞ্চলৰে চিত্ত ঘোষৰ পুত্ৰ  চন্দন ঘোষ নামৰ আন এজন যুৱকে চোকা অস্ত্ৰৰে আক্ৰমণ কৰি গুৰুতৰভাৱে আহত কৰে ৷ আহত অংকুৰ সাহাৰ চিঞৰ - বাখৰ শুনি পিছত ঘটনাস্থলীত স্থানীয় লোক উপস্থিত হয় আৰু অংকুৰৰ পৰিয়ালক খবৰ দিয়ে ৷ পিছত আঘাতপ্ৰাপ্ত যুৱক জনক পৰিয়ালৰ লোকে বঙাইগাঁৱৰ এখন ব্যক্তিগত খণ্ডৰ চিকিৎসালয়ত ভৰ্ত্তি কৰে ৷ উল্লেখ্য যে ধনৰ লেনদেনৰ ঘটনাক কেন্দ্ৰ কৰিয়েই এই আক্ৰমণৰ ঘটনা সংঘটিত হোৱা বুলি স্থানীয় সূত্ৰে জানিব দিয়া হৈছে ৷ ইপিনে অংকুৰ সাহাক আক্ৰমণ কৰা যুৱকজন পলাতক বুলি জনা গৈছে৷🔯