🔯জাতিগত প্রমাণ-পত্র প্রদানৰ ক্ষেত্ৰত চৰকাৰৰ হঠকাৰী সিদ্ধান্তকলৈ আপত্তি🔯

🔯জাতিগত প্রমাণ-পত্র প্রদানৰ ক্ষেত্ৰত চৰকাৰৰ হঠকাৰী সিদ্ধান্তকলৈ আপত্তি🔯 

🔯সদৌ অসম অন্যান্য পিছপৰা শ্রেণী সন্মিলনৰ মুখ্যমন্ত্ৰীলৈ স্মাৰকপত্ৰ প্ৰেৰণ🔯

📝বঙাইগাঁওঃ১৯ ফেব্ৰুৱাৰীঃ অসম চৰকাৰে জনগােষ্ঠীসমূহক পিছপৰা শ্রেণী জাতিগত প্রমাণ-পত্ৰ প্ৰদানৰ বাবে গ্ৰহণ কৰা হঠকাৰী সিদ্ধান্তক তীব্ৰ বিৰােধিতা কৰিছে সদৌ অসম অন্যান্য পিছপৰা শ্ৰেণী সন্মিলনে। এই সন্দৰ্ভত শনিবাৰে উত্তৰ শালমাৰা মহকুমা অন্যান্য পিছপৰা শ্ৰেণী সন্মিলনে অসমৰ মুখ্যমন্ত্ৰীলৈ এখন স্মাৰক পত্ৰ প্ৰদান কৰে ৷ বঙাইগাঁও জিলাৰ উত্তৰ শালমাৰা মহকুমাৰ মহকুমাধিপতিৰ জৰিয়তে মুখ্যমন্ত্ৰীক প্ৰদান কৰা স্মাৰক পত্ৰত মহকুমা সমিতিৰ সভাপতি দীপক বৰুৱা আৰু সম্পাদক প্ৰহাৰিকা নাথে উল্লেখ কৰা মতে অসম চৰকাৰে ভাৰতীয় সংবিধানৰ আধাৰত মুঠ ৩১ টা জনগােষ্ঠীক অন্যান্য পিছপৰা শ্রেণী হিচাপে চিহ্নিত কৰিছে ৷ চৰকাৰে আগবঢ়োৱা সংৰক্ষণ ব্যৱস্থাক অধিক ফলপ্রসূ কৰিবৰ বাবে এই সন্মিলনে পিছপৰা শ্ৰেণীৰ লােক সকলক জাতিৰ প্ৰমাণ পত্র প্ৰদান কৰি আহিছে। এই সম্পৰ্কে চৰকাৰৰ নীতি -নির্দেশনা সন্মিলনে কোনো  দিনেই অমান্য কৰা নাই । এনে এক সন্ধিক্ষণতে বিভাগীয় মন্ত্ৰীৰ অধ্যক্ষতাত যােৱা ৩ ফেব্রুৱাৰীত গুৱাহাটীত অন্যান্য পিছপৰা শ্ৰেণীৰ বিভিন্ন জাতি-জনগােষ্ঠীৰ সংগঠনক লৈ অনুষ্ঠিত সভাত অসম চৰকাৰে জনগােষ্ঠীসমূহক পিছপৰা শ্রেণী জাতিগত প্রমাণ-পত্ৰ প্ৰদানৰ যি কথা সদৰী কৰিছে, তাৰ তীব্ৰ বিৰােধিতা কৰিছে সদৌ অসম অন্যান্য পিছপৰা শ্ৰেণী সন্মিলনে। ৬৩ বছৰীয়া সংগঠনটোৰ হাতৰ পৰা জাতিগত প্ৰমাণ পত্ৰ প্ৰদানৰ অধিকাৰ খৰ্ব কৰি ৰাজ্য চৰকাৰে ছাত্ৰ-ছাত্ৰী সকলৰ ভবিষ্যতক লৈ হেতালি খেলাৰ চেষ্টা কৰিছে কৰিছে বুলিও উল্লেখ কৰি কয় যে এই ব্যৱস্থাৰ দ্বাৰা জাতিগত প্রমাণ-পত্ৰৰ বাবে যথেষ্ট সময় প্রয়ােজন হ’ব  ডিজিটেল ভাৰত ব্যৱস্থাৰ ফলত বর্তমান  অর্থনৈতিক ভাৱে অনুন্নত প্রমাণ-পত্র (নন-ক্রিমিনিয়েল চাৰ্টিফিকেট) এখন প্রাপ্তিত জনসাধাৰণে প্ৰায় ডেৰ মাহ পর্যন্ত