🔯কোচ-ৰাজবংশী সংস্কৃতিৰ উপাদানৰ সমাহাৰেৰে উজলি উঠিল বইটামাৰী🔯

🔯কোচ-ৰাজবংশী সংস্কৃতিৰ উপাদানৰ সমাহাৰেৰে উজলি উঠিল বইটামাৰী 

🔯উদুলি মুদুলি ক্ষত্ৰিয় সমিতিৰ  মহোৎসৱস্থলী

📝বঙাইগাঁওঃ ১০ ফেব্ৰুৱাৰীঃ আজি উদুলি মুদুলি হৈ উঠিল  বঙাইগাঁও জিলাৰ বইটামাৰীৰ বান্নিপাৰা-সুদামভিটা অঞ্চল । দ্বীপ নাৰায়ণ ক্ষেত্ৰত বুধবাৰৰ পৰা আৰম্ভ হোৱা বইটামাৰী ক্ষত্ৰিয় সমিতিৰ মহামিলন মহোৎসৱৰ আজি বৃহস্পতিবাৰে দ্বিতীয় অৰ্থাৎ অন্তিম দিনা বৰ্ণাঢ্য সাংস্কৃতিক শোভাযাত্ৰা উলিয়ায় উদযাপন সমিতিয়ে ।  শোভাযাত্ৰা উদ্বোধন কৰে ত্ৰৈলোক্য নাৰায়ণ দেৱে । 

এই শোভাযাত্ৰাত বহু লোকে অংশগ্ৰহণ কৰে । ইয়াকে লৈ মহোৎসৱস্থলী তথা পাৰ্শ্চৱতী অঞ্চলত এক উদুলি মুদুলি পৰিৱেশ বিৰাজ কৰে । শোভাযাত্ৰাত লোক কৃষ্টি সমূহ প্ৰদৰ্শিত হয় । ইয়াৰ পূৰ্বে পুৱা শক্তি পূজা আৰু সমূহীয়া উপনয়ন পৰ্ব অনুষ্ঠিত হৈ যায় । বিয়লি অনুষ্ঠিত হয় মুকলি সভা । সভাত সভাপতিত্ব কৰে বইটামাৰী ক্ষত্ৰিয় সমিতিৰ সভাপতি মাণিক চন্দ্ৰ ৰায়ে । সভাত মুখ্য অতিথিৰূপে উপস্থিত থাকে কমতাপুৰ স্বায়ত্ব শাসিত পৰিষদৰ মুখ্য কাৰ্যবাহী গকুল বৰ্মনৰ লগতে আন বহু গুণী-জ্ঞানী ব্যক্তি ।🔯