🔯বঙাইগাঁও পৌৰসভা নিৰ্বাচনঃ🔯

🔯বঙাইগাঁও পৌৰসভা নিৰ্বাচনঃ🔯

🔯দলীয় প্ৰাৰ্থীৰ হৈ ব্যৱসায়িক প্ৰতিষ্ঠান আৰু ঘৰে ঘৰে গৈ নিৰ্বাচনী প্ৰচাৰ চলালে সাংসদ আব্দুল খালেকে🔯

🔯বাঘেশ্বৰী মন্দিৰক ভাৰত চৰকাৰৰ স্বদেশ দৰ্শন আঁচনিত অন্তৰ্ভুক্ত কৰাৰ বাবে সংসদত উত্থাপন কৰিছো🔯

🔯কংগ্ৰেছ- অগপৰ মাজতে হ'ব মূল প্ৰতিদ্বন্দ্বিতাঃ বিজেপি ফেক্টৰেই নহয়🔯 

📝বঙাইগাঁওঃ ২২ ফেব্ৰুৱাৰীঃ বঙাইগাঁও পৌৰসভা নিৰ্বাচনৰ ভোটগ্ৰহণৰ দিন চমু চাপি অহাৰ লগে লগে ৰাজনৈতিক দলসমূহৰ মাজত নিৰ্বাচনী প্ৰচাৰ অভিযান বৃদ্ধি পাবলৈ ধৰিছে ৷ আজি কংগ্ৰেছ দলৰ প্ৰাৰ্থীৰ হৈ নিৰ্বাচনী প্ৰচাৰ চলাবলৈ বঙাইগাঁৱত উপস্থিত হয় দলৰ বৰপেটা লোকসভা সমষ্টিৰ সাংসদ আব্দুল খালেক ৷ সাংসদগৰাকীয়ে দলৰ প্ৰাৰ্থীৰহৈ চহৰখনৰ মাজমজিয়াৰ বিভিন্ন ব্যৱসায়িক প্ৰতিষ্ঠানৰ লগতে আবাসীৰ ঘৰে ঘৰে গৈ প্ৰচাৰ চলোৱাৰ লগতে ভোট বিচাৰে ৷ সাংসদগৰাকীয়ে পৌৰসভা এলেকাৰ ৪ নম্বৰ ৱাৰ্ডৰ প্ৰাৰ্থী মাম্পী ঘোষ, ৬ নম্বৰ ৱাৰ্ডৰ প্ৰাৰ্থী মান্তি দাস, ৭ নম্বৰ ৱাৰ্ডৰ প্ৰাৰ্থী নেহা ঘোষ, ১৩ নম্বৰ ৱাৰ্ডৰ প্ৰাৰ্থী প্ৰদীপ কুমাৰ বড়ো আৰু ১৯ নম্বৰ ৱাৰ্ডৰ প্ৰাৰ্থী গৌতম দাসৰ হৈ প্ৰচাৰ চলায় ৷ নিৰ্বাচনী প্ৰচাৰ চলোৱাৰ সময়ত সাংসদগৰাকীৰ সৈতে জিলা কংগ্ৰেছৰ সভাপতি মৃণাল অধিকাৰী, প্ৰদেশ কংগ্ৰেংছৰ সম্পাদক জ্যোতিৰ্ময় বৈশ্য, জিলা মহিলা কংগ্ৰেছৰ সভানেত্ৰী সাৰদা ৰায় চৌধুৰী, প্ৰাৰ্থীসকল আৰু টাউন ব্লকৰ দলৰ অন্যান্য  নেতাসকল উপস্থিত আছিল ৷ নিৰ্বাচনী প্ৰচাৰ চলোৱাৰ পূৰ্বে সাংসদগৰাকীয়ে জিলা কংগ্ৰেছ কাৰ্যালয় ৰাজীৱ ভৱনত দলৰ পৰা প্ৰাৰ্থিত্ব দিয়া প্ৰাৰ্থীসকলৰ সৈতে মত বিনিময় কৰাৰ লগতে উৎসাহ যোগায় ৷ ইয়াৰ পিচতে  সাংসদগৰাকীয়ে সংবাদ মাধ্যমৰ আগত কয় যে বঙাইগাঁও পৌৰসভা নিৰ্বাচনত  কংগ্ৰেছ দলে ২৫ টা ৱাৰ্ডৰ ভিতৰত ১৯ টা ৱাৰ্ডত প্ৰাৰ্থিত্ব দিছো ৷ এইবাৰ বঙাইগাঁও পৌৰসভা নিৰ্বাচনত আমি আশা প্ৰকাশ কৰিছো যে ৰাইজে আমাৰ পক্ষত ৰায় দিব ৷ কাৰণ ৩৫ বছৰ ধৰি ইয়াত অগপৰ বিধায়ক আছে আৰু পৌৰসভাও অগপৰ দখলত আছে ৷ কিন্তু সেই অনুসৰি বঙাইগাঁও চহৰখনৰ যিমান উন্নতি হ'ব লাগিছিল সিমান হোৱা নাই ৷ গতিকে চহৰখনৰ সামগ্ৰিক উন্নয়নৰ স্বাৰ্থত ৰাইজে কংগ্ৰেছৰ পক্ষত ৰায় দিব বুলি সাংসদগৰাকীয়ে আশা প্ৰকাশ কৰে ৷ 

সাংসদগৰাকীয়ে লগতে কয় যে তেওঁ ইতিমধ্যে সংসদত বঙাইগাঁও চহৰৰ বাঘেশ্বৰী মন্দিৰক ভাৰত চৰকাৰৰ স্বদেশ দৰ্শন আঁচনিত অন্তৰ্ভুক্ত কৰাৰ বাবে প্ৰস্তাৱ উত্থাপন কৰিছে ৷ বাঘেশ্বৰী মন্দিৰৰ পৰ্যটন বিকশিত হলে এই অঞ্চলত পৰ্যটনৰ লগে লগে অৰ্থনৈতিক উন্নয়নো হ'ব ৷ সাংসদগৰাকীয়ে সংসদৰ মজিয়াত নিউ বঙাইগাঁৱত যি এল এইচ বি কোচ ফেক্টৰী  হৈ আছে সেই কাম সোনকালে হ'ব লাগে বুলিও বিষয়টো উত্থাপন কৰা বুলি কয় ৷ সেইদৰে সংসদত তেওঁ অশোক কাগজ কল পুনৰ উনৰুজীৱিত কৰাৰ কাৰণে যি উপৰ্যুপৰি প্ৰশ্ন উত্থাপন কৰিছিলো তাৰ ফলশ্ৰুতিতে যোগীঘোপাত মাল্টি মডেল ল'জিষ্টিক পাৰ্ক নিৰ্মাণৰ কাম আৰম্ভ হৈছে ৷ গতিকে আমি আশা প্ৰকাশ কৰিছো যে ৰাইজে এইবাৰ বঙাইগাঁও পৌৰসভা নিৰ্বাচনত কংগ্ৰেছৰ পক্ষত ৰায় দিব যাতে চহৰখনৰ উন্নতিৰ কাৰণে কাম কৰিব পাৰো ৷ সাংসদগৰাকীয়ে আৰু কয় যে  চি আই ডি এফ আঁচনিৰ অধীনত বঙাইগাঁও পৌৰসভাক এশ কোটি টকা দিছে ৷ সেয়ে পৌৰসভা আৰু স্থানীয় বিধায়কে সেই ধনেৰে কি কি কাম কৰিছে সেয়া ৰাইজক হিচাব দিয়ক ৷ পৌৰসভা অগপই চলাইছিল ৷ ইয়াত অগপৰ বিধায়ক আছে ৷ গতিকে সেই এশ কোটি টকা কলৈ গ'ল বা কি কি কাম কৰিলে মই প্ৰশ্ন কৰিছো তেওঁলোকে উত্তৰ দিয়ক ৷ সাংসদগৰাকীয়ে বঙাইগাঁও পৌৰসভা নিৰ্বাচনত মূলত কংগ্ৰেছ আৰু অগপৰ মাজত প্ৰতিদ্বন্দ্বিতা হ'ব বুলি কৈ বিজেপি কোনো ফেক্টৰ নহয় বুলিহে কয় ৷ লগতে অগপ যিহেতু বহু বছৰ ধৰি আছে সেয়ে ৰাইজে কংগ্ৰেছ দলৰ পক্ষত ৰায় দিব বুলি আশা ব্যক্ত কৰে ৷ সাংসদগৰাকীয়ে কয় যে পৌৰসভা গঠন কৰিবলৈ হলে প্ৰথমে ১৩ গৰাকী সদস্যৰ সমৰ্থন লাগিব ৷ গতিকে অগপ আৰু বিজেপিয়ে সন্মিলীতভাৱেও ১৩ খন আসন নাপায় ৷ বৰং আমিহে পাম এইবাৰ ৷ সেয়ে আমি গোটেইকেইটা ৱাৰ্ডতে প্ৰাৰ্থী নিদি যিকেইটা ৱাৰ্ডত আমাৰ দলৰ প্ৰাৰ্থী জয়ী হোৱাটো নিশ্চিত সেই ৱাৰ্ডতহে বাছি বাছি প্ৰাৰ্থী দিছো ৷ এইবাৰ কংগ্ৰেছ দলে ১৩ টাতকৈ অধিক ৱাৰ্ড দখল কৰিব আৰু পৌৰসভাও গঠন কৰিব ৷ 

