🔯ভুৱা ফেচবুক একাউণ্ট খুলি গোৱালপাৰাৰ যুৱকে প্ৰেমৰ জালত পেলালে পশ্চিম বংগৰ মহিলাক

🔯ভুৱা ফেচবুক একাউণ্ট খুলি গোৱালপাৰাৰ যুৱকে প্ৰেমৰ জালত পেলালে পশ্চিম বংগৰ মহিলাক

🔯আৰক্ষীয়ে গ্ৰেপ্তাৰ কৰিলে মফিদুল ইছলামক

📝বঙাইগাঁওঃ১৫ জানুৱাৰীঃ ফেচবুকত ভুৱা একাউণ্ট খুলি পশ্চিমবংগৰ এগৰাকী মহিলাক প্ৰেমৰ জালত পেলোৱা গোৱালপাৰাৰ এজন যুৱকক ৰে'লৱে আৰক্ষীয়ে গ্ৰেপ্তাৰ কৰিছে ৷ ভুৱা ফেচবুক একাউণ্টৰ জালত পৰা বঙালী সম্প্ৰদায়ৰ মহিলা গৰাকীৰ ঘৰ হৈছে পশ্চিম বংগৰ নদীয়া জিলাত ৷ পশ্চিম বংগ আৰক্ষীত কৰ্মৰত এগৰাকী আৰক্ষীৰ পত্নী তথা ১৮ বছৰ বয়সৰ মহিলা গৰাকীয়ে গোৱালপাৰাৰ মফিদুল ইছলাম ( ২৩ ) নামৰ এজন যুৱকৰ প্ৰেমৰ জালত পৰিছিল ৷ এই প্ৰেমৰ জালত পৰি মহিলা গৰাকীয়ে সূদুৰ পশ্চিমবংগৰ নদীয়াৰ পৰা আহিছিল নিউ বঙাইগাঁও ৰে'লৱে জংচনত ৷ যোৱা ১১ জানুৱাৰীত মহিলাগৰাকীয়ে নিউ বঙাইগাঁও ৰে'লৱে ষ্টেচনত অকলশৰে সন্দেহজনক ভাবে ঘুৰি ফুৰা অৱস্থাত ৰে'ল আৰক্ষীৰ দৃষ্টিগোচৰ হয় ৷ পাছত ৰে'ল আৰক্ষীয়ে মহিলা গৰাকীক সোধ - পোছ কৰাত প্ৰকৃত ঘটনা ওলাই পৰে ৷ ইয়াৰ পাছত ৰে'ল আৰক্ষীয়ে অতি কৌশলেৰে মহিলাগৰাকীক প্ৰেমৰ জালত পেলোৱা মফিদুলক মাতি আনি ১৩ জানুৱাৰীত গ্ৰেপ্তাৰ কৰে ৷ ৰে'ল আৰক্ষীৰ আগত মফিদুলে স্বীকাৰ কৰা মতে ’আমি নাই ’ বুলি এটা ভুৱা ফেচবুক একাউণ্ট খুলি ভুৱা পৰিচয় প্ৰদান কৰি মহিলা গৰাকীক প্ৰেমৰ জালত পেলাইছিল ৷ যুৱকজনৰ আৰু দুটা ভুৱা ফেচবুক একাউণ্ট থকা বুলিও জনায় ৷ ইপিনে ৰে'ল আৰক্ষী মহিলা গৰাকীৰ পৰিয়ালৰ সৈতে যোগাযোগ কৰা বুলিও জনায় ৷ আনহাতে গোৱালপাৰা জিলাৰ বগুৱান থানাৰ অন্তৰ্গত পানডোবাৰ মফিদুল ইছলামক ঘটনা সন্দৰ্ভত জেৰা অব্যাহত ৰাখিছে আৰক্ষীয়ে ৷🔯