🔯বঙাইগাঁও জিলা নিৰীক্ষণ সমিতিৰ সভা🔯

🔯বঙাইগাঁও জিলা নিৰীক্ষণ সমিতিৰ সভা🔯 

📝বঙাইগাঁওঃ ২৪ ফেব্ৰুৱাৰীঃ বঙাইগাঁও জিলা উপায়ুক্ত কাৰ্যালয়ৰ সভাক্ষত বৃহস্পতিবাৰে উপায়ুক্ত ডা:এম এছ লক্ষ্মী প্ৰিয়াৰ সভাপতিত্বত স্বাস্থ্য বিভাগৰ জিলা নিৰীক্ষণ সমিতিৰ(District Surveillance Committee) এখন সভা অনুষ্ঠিত হয়।অতিৰিক্ত উপায়ুক্ত(স্বাস্থ্য) শ্যামল ক্ষেত্ৰ গগৈ, উপ-আৰক্ষী অধীক্ষক, জিলা চাৰ্ভিলেন্স বিষয়া, জিলা চাৰ্ভিলেন্স গোটৰ আন আন কৰ্মকৰ্তা, আই ডি এছ পি(Integrated Disease Surveillance Programme)ৰ বিষয়ববীয়াসকল, সংক্ৰামক ৰোগৰ মুখ্য চিকিৎসা আৰু স্বাস্থ্য বিষয়া, বঙাইগাঁও অসামৰিক চিকিৎসালয়ৰ অধীক্ষক, জিলা টিকাকৰণ বিষয়া, জিলা যক্ষ্মা নিয়ন্ত্ৰণ বিষয়া, এন টি ই পি, ডি, জিলা মেলেৰীয়া বিষয়া, জিলা পশুপালন বিষয়া, জিলা সমাজ কল্যাণ বিষয়া, জনস্বাস্থ্য কাৰিকৰী বিভাগৰ বিষয়া, ভাৰতৰ চিকিৎসা সংস্থাৰ প্ৰতিনিধি ডা:পি মজুমদাৰ, ব্যক্তিগত চিকিৎসালয়ৰ ডা:আৰ শৰ্মা, জিলা কৃষি বিষয়া, বন সংমণ্ডল বিষয়া, জিলা ড্ৰাগচ পৰিদৰ্শক, জিলা পৰিষদৰ প্ৰতিনিধি, জিলা তথ্য বিষয়া আৰু জিলা আঁচনি প্ৰবন্ধক গোটৰ বিষয়ববীয়াৰ উপস্থিতিত অনুষ্ঠিত সভাত প্ৰথমে জিলা মহামাৰী ৰোগ বিশেষজ্ঞই বিস্তৃতভাৱে সভাৰ উদ্দেশ্য ব্যাখ্যা কৰে। বঙাইগাঁও জিলা নিৰীক্ষণ সমিতিৰ(District Surveillance Committee) সভাপতি ডা:এম এছ লক্ষ্মী প্ৰিয়াই যিকোনো উল্লেখযোগ্য ৰোগ চিনাক্তকৰণৰ বাবে উপযুক্ত পৰিকল্পনা যুগুত কৰিবলৈ সমিতিৰ বিষয়ববীয়াক পৰামৰ্শ দিয়ে।তেওঁ আৰু কয় যে নিৰ্দিষ্ট কিছুমান ঋতুত Acute Encephalitis Syndrome পৰীক্ষা কৰা প্ৰয়োজন।গ্ৰহণী ৰোগ চিনাক্ত কৰাৰ বাবে আশা কৰ্মীসকলে পৰীক্ষা বৰ্ধিতকৰণ কৰিব লাগে আৰু তাৰ ৰেকৰ্ড ভালদৰে ৰাখিব লাগে। এই ক্ষেত্ৰত জিলা সমন্বয় সংহতি স্তাপকে(DCM) তথ্যসমূহ জিলা নিৰীক্ষণ সমিতিক জনাই থাকিব লাগে। 

সভাপতি ডা:এম এছ লক্ষ্মী প্ৰিয়াই বঙাইগাঁও অসামৰিক চিকিৎসালয়ৰ মেডিচিন বিশেষজ্ঞ ডা: পি দেৱনাথক  ৮-১০ টা প্ৰশ্ন যুগুত কৰিবলৈ কয় যাতে ইয়াৰ দ্বাৰা আশা কৰ্মীসকলৰ জৰিয়তে তৃণমূল পৰ্যায়তে নিৰ্ণয় হ'বলগীয়া ৰোগ নিৰ্ণয় কৰিব পৰা যায়। সভাপতি ডা: লক্ষ্মী প্ৰিয়াই জিলা আঁচনি প্ৰবন্ধকক জাপানী এনকেফেলাইটিছ ৰোগ নিৰ্ণয় কৰাৰ বাবে প্ৰশিক্ষণ দিয়াৰ ব্যৱস্থা কৰিবলৈ কয়। সভাপতিগৰাকীয়ে জিলা মেলেৰীয়া বিষয়াক Surveillance Form নামেৰে এখন Google Form বনাবলৈ কয় আৰু আশা কৰ্মী, বহুমুখী কৰ্মী(MPW), চাৰ্ভিলেন্স কৰ্মী আৰু আশা চুপাৰভাইজাৰৰ দ্বাৰা সবিশেষ এই প্ৰপত্ৰত লিপিবদ্ধ কৰি যাবলৈ নিৰ্দেশনা দিয়াৰ লগতে জিলা মেলেৰীয়া বিষয়াই সেয়া নিৰীক্ষণ কৰি সন্দেহজনক ৰোগীক ডা:পি দেৱনাথৰ ওচৰলৈ ৰোগ নিৰ্ণয় আৰু প্ৰয়োজন হ'লে চিকিৎসা কৰাৰ বাবে পঠাবলৈ পৰামৰ্শ দিয়ে। লগতে আৰু কয় যে অংগনৱাডী কৰ্মীসকলে তেওঁলোকৰ অংগনৱাডী কেন্দ্ৰলৈ অহা জ্বৰত ভুগি থকা ছাত্ৰ-ছাত্ৰীসকলক যথাযথ নিৰীক্ষণ কৰি Google Sheet ত মূল কথাখিনি আপলোড কৰিব লাগে। তদুপৰি সকলো সংশ্লিষ্ট বিভাগৰ বিষয়ববীয়াক ৰোগ নিৰীক্ষণ কাম-কাজবিলাকৰ সন্দৰ্ভত সজাগ হৈ থাকিবলৈ পৰামৰ্শ দিয়ে।🔯