কংগ্ৰেছ দলে দুৰ্বল ভূমিকা গ্ৰহণ কৰা নাই বুলি কৈ এনেই শক্তি ক্ষয় কৰিব নিবিচাৰি যিকেইটা ৱাৰ্ডত প্ৰাৰ্থী জয়ী হোৱাৰ সম্ভাৱনা আছে তাতহে দলে প্ৰাৰ্থিত্ব দিয়া বুলি কয় ৷ আনহাতে অগপ দলে কংগ্ৰেছৰ প্ৰাৰ্থীক ভয় - ভাবুকি আৰু প্ৰলোভন দি অহাৰ অভিযোগ উত্থাপন কৰি কয় যে তৎস্বত্বেও কংগ্ৰেছ দলৰ প্ৰাৰ্থীসকল সৈমান হোৱা নাই আৰু সাহসেৰে ওলাই আহিছে আৰু ১৩ গৰাকীতকৈ বেছি প্ৰাৰ্থী বিজয়ী হ'ব বুলিও কয় ৷ তেওঁ কয় যে প্ৰাৰ্থীসকলৰ কাৰোবাক চাকৰি দিব বুলি কৈছে, কাৰোবাক ভয় - ভাবুকি দেখুৱাইছে আৰু বিভিন্ন কাম - কাজ কৰিছে ৷ কিন্তু তাৰ পিচতো ১৯ গৰাকী প্ৰাৰ্থী ওলাই আহিছে আৰু তাৰ বাবে সাংসদগৰাকীয়ে দলৰ প্ৰাৰ্থী কেইগৰাকীক অভিনন্দন জনায় ৷ সাংসদগৰাকীয়ে কয় যে এই সন্দৰ্ভত বৰ্তমান ডঃ হিমন্ত বিশ্ব শৰ্মাৰ চৰকাৰৰ দিনত অভিযোগ দি কোনো লাভ নাই ৷ সাংসদগৰাকীয়ে নিজে মুখ্যমন্ত্ৰীৰ বিৰুদ্ধে এজাহাৰ দাখিল কৰাৰ পিচতো আৰক্ষীয়ে গোচৰ পঞ্জীয়তে কৰা নাই বুলি কয় ৷ সেয়ে তেওঁলোকক অভিযোগ দি লাভ নাই ৷ ৰাইজৰ আদালতত আমি বিচাৰ দিছো ৷ নিৰ্বাচন আয়োগৰ ওপৰত আমাৰ বিশ্বাস আছে যে নিৰ্বাচন আয়োগে নিৰপেক্ষভাৱে কাম কৰিব ৷ কিন্তু নিৰ্বাচন আয়োগ আৰু প্ৰশাসন এই দুয়োটাৰ মাজত পাৰ্থক্য আছে ৷ বঙাইগাঁও চহৰখনক অধিক উন্নত কৰায়ে হ'ব কংগ্ৰেছৰ মূল ইছ্যু ৷ ৰে'লৱে ইনষ্টিটিউতত আজি বছৰ বছৰ ধৰি আৰক্ষী অধীক্ষকৰ কাৰ্যালয় চলি আছে ৷ কি কাৰণত ফনীভূষণ চৌধুৰীয়ে আৰক্ষী অধীক্ষকৰ কাৰ্যালয়টো নিৰ্মাণ কৰাৰ কাৰণে পদক্ষপ নললে নাজানো ৷ ইনষ্টিটিউটটোত সাংস্কৃতিক পৰিৱেশটো ঘুৰাই আনিব লাগে ৷ এইবোৰ কাম নকৰিলে ৷ কৰিব লাগে ৷🔯