🔯বঙাইগাঁও পৌৰসভা নিৰ্বাচনঃ বিনা প্ৰতিদ্বন্দ্বিতাৰে জয়ী অগপৰ শৈলেন্দ্ৰ সৰকাৰ

🔯বঙাইগাঁও পৌৰসভা নিৰ্বাচনঃ  বিনা প্ৰতিদ্বন্দ্বিতাৰে জয়ী অগপৰ শৈলেন্দ্ৰ সৰকাৰ 

📝বঙাইগাঁওঃ ২২ ফেব্ৰুৱাৰীঃ বঙাইগাঁও পৌৰসভা নিৰ্বাচনৰ বাবে জিলা প্ৰশাসনৰ কৰ্তৃপক্ষৰ পৰা যাৱতীয় প্ৰক্ৰিয়া চলি আছে। পৌৰসভা এলেকাৰ মুঠ ২৫ টা ৱাৰ্ডৰ নিৰ্বাচনৰ বাবে ৭৩ গৰাকী প্ৰাৰ্থীয়ে মনোনয়ন পত্ৰ দাখিল কৰিছিল। যোৱা ২০ ফেব্ৰুৱাৰী আছিল মনোনয়ন পত্ৰ প্ৰত্যাহাৰৰ দিন ৷ মনোনয়ন প্ৰত্যাহাৰৰ অন্তিম সময়লৈকে কোনো প্ৰাৰ্থীয়ে মনোনয়ন পত্ৰ প্ৰত্যাহাৰ নকৰিলে। গতিকে বঙাইগাঁও পৌৰসভা নিৰ্বাচনৰ বাবে ৭৩ গৰাকী প্ৰাৰ্থীৰ বাবেই নিৰ্বাচন অনুষ্ঠিত কৰাৰ সিদ্ধান্ত লোৱা হয়। কিন্তু ২৩ নং ৱাৰ্ডত মাত্ৰ ১গৰাকী প্ৰাৰ্থীয়ে মনোনয়ন পত্ৰ দাখিল কপিছিল ৷ অসম গণ পৰিষদ দলৰ প্ৰাৰ্থী শৈলেন্দ্ৰ সৰকাৰেহে কেৱল ৱাৰ্ডটোৰ পৰা প্ৰতিদ্বন্দ্বিতা কৰাৰ বাবে মনোনয়ন পত্ৰ দাখিল কৰিছিল ৷ গতিকে অসম পৌৰসভা আইন ১৯৫৬ ৰ অধীনত পৌৰসভাৰ আয়ুক্ত নিৰ্বাচন বিধি অনুসৰি শৈলেন্দ্ৰ সৰকাৰক ২৩ নং ৱাৰ্ডৰ কমিছনাৰ পদৰ বাবে বঙাইগাঁও পৌৰসভাৰ উক্ত আসনত জয়ী হোৱা বুলি বঙাইগাঁও পৌৰসভা নিৰ্বাচনৰ দায়িত্বপ্ৰাপ্ত দণ্ডাধীশৰ দ্বাৰা ২০ ফেব্ৰুৱাৰীৰ দিনাই ঘোষণা কৰা হয়। অৰ্থাৎ নিৰ্বাচনৰ ভোটগ্ৰহণৰ পূৰ্বেই অগপই বিনা প্ৰতিদ্বন্দ্বিতাৰে এখন আসন দখল কৰিবলৈ সক্ষম হৈছে ৷ বিগত পৌৰসভা নিৰ্বাচনত অগপ দলে অকলেই ২০ খন আসন দখল কৰিছিল আৰু পৌৰসভা নিজৰ দখলত ৰাখিছিল ৷ এইবাৰো দলটো আশাবাদী পৌৰসভা পুনৰ অগপই দখল কৰিব ৷ কিন্তু বিজেপি দলেও উঠি পৰি লাগিছে  বঙাইগাঁও পৌৰসভা দখল কৰাৰ বাবে ৷ আছে কংগ্ৰেছ দলো ৷ সেয়ে নিৰ্বাচনী ফলাফলতহে স্পষ্ট হ'ব কোনে গঠন কৰে পৌৰসভা🔯