🔯পৌৰসভা নিৰ্বাচন: বঙাইগাঁও জিলা বিজেপিৰ সংবাদ মেল 🔯

🔯পৌৰসভা নিৰ্বাচন: বঙাইগাঁও জিলা বিজেপিৰ সংবাদ মেল 

🔯অগপৰে মিত্ৰতা নহয় বিজেপিৰ: বিধায়ক ফণীভূষণ চৌধুৰীৰ প্ৰতি সন্মান জনাই বঙাইগাঁৱৰ ২৩ নম্বৰ ৱাৰ্ডত প্ৰাৰ্থী নিদিয়াৰ সিদ্ধান্ত 

🔯বঙাইগাঁও আৰু অভয়াপুৰী পৌৰসভাৰ প্ৰাৰ্থীৰ তালিকা ঘোষণা 

🔯অগপৰ ব্যৰ্থতা আৰু বিজেপিৰ উন্নয়নেই হ'ব দলৰ মূল ইছ্যু- হিমানী অধিকাৰী

📝বঙাইগাঁওঃ ১৪ ফেব্ৰুৱাৰীঃ ৰাজ্যৰ বিজেপি নেতৃত্বাধীন শাসকীয় দলে পৌৰসভা নিৰ্বাচনত বঙাইগাঁও জিলাত মিত্ৰজোঁট চৰকাৰৰ অংশীদাৰী দল অগপৰ সৈতে মিত্ৰতা নকৰে বুলি স্থিতি স্পষ্ট কৰিছে ৷ জিলাখনৰ অন্তৰ্গত বঙাইগাঁও আৰু অভয়াপুৰী পৌৰসভা নিৰ্বাচনত দলটোৱে অকলেই নিৰ্বাচন খেলিব বুলি ঘোষণা কৰাৰ লগতে প্ৰাৰ্থী তালিকাও প্ৰকাশ কৰিছে ৷ সোমবাৰে বঙাইগাঁও জিলা বিজেপিয়ে দলীয় কাৰ্যালয়ত আয়োজিত এক সংবাদমেল যোগে প্ৰাৰ্থীৰ তালিকা ঘোষণা কৰে ৷ বঙাইগাঁও জিলা বিজেপিৰ সভানেত্ৰী হিমানী অধিকাৰীয়ে বঙাইগাঁও পৌৰসভাৰ মুঠ পঁচিশটা ৱাৰ্ডৰ ২৪ খন আসনত দলে প্ৰতিদ্বন্দ্বিতা আগবঢ়াব বুলি সংবাদ মাধ্যমৰ আগত প্ৰকাশ কৰে৷ আনহাতে চহৰখনৰ ২৩ নম্বৰ ৱাৰ্ডত বঙাইগাঁও সমষ্টিৰ বিধায়ক ফনীভূষণ চৌধুৰীৰ আৱাসস্থলী হোৱাত বিধায়কগৰাকীৰ প্ৰতি সন্মান জনাই উক্ত ৱাৰ্ডত বিজেপিয়ে প্ৰাৰ্থিত্ব প্ৰদান নকৰিব বুলি প্ৰকাশ কৰে ৷ সংবাদ মেলত বিজেপি দলৰ তৰফৰ পৰা বঙাইগাঁও পৌৰসভা নিৰ্বাচনত চহৰখনৰ ২৪ টা ৱাৰ্ডত প্ৰতিদ্বন্দ্বিতা আগবঢ়াবলগীয়া ঘোষিত প্ৰাৰ্থী তালিকা অনুসৰি ১ নম্বৰ ৱাৰ্ডত (মুকলি) সংগীতা দাস, ২ নম্বৰ ৱাৰ্ডত (অনুসূচিত জাতিৰ মহিলা) সৰস্বতী সৰকাৰ, ৩ নম্বৰ ৱাৰ্ডত (মুকলি) সুব্ৰত ৰায়, ৪ নম্বৰ ৱাৰ্ডত(মহিলা) স্বাতী আগৰৱালা, ৫নম্বৰ ৱাৰ্ডত (মুকলি) চিত্ৰা দাস, ৬ নম্বৰ ৱাৰ্ডত (মহিলা) চম্পা দাস,৭ নম্বৰ ৱাৰ্ডত (মহিলা) নিবেদিতা সৰকাৰ, ৮ নম্বৰ ৱাৰ্ডত (মহিলা) কল্পনা মহন্ত, ৯ নম্বৰ ৱাৰ্ডত (মুকলি) চিত্তৰঞ্জন সৰকাৰ, ১০ নম্বৰ ৱাৰ্ডত (মুকলি) স্বপন ঘোষ, ১১ নম্বৰ ৱাৰ্ডত (মহিলা) স্বপ্না দাস,১২ নম্বৰ ৱাৰ্ডত (মহিলা) তুলসী ৰায় ঘোষ, ১৩ নম্বৰ ৱাৰ্ডত (অনুসূচিত জনজাতিৰ মহিলা) জয়শ্ৰী বৰদলৈ, ১৪ নম্বৰ ৱাৰ্ডত (মহিলা) কবিতা ৰায়, ১৫ নম্বৰ ৱাৰ্ডত(অনুসূচিত জাতি) তপন বৈদ্য, ১৬ নম্বৰ ৱাৰ্ডত (মুকলি) সুবোধ দাস, ১৭ নম্বৰ ৱাৰ্ডত (মহিলা) মহিলা বৰ্মন,১৮ নম্বৰ ৱাৰ্ডত (মহিলা) সংগীতা ৰায়, ১৯ নম্বৰ ৱাৰ্ডত (অনুসূচিত জাতি) গৌৰাংগ দাস, ২০ নম্বৰ ৱাৰ্ডত (মহিলা) সুজাতা সৰকাৰ, ২১ নম্বৰ ৱাৰ্ডত (মুকলি) ৰুণুমী মেধি, ২২ নম্বৰ ৱাৰ্ডত (মুকলি) যুতিকা ৰায় বৰ্মন, ২৪ নম্বৰ ৱাৰ্ডত (মুকলি) জবা দাস আৰু ২৫ নম্বৰ ৱাৰ্ডত (মহিলা) অপৰ্ণা ভৌমিক ৷ সংবাদ মেলত অভয়াপুৰী পৌৰসভা নিৰ্বাচনৰ বাবেও প্ৰাৰ্থী তালিকা ঘোষণা কৰে ৷

