🔯বঙাইগাঁও জিলাত ৰাষ্ট্ৰীয় লােক আদালত ১৪৫ টা গোচৰ নিষ্পত্তি🔯

🔯বঙাইগাঁও জিলাত ৰাষ্ট্ৰীয় লােক আদালত ১৪৫ টা গোচৰ নিষ্পত্তি🔯

🔯আদায় মুঠ ১,৬৯,৭০,৬০২ টকা🔯

📝বঙাইগাঁওঃ ১৩  মাৰ্চ: ৰাষ্ট্ৰীয় আইন সেৱা প্ৰাধিকৰণৰ উদ্যোগত তথা অসম ৰাজ্যিক আইন সেৱা প্ৰাধিকৰণৰ নির্দেশনাত শনিবাৰে দেশৰ বিভিন্ন জিলাৰ লগতে বঙাইগাঁও জিলাতাে ৰাষ্ট্ৰীয় লােক আদালত অনুষ্ঠিত হৈ যায় । ৰাষ্ট্ৰীয় লোক আদালতত জিলাৰ বিভিন্ন আদালতত বিচৰাধীন হৈ থকা ৪৪০ টা গোচৰ নিষ্পতিৰ বাবে হাতত লোৱা হৈছিল ৷ ইয়াৰ ভিতৰত ১৪৫ টা গোচৰ নিষ্পত্তি কৰিবলৈ সক্ষম হয় ৷ গোচৰ নিষ্পত্তিৰ আদায়কৃত ধনৰাশি হ'ল মুঠ ১,৬৯,৭০,৬০২ টকা ৷ ইয়াৰ বাহিৰেও ভৱিষ্যতে দাখিল হোৱাৰ সম্ভাৱনা থকা প্ৰাক্ মোকৰ্দমা ( প্ৰি লিটিগেশ্বন- PRE LITIGATION) ৰ মুঠ ১,৪৩১ টা গোচৰ নিষ্পত্তিৰ বাবে লোৱা হৈছিল যদিও তাৰ ভিতৰত ১৩৫ টা গোচৰ নিষ্পত্তি কৰিবলৈ সফল হয় আৰু ইয়াৰ ফলত আদায়কৃত ধনৰাশি মুঠ ৫৮,২০,০৮৬ টকা ৷ স্মৰ্তব্য যে ৰাষ্ট্ৰীয় লোক আদালতত বঙাইগাঁও জিলা আইন সেৱা প্ৰাধিকৰণৰ উদ্যোগত পূৰ্বৰে পৰা বৰ্দ্ধিত হাৰত গোচৰ নিষ্পত্তি কৰিবলৈ সক্ষম হৈছে ৷ বঙাইগাঁও জিলা আইন সেৱা প্ৰাধিকৰণৰ সচিব তৰুণ দেই এনেকুৱা বৃহৎ পৰিমাণে গোচৰ নিষ্পত্তি হোৱাত সন্তুষ্টি প্ৰকাশ কৰিছে ৷ লগতে ইয়াৰ বাবে সকলো ৰাইজ,ন্যায়িক বিষয়া সকল, চৰকাৰী বিষয়াবৰ্গ, সংবাদ মাধ্যম আদিক ধন্যবাদ জ্ঞাপন কৰিছে৷ উল্লেখ্য যে কোভিড পৰিস্থিতিৰ কাৰণে দেশৰ বিভিন্ন আদালতত বৃহৎ সংখ্যক গােচৰ বিচাৰাধীন অৱস্থাত আছিল আৰু সাধাৰণ নাগৰিকে নিজৰ নিজৰ গােচৰ নিষ্পত্তিত অসুবিধাৰ সন্মুখীন হ’ব লগা হৈছিল। উক্ত সমস্যাৰ ওপৰত গুৰুত্ব দি মহামান্য উচ্চতম ন্যায়ালয় আৰু ৰাষ্ট্ৰীয় আইন সেৱা প্ৰাধিকৰণে ৰাষ্ট্ৰীয় লােক আদালতৰ জৰিয়তে অধিক গােচৰ নিষ্পত্তিত জোৰ দিছিল।🔯