🔯বঙাইগাঁও আৰক্ষীৰ ড্ৰাগছ বিৰোধী অভিযান অব্যাহত

🔯বঙাইগাঁও আৰক্ষীৰ ড্ৰাগছ বিৰোধী অভিযান অব্যাহত

🔯ড্ৰাগছসহ আটক দুজন সৰবৰাহকাৰী

🔯জব্দ মটৰ চাইকেল, মোবাইল 

📝বঙাইগাঁওঃ ২০ জুলাইঃ বঙাইগাঁও আৰক্ষীৰ ড্ৰাগছ বিৰোধী অভিযান অব্যাহত আছে ৷ ইয়াৰ মাজতে আজি আৰক্ষীয়ে এক গোপন সূত্ৰৰ পম খেদি বঙাইগাঁও সদৰ থানাৰ অন্তৰ্গত চাপৰাকাটা আৰু দনকিনামাৰীত ড্ৰাগছৰ বিৰুদ্ধে অভিযান চলায় ৷ বঙাইগাঁও সদৰ থানাৰ ভাৰপ্ৰাপ্ত আৰক্ষী বিষয়া উপেন কলিতাৰ নেতৃত্বত নগৰ উপ পৰিদৰ্শক কুলেন্দ্ৰ হুজুৰীসহ আৰক্ষীৰ এটা দলে আৰক্ষী আৰু অসামৰিক পোচাকত চলোৱা এই অভিযানত  ড্ৰাগছ ( হেৰোইন) সহ দুজন সৰবৰাহকাৰীক আটক কৰে ৷ আটকাধীন ড্ৰাগছ সৰবৰাহকাৰী দুজন শাকতোলাৰ ৰহিশ মিঞা আৰু ছহিদুল ইছলাম বুলি আৰক্ষীয়ে জানিবলৈ দিছে ৷ আৰক্ষীয়ে ড্ৰাগছ সৰবৰাহকাৰী দুজনৰ পৰা ২৩ টা ড্ৰাগছভৰ্তি কণ্টেইনাৰ , চাৰিটা প্ৰায় খালী কণ্টেইনাৰ, এখন এ এচ ১৯ ই ৩৩৫৭ নম্বৰৰ মটৰ চাইকেল ,দুটা মোবাইল আদি জব্দ কৰে ৷ জানিব পৰা মতে পুৱা ১১ মান বজাত প্ৰথমে আৰক্ষীয়ে চাপৰাকাটাত অভিযান চলাই ৰহিশ মিঞাক ড্ৰাগছসহ আটক কৰে ৷ আৰক্ষীয়ে ড্ৰাগছ সৰবৰাহকাৰীজনৰ পৰা ১৯ টা ড্ৰাগছভৰ্তি কণ্টেইনাৰৰ লগতে মটৰ চাইকেলখন জব্দ কৰে ৷ ইয়াৰে চাৰিটা ড্ৰাগছভৰ্তি কণ্টেইনাৰ চিগাৰেটৰ পেকেটৰ ভিতৰত আছিল ৷ পিছত আৰক্ষীয়ে আটকাধীন ৰহিশ মিঞাৰ স্বীকাৰোক্তিৰ ভিত্তিত দনকিনামাৰী বজাৰৰ পৰা ছহিদুল ইছলামক আটক কৰে ৷ আৰক্ষীয়ে ছহিদুল ইছলামৰ পৰা চিগাৰেটৰ পেকেটৰ ভিতৰত থকা চাৰিটা ড্ৰাগছভৰ্তি কণ্টেইনাৰ আৰু আন তিনিটা প্ৰায় খালী কণ্টেইনাৰ জব্দ কৰে ৷ আৰক্ষীয়ে পিছত আটকাধীন ড্ৰাগছ সৰবৰাহকাৰী দুজনক বঙাইগাঁও সদৰ থানালৈ আনি সোধ- পোছ অব্যাহত ৰাখিছে ৷ ইপিনে আৰক্ষীয়ে এই ড্ৰাগছৰ বেহাৰ লগত জড়িতসকলক কৰায়ত্ত কাৰাৰ বাবে অভিযান অব্যাহত ৰাখিব বুলি জানিবলৈ দিছে ৷🔯