অপেক্ষা কৰিবলগীয়া হৈছে। কিয়নাে অনলাইন ব্যৱস্থাৰ বাবেই এনে বিসংগতি হৈছে ৷ চৰকাৰী ব্যৱস্থাৰ মাজেৰে জাতিৰ প্ৰমাণ-পত্ৰ প্ৰদানৰ যি কথা অসম চৰকাৰৰ বিভাগীয় মন্ত্ৰী গৰাকীয়ে ঘােষণা কৰিছে সেই৷ক্ষেত্ৰতাে একেই হ’ব বুলি সংগঠনটোৱে মতপােষণ কৰে। উল্লেখ্য যে সেই সভাতে বিভাগীয় মন্ত্রীগৰাকীয়ে এইবুলি মত পােষণ কৰিছিল যে পিছপৰা শ্ৰেণীৰ বিভিন্ন জনগােষ্ঠীৰ সংগঠন সমূহে এজন ব্যক্তিৰ জাতিয়তে চিনাক্তকৰণ কৰিব। সন্মিলনে উল্লেখ কৰে যে অসমত পিছপৰা শ্রেণী হিচাপে মুঠ ৩১ টা জনগােষ্ঠীক চিহ্নিত কৰা হৈছে। ইয়াৰে চাহ জনগােষ্ঠীৰ লােকসকলৰ ৯০ টা উপগােষ্ঠী আছে। ঠিক সেইদৰে সতনামী সকলৰ ৬৫ টা উপগােট আছে। এই প্রত্যেকটা জনগােষ্ঠীৰ অৱশ্যে নিজ নিজ সন্মিলন নাই। সেয়েহে সদৌ অসম অন্যান্য পিছপৰা শ্ৰেণী সন্মিলনে অসম চৰকাৰক আহ্বান জনায় যে জাতিগত প্রমাণ-পত্র প্রদানৰ ক্ষেত্ৰত লােৱা হঠকাৰী সিদ্ধান্ত তৎক্ষণাত বন্ধ কৰিব লাগে। অন্যথা পিছপৰা শ্রেণীৰ ছাত্র-ছাত্রী সকল সকলাে ক্ষেত্ৰত পুনৰ পিছ পৰিয়েই ৰ’ব আৰু সঁচা অৰ্থত সংৰক্ষণ ব্যৱস্থা প্ৰৱৰ্তনত বাধা আহিব স্মাৰকপত্ৰত উল্লেখ কৰিছে৷ উল্লেখ্য যে স্মাৰক পত্ৰখনত লগতে উল্লেখ কৰা মতে ১৯৫৯ চনৰ ৩ জানুৱাৰীত জন্ম লাভ কৰা 'সদৌ অসম অন্যান্য পিছপৰা শ্রেণী সন্মিলন' এটি অৰাজনৈতিক, ধর্মনিৰপেক্ষ, গণতান্ত্ৰিক সংগঠন। এই সংগঠনে জন্মলগ্নৰে পৰা সুদীর্ঘ ৬৩ বছৰ কাল পিছপৰা শ্ৰেণীৰ সর্বাংগীণ বিকাশৰ বাবে চেষ্টাৰ  অকণো ত্ৰুটি কৰা নাই বুলি মতপোষণ কৰিছে উত্তৰ শালমাৰা মহকুমা অন্যান্য পিছপৰা শ্ৰেণী সন্মিলনৰ সভাপতি দীপক বৰুৱা আৰু প্ৰহাৰিকা নাথে৷ সংগঠনটোৰ নেতৃত্বই ৰাজধানী দিছপুৰত প্রয়াত কমলাকান্ত বৰুৱাৰ পৰিয়ালে এই সন্মিলনলৈ দুবিঘা ভূমি কার্যালয়ৰ বাবে দান সূত্রে আগবঢ়াইছিল বুলি উল্লেখ কৰি তাত প্ৰয়াত মুখ্যমন্ত্রীদ্বয় শৰৎ চন্দ্ৰ সিংহ আৰু হিতেশ্বৰ শইকীয়াৰ অনুদানেৰে কার্যালয় চৌহদ নির্মাণ কৰি সূদীর্ঘ দিন পিছপৰা শ্ৰেণীৰ সেৱা কৰি আহিছে আৰু ইয়াৰোপৰি বিভিন্ন মহকুমাত সন্মিলনৰ কাৰ্যালয় আছে বুলিও স্মাৰক পত্ৰখনত উল্লেখ কৰিছে ৷🔯