🔯বঙাইগাঁৱত আক্ৰাছুৰ ৩১ সংখ্যক কেন্দ্ৰীয় প্ৰতিষ্ঠা দিৱস উদযাপন

🔯বঙাইগাঁৱত আক্ৰাছুৰ ৩১ সংখ্যক কেন্দ্ৰীয় প্ৰতিষ্ঠা দিৱস উদযাপন 

🔯আনক দোষ দি লাভ নাই , চৰকাৰৰ যদি সদিচ্ছা আছে তেতিয়াহলে কোচ ৰাজবংশীসকলৰ সমস্যাসমূহ অতি সোনকালে সমাধান কৰক- অৰুণ কুমাৰ ৰায়

🔯বিভাজনৰ মাজতো আমি ঐক্যৱদ্ধতাৰে অচিৰে সকলোৱে মিলি আক্ৰাছুক একত্ৰিত কৰি জাতীয় সংগঠন হিচাপে যাতে অনাগত দিনত শক্তিশালী ৰূপত গঢ়ি তুলিব পাৰো তাৰ বাবে সকলোৱে সিদ্ধান্ত গ্ৰহণ কৰিছো -গোকুল বৰ্মন

📝বঙাইগাঁওঃ২৯ জুলাইঃ সদৌ কোচ ৰাজবংশী ছাত্ৰ সন্থাৰ ৩১ সংখ্যক কেন্দ্ৰীয় প্ৰতিষ্ঠা দিৱস আজি সংগঠনটোৰ বঙাইগাঁও চহৰৰ বৰপাৰাস্থিত মুখ্য কাৰ্যালয়ত এদিনীয়াকৈ তথা অনুষ্টুপীয়াকৈ উদযাপন কৰে ৷ ক'ভিড পৰিস্থিতিৰ বাবে অনুষ্টুপীয়াকৈ উদযাপন কৰা প্ৰতিষ্ঠা দিৱস উপলক্ষে আক্ৰাছুৰ সভাপতি অৰুণ কুমাৰ ৰায়ে আক্ৰাছুৰ , কোচ ৰাজবংশী মহিলা সমিতিৰ সভানেত্ৰী পূৰবী সৰকাৰে মহিলা সমিতিৰ, চিলাৰায় সেনাৰ উপ সেনাধ্যক্ষ দেৱৰঞ্জন মণ্ডলে চিলাৰায় সেনাৰ আৰু আক্ৰাছুৰ উপ সভাপতি ক্ষীতিশ বৰ্মনে  কোচ ৰাজবংশী জাতীয় সাংস্কৃতিক পতাকা উত্তোলনেৰে কাৰ্যসূচীৰ শুভাৰম্ভ কৰে ৷ শ্বহীদ বেদীত বন্তি প্ৰজ্বলন আৰু মাল্যাৰ্পন কৰি ছহিদসকললৈ শ্ৰদ্ধাঞ্জলি যাঁচে আক্ৰাছুৰ সাধাৰণ সম্পাদক গোকুল বৰ্মনে ৷ পতাকা উত্তোলন কৰি আক্ৰাছুৰ সভাপতি অৰুণ কুমাৰ ৰায়ে সংগঠনটোৰ মূল দাবী জনজাতিকৰণৰ লগতে বিভিন্ন বিষয়ত বক্তব্য ৰাখে আৰু জনজাতিকৰণ তথা অন্যান্য সমস্যাৰাজি সমাধানৰ স্বাৰ্থত সকলোৱে ঐক্যৱদ্ধ হৈ আন্দোলন তীব্ৰতৰ কৰি তোলাৰো পোষকতা কৰে ৷ সভাপতি ৰায়ে সংগঠনটোৰ জন্মলগ্নৰ বিষয়ে উল্লেখ কৰি কয় যে কোচ ৰাজবংশী জনগোষ্ঠীৰ দীৰ্ঘদিনীয়া সমস্যাসমূহৰ ওপৰত ভিত্তি কৰি ১৯৯০ চনৰ ২৯ জুলাইৰ দিনটোতে ঐতিহাসিক পৃথক কমতাপুৰ ৰাজ্য গঠন ,জনজাতিকৰণ আৰু জনগোষ্ঠীটোৰ ভাষা, কলা - কৃষ্টি, সংস্কৃতিৰ লগতে অৰ্থনৈতিক, ৰাজনৈতিক, সামাজিক , শৈক্ষিক দিশত আগবঢ়াই লৈ যোৱাৰ উদ্দেশ্যৰে সদৌ কোচ ৰাজবংশী ছাত্ৰ সন্থাৰ জন্ম হৈছল ৷ এই দাবীসমূহৰ ক্ষেত্ৰত বিভিন্ন সময়ত আন্দোলন , প্ৰতিবাদ আৰু আলোচনা কৰি বৰ্তমানৰ অৱস্থা পাইছো যদিও জনজাতিকৰণৰ সমস্যাটো আজিলৈকে সমাধান ন'হল ৷ এইক্ষেত্ৰত চৰকাৰৰ সৈতে কেইবালানিও আলোচনা অনুষ্ঠিত হৈছিল আৰু আমিও সমস্যাটো সমাধান হ'ব বুলি ভাবো যদিও সোয়া হৈ নুঠে ৷ 

