🔯বঙাইগাঁও জিলাৰ তালগুৰীত নিশা পথ দুৰ্ঘটনা🔯

🔯বঙাইগাঁও জিলাৰ তালগুৰীত নিশা পথ দুৰ্ঘটনা🔯 

🔯এজন যুৱকৰ মৃত্যু - দুজন আহত🔯

📝বঙাইগাঁওঃ ১৬ মাৰ্চঃ বঙাইগাঁও জিলাৰ বইটামাৰী আৰক্ষী চকীৰ অন্তৰ্গত তালগুৰীৰ ১৭ নং ৰাষ্ট্ৰীয় ঘাই পথত যোৱা নিশা ১১-২০ মান বজাত সংঘটিত হোৱা এক পথ দুৰ্ঘটনাত এজন যুৱক নিহত হোৱাৰ লগতে আন দুজন লোক আহত হয় । নিহত যুৱকজন  অঞ্চলটোৰ কায়েথপাৰা গাৱঁৰ মণি সুত্ৰধৰ (২৭) বুলি চিনাক্ত হৈছে । যুৱক জনে আন দুজন লোকৰ সৈতে এ এছ ১৯ কিউ ১৪৬৪  নম্বৰৰ এখন স্কুটীৰে ধুবুৰীৰ দিশৰ পৰা কায়েথপাৰাৰ নিজ গৃহ অভিমুখে আহি আছিল । সেই সময়তে একে দিশৰ পৰা আহি থকা এ এছ ০১ এম চি ৩৩৯৪ নম্বৰৰ  এখন মাৰুতি ইকো ভান এম্বুলেন্স স্কুটীখনক উক্ত স্থানত তীব্ৰ বেগত খুন্দা মাৰে । ফলত স্কুটী আৰোহী মণি সুত্ৰধৰৰ থিতাতে মৃত্যু হোৱাৰ লগতে আন দুজন লোক গুৰুতৰ ভাৱে আহত হয় । আহত দুজন ৰঞ্জন বৰ্মন আৰু বিকাশ বৰ্মন বুলি জানিব পৰা গৈছে । দুৰ্ঘটনা সংঘটিত হোৱাৰ পিছতে  ঘটনাস্থলীত বইটামাৰী আৰক্ষী উপস্থিত হৈ  ১০৮ এম্বুলেন্স যোগে আহত লোক দুজনক চিকিৎসালয়ত ভৰ্তি কৰায় । আজি নিহত যুৱক জনৰ বঙাইগাওঁ অসামৰিক চিকিৎসালয়ত মৰণোত্তৰ পৰীক্ষা সম্পন্ন হয় ।🔯