🔯অভয়াপুৰী পৌৰসভা নিৰ্বাচনৰ বাবে ঘোষিত বিজেপি দলৰ প্ৰাৰ্থীৰ তালিকা 

বঙাইগাঁও জিলা বিজেপিয়ে বঙাইগাঁৱস্থিত দলৰ জিলা কাৰ্যালয়ত আয়োজিত সংবাদ মেলত এঘাৰটা ৱাৰ্ড বিশিষ্ট অভয়াপুৰী পৌৰসভাৰ বাবে ঘোষিত দলীয় প্ৰাৰ্থীৰ তালিকা অনুসৰি ১ নম্বৰ ৱাৰ্ডত (মহিলা) দুৰ্গেশ্বৰী কলিতা, ২ নম্বৰ ৱাৰ্ডত (মুকলি) জোনমণি পাঠক ৰাভা, ৩ নম্বৰ ৱাৰ্ডত (মহিলা) ছাকিলা ইয়াছমিন, ৪ নম্বৰ ৱাৰ্ডত (মুকলি) আৰবিন বেগম, ৫ নম্বৰ ৱাৰ্ডত (মহিলা) সৰজু দেৱী, ৬ নম্বৰ ৱাৰ্ডত (মুকলি) প্ৰবীণ দাস, ৭ নম্বৰ ৱাৰ্ডত (অনুসূচিত জাতিৰ বাবে মুকলি) সুশান্ত পোদ্দাৰ, ৮ নম্বৰ ৱাৰ্ডত (মুকলি) ৰমেন্দ্ৰ নাৰায়ণ বনিক্য, ৯ নম্বৰ ৱাৰ্ডত (অনুসূচিত জাতিৰ মহিলাৰ বাবে সংৰক্ষিত) পায়েল মণ্ডল দাস, ১০ নম্বৰ ৱাৰ্ডত (মুকলি) কুন্তল পাঠক আৰু সাধাৰণ মহিলাৰ বাবে সংৰক্ষিত ১১ নম্বৰ ৱাৰ্ডত নাজমা খাতুনক দলীয় প্ৰাৰ্থিত্ব আগবঢ়াইছে৷ উল্লেখ্য যে বঙাইগাঁও আৰু অভয়াপুৰী পৌৰসভা নিৰ্বাচনৰ প্ৰাৰ্থীৰ তালিকা প্ৰদেশ বিজেপিলৈ প্ৰেৰণ কৰিছিল আৰু প্ৰদেশ বিজেপিৰ অনুমোদনৰ পিছতে সোমবাৰে বঙাইগাঁও পৌৰসভা নিৰ্বাচনৰ বাবে দলীয় প্ৰাৰ্থীৰ তালিকা ঘোষণা কৰে বুলি বঙাইগাঁও জিলা বিজেপিৰ সভানেত্ৰী হিমানী অধিকাৰীয়ে প্ৰকাশ কৰে৷ সংবাদ মেলত জিলা বিজেপিৰ প্ৰাক্তন সভাপতি সুকেন ৰায় আদিও উপস্থিত আছিল ৷ ইপিনে সংবাদ মাধ্যমৰ আগত জিলা বিজেপিৰ সভানেত্ৰীগৰাকীয়ে কয় যে বিজেপিয়ে পৌৰসভা দখল কৰিব ৷ বিগত ২০১৫ চনত বঙাইগাঁও পৌৰসভাৰ বিজেপিয়ে তিনিটা ৱাৰ্ডত জয়ী হলেও ২৫ টা ৱাৰ্ডৰ ভোটৰ সংখ্যাটো চালে আমাৰে বেছি ওৱাব ৷ সেইবাৰো এককভাৱে নিৰ্বাচন খেলা হৈছিল ৷ এটা দুটা ভোটৰ ব্যৱধানতহে আমি কৰবাত কৰবাত পৰাস্ত হৈছো ৷ আমি দ্বিতীয় স্থানত আছিলো ৷ ২০১৫ চনৰ বিজেপিৰ সাংগঠনিক স্থিতিতকৈ বৰ্তমান বিজেপিৰ সাংগঠনিক স্থিতি বহুতখিনি সবল হৈছে ৷ সেয়ে আমি দহটাতকৈ অধিক ৱাৰ্ডত জয়ী হ'ম আৰু পৌৰসভা দখল কৰিবলৈ সক্ষম হ'ম ৷  সেইদৰে পৌৰসভা নিৰ্বাচনত বিজেপিৰ মূল ইছ্যু কি হ'ব বুলি সাংবাদিকে সোধা প্ৰশ্নোত্তৰত জিলা সভানেত্ৰীগৰাকীয়ে কয় যে আজি বঙাইগাঁও জিলাখনত যদি উন্নতি হৈছে সেয়া বিজেপি চৰকাৰৰ দিনত হৈছে আৰু ৰাইজে জানে ৷ বিগত ২০১৬ চনৰ পূৰ্বে বঙাইগাঁও কি আছিল আৰু এতিয়া কি হ'ব গৈ আছে ৷ গতিকে বঙাইগাঁও জিলাৰ উন্নয়ন আজি বিজেপি চৰকাৰৰ দিনতহে হ'ল ৷ গতিকে ৰাইজে এইটো বুজি উঠিছে ৷ চৰকাৰৰ আঁচনিবোৰৰ সুবিধা ৰাইজে পাইছে ৷ বিজেপি চৰকাৰে যিবোৰ কাম কপি আছে ৰাইজ সন্তুষ্ট বুলি ভাৱো ৷ ৰাইজৰ সেই আস্থাৰ বাবেই আমি বিজেপি দলে পৌৰসভা নিৰ্বাচনত অকলে প্ৰতিদ্বন্দ্বিতা কৰিবলৈ আগবাঢ়িছো ৷ আনহাতে অগপৰ ব্যৰ্থতাখিনি বিজেপিৰ ইছ্যু হ'ব বুলিও কয় জিলা সভানেত্ৰীগৰাকীয়ে ৷ সভানেত্ৰীগৰাকীয়ে কয় যে বঙাইগাঁও পৌৰসভাৰ যিসমূহ ৱাৰ্ডত অগপৰ ৱাৰ্ড কমিচনাৰ আছে সেই ৱাৰ্ডত কোনো উন্নতিয়েই হোৱা নাই ৷ নলাৰ ব্যৱস্থাই নাই ৷ বৰষুণ পৰিলেই কৃত্ৰিম বানৰ সৃষ্টি হয় ৷ ৰাইজে যিখিনি সুফল পাইছে সেইখিনি বিজেপি চৰকাৰৰ দ্বাৰাই পাইছে ৷ বঙাইগাঁও জিলাৰ পৌৰসভাৰ অন্তৰ্গত যিসমূহ এলেকা আছে পূৰ্বে যি অৱস্থা আছিল বৰ্তমানো একেই আছে ৷ ডাষ্টবিনৰ ব্যৱস্থাও নাই ৷সেয়ে ২৫ টা ৱাৰ্ডৰ যদি উন্নয়ন কৰিব লাগে তেতিয়াহলে আমাৰ বিজেপিৰ ৱাৰ্ড কমিচনাৰসকলেহে উন্নয়ন কৰিব পাৰিব ৷ ৰাইজে যদি বঙাইগাঁও আৰু অভয়াপুৰী পৌৰসভা এলেকাৰ নিজৰ নিজৰ ৱাৰ্ডবোৰৰ উন্নয়ন বিচাৰে, তেতিয়াহলে বিজেপি দলৰ প্ৰাৰ্থীসকলক জয়যুক্ত কৰক ৷ অগপ বিজেপিৰ মিত্ৰতা নহোৱাত কংগ্ৰেছ লাভাম্বিত নহয় বুলিও কয় ৷ কংগ্ৰেছে এটা ৱাৰ্ডটো দখল কৰিব নোৱাৰে বুলিও কয় সভানেত্ৰীগৰাকীয়ে ৷🔯