🔯বঙাইগাঁও জিলাৰ অভয়েশ্বৰী উচ্চতৰ মাধ্যমিক আৰু বহুমুখী বিদ্যালয়ৰ অৱসৰপ্ৰাপ্ত শিক্ষক-শিক্ষয়িত্ৰীক বিদায় সম্বৰ্ধনা🔯

🔯বঙাইগাঁও জিলাৰ অভয়েশ্বৰী উচ্চতৰ মাধ্যমিক আৰু বহুমুখী বিদ্যালয়ৰ  অৱসৰপ্ৰাপ্ত শিক্ষক-শিক্ষয়িত্ৰীক বিদায় সম্বৰ্ধনা🔯

📝বঙাইগাঁওঃ ১৯ ফেব্ৰুৱাৰীঃ বঙাইগাঁও জিলাৰ অভয়াপুৰী চহৰৰ মাজ মজিয়াত অৱস্থিত বিজনী ৰাজ্যৰ মহীয়সী ৰাণী অভয়েশ্বৰী দেৱীয়ে প্ৰতিষ্ঠা কৰা অভয়েশ্বৰী উচ্চতৰ মাধ্যমিক আৰু বহুমুখী বিদ্যালয়ৰ পৰা অৱসৰ গ্ৰহণ কৰা অৰ্থনীতি বিভাগৰ বিষয় শিক্ষয়িত্ৰী বন্তি পাঠক, অসমীয়া বিষয়ৰ শিক্ষয়িত্ৰী মঞ্জুপ্ৰভা বৰুৱা, সহকাৰী শিক্ষক ক্ৰমে নৃত্যেন্দ্ৰ দাস, নছেৰ আলী আৰু টিকেন্দ্ৰ নাৰায়ণ দাসক বিদ্যালয়খনৰ ছাত্ৰ-ছাত্ৰীসকলৰ হৈ ছাত্ৰ একতা সভাই শনিবাৰে আনুষ্ঠানিকভাৱে বিদায় সম্বৰ্ধনা জনায় ৷ বিদ্যালয়ৰ অধ্যক্ষ মীনা কুমাৰী মণ্ডলৰ সভাপতিত্বত অনুষ্ঠিত সভাত এই পাঁচ গৰাকী শিক্ষকক ছাত্ৰ-ছাত্ৰীসকলে সন্মান জনাই শৰাই, মানপত্ৰ, জাপি, ফুলাম গামোছা আৰু কলমেৰে বিদায় সম্বৰ্ধনা জনায় ৷ ছাত্ৰ-ছাত্ৰীসকলে আটাইকেইগৰাকী শিক্ষক- শিক্ষয়িত্ৰীৰ শিক্ষকতা কালৰ শিক্ষাদানৰ লগতে তেওঁলোকে ছাত্ৰ-ছাত্ৰীসকলৰ প্ৰতি দেখুওৱা মৰম, চেনেহ আৰু নীতি-আদৰ্শৰ কথা স্বীকাৰ কৰি বক্তব্য আগবঢ়ায়৷ সম্বৰ্ধনাৰ উত্তৰত শিক্ষক-শিক্ষয়িত্ৰীসকলে ছাত্ৰ-ছাত্ৰীসকলক জীৱনৰ বাটত আগবাঢ়ি যাবলৈ বিভিন্ন সুপৰামৰ্শ আগবঢ়ায়৷ সভাত বিদ্যালয়ৰ শিক্ষক-শিক্ষয়িত্ৰীসকলো অংশ গ্ৰহণ কৰি সভাৰ সৌষ্টৱ বঢ়ায় ৷ উল্লেখ্য যে একেখন বিদ্যালয়ৰ পৰা একেলগে পাঁচ গৰাকী শিক্ষাগুৰুৱে অৱসৰ গ্ৰহণ কৰাৰ পাছত বিদ্যালয়খনত পাঠদানৰ ক্ষেত্ৰত যে যথেষ্ট আহুকালৰ সৃষ্টি হ'ব সেয়া নিশ্চিত৷ সেয়ে চৰকাৰে এই ক্ষেত্ৰত নজৰ দিব বুলি বিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰী তথা অভিভাৱক সকলে মত পোষণ কৰে ৷🔯