🔯অগপৰ ফনীভূষণ চৌধুৰীৰ দুৰ্গ বঙাইগাঁৱত মন্ত্ৰী চন্দ্ৰ মোহন পাটোৱাৰীৰ পদযাত্ৰাৰে নিৰ্বাচনী প্ৰচাৰ🔯

🔯অগপৰ ফনীভূষণ চৌধুৰীৰ দুৰ্গ বঙাইগাঁৱত মন্ত্ৰী চন্দ্ৰ মোহন পাটোৱাৰীৰ পদযাত্ৰাৰে নিৰ্বাচনী প্ৰচাৰ🔯

📝বঙাইগাঁওঃ ২৬ ফেব্ৰুৱাৰীঃ সমাগত পৌৰসভা নিৰ্বাচনৰ প্ৰতি লক্ষ্য ৰাখি বঙাইগাঁৱত বিজেপি দলে প্ৰচাৰ অভিযান তীব্ৰতৰ কৰি তুলিছ ৷ দলটেৱে এইবাৰ যি কোনো প্ৰকাৰে অগপৰ দুৰ্গ খ্যাত বঙাইগাঁৱৰ পৌৰসভাখন নিজৰ দখললৈ অনাৰ বাবে উঠি পৰি লাগিছে ৷ দলৰ প্ৰাৰ্থী সকলৰ হৈ মন্ত্ৰী, নেতা - নেত্ৰী বঙাইগাঁৱত উপস্থিত হৈ নিৰ্বাচনী প্ৰচাৰ চলাইছে ৷ তাৰ মাজতে শনিবাৰে অগপ বিধায়ক ফনীভূষণ চৌধুৰীৰ দুৰ্গত  কেবিনেট মন্ত্ৰী তথা বঙাইগাঁও পৌৰসভা নিৰ্বাচনৰ বিজেপি দলৰ তত্বাৱধায়ক চন্দ্ৰ মোহন পাটোৱাৰী বঙাইগাঁৱত উপস্থিত হৈ দলীয় প্ৰাৰ্থীৰ হৈ নিৰ্বাচনী প্ৰচাৰ চলায় ৷ মন্ত্ৰী পাটোৱাৰীয়ে নিৰ্বাচনী প্ৰচাৰ অভিযানৰ অংশ হিচাপে এক পদযাত্ৰা কাৰ্যসূচীত অংশগ্ৰহণ কৰে ৷ 

মন্ত্ৰীগৰাকীৰ নেতৃত্বত বিজেপিৰ জিলা কাৰ্যালয়ৰ পৰা উলিওৱা হয় এই পদযাত্ৰা ৷ এই পদযাত্ৰা পৌৰসভা এলেকাৰ ২২ নম্বৰ ৱাৰ্ডৰে আৰম্ভ হৈ কেইবাটাও ৱাৰ্ডক সামৰি লয় ৷ বিজেপি কৰ্মীসকলে হাতে হাতে দলীয় পতাকালৈ দলৰ সপক্ষে ভোট বিচাৰি নানা শ্নোগান দিয়ে ৷ কাৰ্যসূচীত মন্ত্ৰী পাটোৱাৰীৰ লগতে বিজেপিৰ জিলা সভানেত্ৰী হিমানী অধিকাৰী, বিটিচিৰ স্বাস্থ্য বিভাগৰ কাৰ্যবাহী সদস্য অৰূপ কুমাৰ দে ,  ভাৰতীয় জনতা পাৰ্টিৰ অসম প্ৰদেশৰ কাৰ্যবাহী সদস্য মুকুতা ডেকা, জিলাৰ প্ৰভাৰী ব্ৰজ কুমাৰ দাস, বঙাইগাঁও পৌৰসভা নিৰ্বাচনৰ ভাৰতীয় জনতা পাৰ্টিৰ প্ৰাৰ্থীসকল , দলীয় কাৰ্যকৰ্তা তথা অন্যান্য নেতাসকলে অংশ গ্ৰহণ কৰে ৷ এই পদযাত্ৰা কালত মন্ত্ৰীগৰাকীৰ লগতে দলীয় প্ৰাৰ্থী সকলে ভোটাৰ ৰাইজৰ লগত মত বিনিময় কৰি প্ৰত্যক্ষ যোগাযোগ কৰে।🔯