সেয়ে প্ৰতিষ্ঠা দিৱসৰ দিনা ভাৰত চৰকাৰ আৰু অসম চৰকাৰক দাবী জনাইছো যাতে কোচ ৰাজবংশীসকলৰ যি জনজাতিকৰণ আৰু কমতাপুৰৰ দাবীকে ধৰি দীৰ্ঘদিনীয়া সমস্যাসমূহ শীঘ্ৰে সমাধান কৰক ৷ বিশেষকৈ জনজাতিকৰণৰ সমস্যাটো অতি সোনকালে সমাধান কৰাৰ ব্যৱস্থা গ্ৰহণ কৰক ৷ মন্ত্ৰীগোটৰ প্ৰতিবেদন কেন্দ্ৰলৈ প্ৰেৰণ কৰক ৷ কাৰণ বৰ্তমানৰ মুখ্যমন্ত্ৰী ডঃ হিমন্ত বিশ্ব শৰ্মা নিজেই মন্ত্ৰী গোটৰ অধ্যক্ষ ৷ তেওঁ গোটেই জানে ৷ ইতিমধ্যে অসম চৰকাৰৰ আঠ - ন বাৰ কেবিনেট বৈঠক অনুষ্ঠিত হ'ল ৷ গতিকে আনক দোষ দি লাভ নাই ৷ যদি চৰকাৰৰ সদিচ্ছা আছে , তেতিয়াহলে কোচ ৰাজবংশীসকলৰ সমস্যাসমূহ অতি সোনকালে সমাধান কৰিব লাগে ৷ আনহাতে জনগোষ্ঠীটোৰ সংগঠনসমূহৰ মাজত বৰ্তমান এক বিশৃংখল পৰিৱেশৰ সৃষ্টি হোৱা বুলি মন্তব্য কৰি প্ৰতিষ্ঠা দিসৱৰ দিনটোত সকলো সংগঠনকে হাই কাজিয়া বাদ দি ঐক্যৱদ্ধ হৈ জনগোষ্ঠীটোৰ সমস্যাসমূহ সমাধানৰ বাবে আগবাঢ়ি যোৱাৰ পোষকতা কৰে ৷ আনহাতে আক্ৰাছুৰ সাধাৰণ সম্পাদক গোকুল বৰ্মনে নিজৰ বক্তব্যত কয় যে সংগঠনটোৰ সৈতে জড়িত থকা ন- পুৰণি সদস্যসকলৰ অশেষ কষ্ট আৰু পৰিশ্ৰমৰ ফলত আক্ৰাছুই ৩১ টা বছৰত ভৰি দিয়াটো গৌৰৱৰ কথা ৷ কিন্তু আনফালে আমি দুখিত ৷ কাৰণ এটা সময়ত আমাৰ সকলো থকাৰ পিছতো বৰ্তমান সময়ত আমি আমাৰ কিছুমান ন্যুন্যতম দাবীলৈ ৰাজ পথত নামিবলগীয়া হৈছে ৷ আমি জনজাতি আছিলো , আছো আৰু সদায় থাকিম ৷ কিন্তু একমাত্ৰ ৰাজনৈতিকভাৱে আমাক স্বীকৃতি নিদিয়াৰ কাৰণে  জনজাতিকৰণৰ যি চৰকাৰী মৰ্যদা তাৰ পৰা আমি বঞ্চিত হৈ থাকিবলগীয়া হৈছে ৷

