👉বঙাইগাঁৱত সাধাৰণ, পুলিচ জ'নেল আৰু চেক্টৰ বিষয়াৰ মাজত সভা

👉বঙাইগাঁৱত সাধাৰণ, পুলিচ জ'নেল আৰু চেক্টৰ বিষয়াৰ মাজত  সভা 

বঙাইগাঁওঃ ৩ এপ্ৰিলঃ 

📝অহা ৬ এপ্ৰিলত ৩২ নং বঙাইগাঁও বিধান সভা সমষ্টিত অনুষ্ঠিত হ'বলগীয়া তৃতীয় পৰ্যায়ৰ নিৰ্বাচনৰ বাবে মাজত আৰু মাথোঁ দুটা দিন বাকী থকাৰ পৰিপ্ৰেক্ষিতত বঙাইগাঁও জিলা প্ৰশাসনে সমষ্টিটোত নিকা আৰু শান্তিপূৰ্ণ  নিৰ্বাচন অনুষ্ঠিত কৰাৰ লক্ষ্যৰে আজি সন্ধিয়া ৬ বজাৰ পৰা বঙাইগাঁও জিলা পুঁথি ভড়াল প্ৰেক্ষা গৃহত নিৰ্বাচনৰ বাবে নিয়োজিত  সাধাৰণ, পুলিচ জ'নেল আৰু  চেক্টৰ বিষয়াৰ মাজত যোগসূত্ৰ স্থাপনৰ বাবে কো-টাৰ্মিনাচ ( Co-terminus) সভা অনুষ্ঠিত কৰা হয় । এই সভাত বঙাইগাঁও জিলা নিৰ্বাচনী বিষয়া তথা জিলা উপায়ুক্ত ডাঃ এম.এছ.লক্ষ্মীপ্ৰিয়াই উপস্থিত থাকি  নিৰ্বাচনী দায়িত্ব সমূহ অৱগত কৰি সকলোকে নিজ নিজ দায়িত্ব সমূহ গুৰুত্বসহকাৰেলৈ দলীয় মনোভাৱেৰে নিষ্ঠাৰে পালন কৰিবলৈ আহবান জনায় ৷

সেইদৰে পশ্চিম অসম সংমণ্ডলৰ ডি আই জি দিলীপ কুমাৰ দে উপস্থিত থাকি সকলোকে সাধাৰণ পৰিচালন পদ্ধতি  (Standard Operating Procedure)  মানি চলি নিজ নিজ দ্বায়িত্ব পালন কৰিবলৈ কয়। আনহাতে বঙাইগাঁও জিলা আৰক্ষী অধীক্ষক সুবোধ কুমাৰ সোণোৱালেও পুলিচ বিষয়া সকলৰ নিজ নিজ দ্বায়িত্ব অৱগত কৰে। সভাত বঙাইগাঁও জিলা পৰিষদৰ কাৰ্যবাহী বিষয়া নাদিৰা জেছমিন, অতিৰিক্ত উপায়ুক্ত ড০ চৈয়দ তহিদুৰ ৰহমান, গয়া প্ৰসাদ আগৰৱালা, সহকাৰী আয়ুক্ত শিৱাংশ অৱস্থি, নিৰ্বাচনী বিষয়া বেনু মুচাহাৰী, বঙাইগাঁও জিলা স্বাস্থ্য বিভাগৰ যুটীয়া সঞ্চালক ডাঃ নীল মাধৱ দাস আদি এই সভাত  উপস্থিত থাকে ।🔯