🔯চিৰাঙৰ বিজনীত তিনি পাষণ্ডৰ দ্বাৰা ছাত্ৰীক ধৰ্ষণ🔯

🔯চিৰাঙৰ বিজনীত তিনি পাষণ্ডৰ দ্বাৰা ছাত্ৰীক ধৰ্ষণ🔯

🔯আমছুৰ প্ৰতিক্ৰিয়া🔯

📝বিজনীঃ ১৫ মাৰ্চ: গাড়ীগাঁৱৰ গণ ধৰ্ষণ কাণ্ডৰ চাঞ্চল্য মাৰ নৌযাওঁতেই ৰাজ্যত পুনৰ সংঘটিত হৈছে গণ ধৰ্ষণ কাণ্ড। এইবাৰ তিনি পাষণ্ডই অমানৱীয়ভাৱে ধৰ্ষণ কৰিলে হাইস্কুল শিক্ষান্ত পৰীক্ষাত অৱতীৰ্ণ হ'বলগীয়া ছাত্ৰীক। এই ঘটনা চিৰাং জিলাৰ পাণবাৰী থানাৰ অন্তৰ্গত বিজনীৰ।পৰিয়ালৰ এজাহাৰৰ ভিত্তিত পাণবাৰী থানাৰ আৰক্ষীয়ে ছাইফুল ইছলাম(২৩) নামৰ এজন ধৰ্ষণকাৰীক গ্ৰেপ্তাৰ কৰিবলৈ সক্ষম হয় যদিও আন দুজন ধৰ্ষণকাৰী জিয়াদুৰ ৰহমান(২১) আৰু মফিজ আলী(২০) পলাতক অৱস্থাত আছে।তিনিওৰে ঘৰ পাণবাৰী থানাৰ অন্তৰ্গত ২ নং গৰাইমাৰীত। আৰক্ষীয়ে তিনি পাষণ্ডক বিচাৰি অভিযান চলাই আছে যদিও কোনো শুংসূত্ৰ লাভ কৰিবলৈ সক্ষম হোৱা নাই। ইয়াৰে ধৃত ছাইফুল ইছলামক  জেল হাজোতলৈ প্ৰেৰণ কৰা হয়। উল্লেখ্য চলিত ১০ মাৰ্চৰ সন্ধিয়া তিনি পাষণ্ডই ছাত্ৰী গৰাকীক অপহৰণ কৰি নি বৰপেটা জিলাৰ বগৰীগুৰীৰ এখন পথাৰত দলবদ্ধ ধৰ্ষণ কৰি পেলাই থৈ যায় বুলি জানিব পৰা গৈছে।পাছত ছাত্ৰী গৰাকীয়ে নিশা দুই মান বজাত স্থানীয় মানুহ এঘৰত সহায় বিচাৰি সোমোৱাত ধৰ্ষণ কাণ্ডৰ কথা পোহৰলৈ আহে।  হাইস্কুল শিক্ষান্ত পৰীক্ষাত অৱতীৰ্ণ ছাত্ৰীক গণ ধৰ্ষণ কৰা কাণ্ডই চাঞ্চল্যৰ সৃষ্টি কৰিছে অঞ্চলটোত। এইক্ষেত্ৰত ধৰ্ষণকাৰী কেইটাক গ্ৰেপ্তাৰ কৰি দৃষ্টান্তমুলক শাস্তি বিহাৰ দাবী উত্থাপন কৰিছে দল সংগঠনৰ লগতে পৰিয়ালৰ লোকে।আৰক্ষীয়ে ধৰ্ষণকাণ্ডৰ চাৰিদিন উকলি যোৱাৰ পিছতো দুই পাষণ্ডক গ্ৰেপ্তাৰ কৰিব নোৱাৰাত ক্ষোভ উজাৰিছে এবিএমছুৱে। হাইস্কুল শিক্ষান্ত পৰীক্ষাৰ্থীক কৰা গণ ধৰ্ষণ কাণ্ডৰ প্ৰতিক্ৰিয়া আমছুৰ।আমছুৰ কেন্দ্ৰীয় শিক্ষা সম্পাদক আবুল কালাম আজাদে ধৰ্ষণকাণ্ডৰ গৰিহণা দিয়াৰ লগতে আজি পাঁচদিন উকলি যোৱাৰ পিছতো আৰক্ষীয়ে দুটা কালপৃতক গ্ৰেপ্তাৰ কৰিব নোৱাৰা কাৰ্যক সন্দেহ প্ৰকাশ কৰি অসম আৰক্ষীক স্মাৰ্ট কৰি তুলিবলৈ অসমৰ মুখ্যমন্ত্ৰী ড৹ হিমন্ত বিশ্ব শৰ্মাক আহ্বান জনাইছে ৷🔯