আ!মি প্ৰতিষ্ঠা দিৱসৰ দিনা স্পষ্ট কৰি দিয়াৰ লগতে সংকল্প গ্ৰহণ কৰিছো যে মাৰ  ঐতিহাসিক কমতাপুৰ ৰাজ্য পুনৰ গঠন আৰু জনজাতিকৰণৰ দাবী সমাধান নোহোৱালৈকে আক্ৰাছুই কেতিয়াও হাত সাবতি বহি নাথাকে ৷ লগতে এই দাবীৰ ক্ষেত্ৰত আক্ৰাছুৱে কেতিয়াও আপোচ নকৰে ৷ সেয়ে এই প্ৰতিষ্ঠা দিৱসৰ পিছতে আক্ৰাছুৰ মাজত যি বিভাজন আছে , এই বিভাজনৰ মাজতো আমি ঐক্যৱদ্ধতাৰে অচিৰে সকলোৱে মিলি আক্ৰাছুক একত্ৰিত কৰি জাতীয় সংগঠন হিচাপে  অনাগত দিনত যাতে শক্তিশালী ৰূপত গঢ়ি তুলিব পাৰো তাৰ বাবে সকলোৱে সিদ্ধান্ত গ্ৰহণ কৰিছো ৷ আশা কৰিছো খুব কম সময়ৰ ভিতৰতে বিভাজিত আক্ৰাছুৰ মাজত ঐক্যৱদ্ধভাৱে আমি একত্ৰিত হৈ আগবাঢ়িব পাৰিম আৰু আমাৰ যি লক্ষ্য আৰু উদ্দেশ্য ঐতিহাসিক পৃথক কমতাপুৰ ৰাজ্য পুনৰ গঠন আৰু জনজাতিকৰণৰ সমস্যা এই সমস্যা সমাধান কৰিব পাৰিম ৷ গতিকে আমি খুব আশাবাদী যে এই ৩১ সংখ্যক প্ৰতিষ্ঠা দিৱসৰ দিনা আমি সকলোৱে মিলি ঐক্যৱদ্ধ হৈ আগবাঢ়িব পাৰো সেই বাৰ্তাই প্ৰতিষ্ঠা দিৱসৰ জৰিয়তে ৰাইজলৈ প্ৰেৰণ কৰিব বিচাৰিছো ৷ আনহাতে জনজাতিকৰণ সন্দৰ্ভত পূৰ্বে গঠন কৰা মন্ত্ৰীগোটৰ সমিতিখনত খালী থকা সদস্য পদ পূৰণ কৰি মন্ত্ৰীগোটে কেবিনেট সিদ্ধান্ত গ্ৰহণ কৰি বিধানসভাত বিধেয়কখন উত্থাপন কৰি জনজাতিকৰণৰ বিষয়টোত যাতে আৰু লেহেমীয়া নকৰি আগুৱাই লৈ যায় তাৰ বাবে আক্ৰাছু , চিলাৰায় সেনা আৰু ৰোচ ৰাজবংশী মহিলা সমিতিৰ এটা প্ৰতিনিধি দলে অচিৰেই মুখ্যমন্ত্ৰী ডঃ হিমন্ত বিশ্ব শৰ্মা আৰু বিভাগীয় মন্ত্ৰী ডাঃ ৰণোজ পেগুক সাক্ষাৎ কৰি দাবী জনাব বুলি কয় ৷ প্ৰতিষ্ঠা দিসৱৰ কাৰ্যসূচীত বঙাইগাঁও জিলা আক্ৰাছুৰ লগতে বিভিন্ন জিলাৰ প্ৰতিনিধি উপস্থিত থাকে ৷🔯