🔯অগপই গঠন কৰিব বঙাইগাঁও পৌৰসভা- বিধায়ক ফণীভূষণ চৌধুৰী🔯

🔯অগপই গঠন কৰিব বঙাইগাঁও পৌৰসভা- বিধায়ক ফণীভূষণ চৌধুৰী🔯

🔯বঙাইগাঁৱত কংগ্ৰেছ দল নিচিহ্ন হ’ব🔯

🔯বিটিচিৰ স্বাস্থ্য বিভাগৰ কাৰ্যবাহী সদস্য অৰূপ কুমাৰ দেৰো দাবী বিজেপিয়ে দখল কৰিব বঙাইগাঁও পৌৰসভা🔯

📝বঙাইগাঁওঃ ৬ মাৰ্চঃ বঙাইগাঁও পৌৰসভা অসম গণ পৰিষদ দলে গঠন কৰিব বুলি দৃঢ় মত পোষণ কৰিছে অসম গণ পৰিষদৰ জ্যেষ্ঠ নেতা তথা বঙাইগাঁও সমষ্টিৰ বিধায়ক ফণীভূষণ চৌধুৰীয়ে৷ দেওবাৰে বঙাইগাঁও পৌৰসভাৰ নিৰ্বাচনৰ ভোটগ্ৰহণ চলি থকাৰ সময়তে সংবাদ মাধ্যমৰ প্ৰতিনিধিৰ সতে হোৱা এক বাৰ্তালাপত বিধায়ক চৌধুৰীয়ে কয় যে যোৱা দিনকেইটাত মোৰ কিছু কষ্ট হৈছিল যদিও আজি মই কিছু আৰাম অনুভৱ কৰিছো ৷ মই আগতেও কৈছিলো আৰু আজিও কওঁ পৌৰসভা আমিয়ে গঠন কৰিম ৷ সংখ্যাটো আজিৰ দিনত নকও ৷ আপোনালোকক পিছত কম ৷ যোৱাবাৰ আমি কুৰিখন আসন লাভ কৰিছিলোঁ আৰু এইবাৰো কুৰিখন আসনৰ তলত কোনোপধ্যেই নহয়৷ বঙাইগাঁও পৌৰসভা নিৰ্বাচনত বিজেপি দলে চলোৱা যুদ্ধংদেহি প্ৰচাৰত শংকিত হৈছিল নেকি সোধা প্ৰশ্নৰ উত্তৰত বিধায়ক চৌধুৰীয়ে কয় মই এটা কথাত নিশ্চিত যে বঙাইগাঁৱৰ জনসাধাৰণে মোক মৰম কৰে ৷ বঙাইগাঁৱৰ জনসাধাৰণৰ মোৰ প্ৰতি আস্থা আছে, বিশ্বাস আছে ৷ বঙাইগাঁৱৰ জনসাধাৰণৰ প্ৰতি মোৰো আস্থা আছে, শ্ৰদ্ধা আছে ৷ গতিকে মই ভাৱো যিমানেই যি নহওক কিয় জনসাধাৰণে মই থকালৈকে সদায় মোৰ লগত থাকিব ৷ এই বিশ্বাস মোৰ আছে ৷ সেই কাৰণেই এই নিৰ্বাচনত সাধাৰণভাৱে জনসাধাৰণৰ মাজত সোমাই গৈছিলো ৷ জনসাধাৰণক মনৰ কথাখিনি কৈছিলোঁ আৰু মোক সমৰ্থন আগবঢ়াব আৰু মোৰ প্ৰতি তেওঁলোকৰ বিশ্বাস আছে বুলি  ব্যক্ত কৰিছিল ৷ সেই কাৰণে আজিৰ দিনটোতো মই এইটোৱে অনুভৱ কৰিছোঁ যে বঙাইগাঁও পৌৰসভাখন আমি গঠন কৰিম আৰু যোৱাবাৰতকৈ আমাৰ আসন নকমে ৷ ইপিনে পৌৰসভাত কংগ্ৰেছ দলৰ অৱস্থা সম্পৰ্কে সোধা প্ৰশ্ন সন্দৰ্ভত বিধায়ক চৌধুৰীয়ে কয় যে বঙাইগাঁৱত কংগ্ৰেছ দল প্ৰায় নিচিহ্ন হৈ গৈছে ৷ পৌৰসভাৰ পঁচিশখন আসনৰ ভিতৰত সকলো কেইটাত তেওঁলোকে প্ৰাৰ্থী প্ৰক্ষেপ কৰিবলৈ সমৰ্থ নহ’ল৷ যোৱাবাৰ এখন আসন লাভ কৰিছিল৷ এইবাৰ দলটো নিশ্চিতভাৱে শুন্য হ’ব আৰু মোৰ জনাত তেওঁলোকে হয়তো দুটা ৱাৰ্ডত দ্বিতীয় স্থান লাভ কৰিবলৈ সক্ষম হ’ব৷ বাকী যিকেইটাত প্ৰতিদ্বন্দ্বিতাত নামিছে,তেওঁলোকৰ মান সন্মান ৰক্ষা কৰাটো টান হৈ পৰিব বুলিও কয় ৷ আনহাতে তেওঁ পৌৰসভাৰ নিৰ্বাচনৰ পাছতে অসমত আঞ্চলিকতাবাদৰ শক্তি বৃদ্ধি পাব বুলি মন্তব্য কৰে ৷ একেদৰে এই সন্দৰ্ভত দলীয় মজিয়াত আলোচনা কৰিব বুলিও কয় ৷ বঙাইগাঁও  সমষ্টিত পৰৱৰ্তী সময়ত নৱ প্ৰজন্ম বিধায়ক হিচাপে আহিব আৰু সমষ্টিটো সদায় অগপৰ দখলত থাকিব বুলি গুৰুত্বপূৰ্ণ মন্তব্য কৰে বিধায়ক ফণীভূষণ চৌধুৰীয়ে ৷ ইপিনে  বঙাইগাঁও পৌৰসভাৰ নিৰ্বাচনী প্ৰচাৰ অভিযানত বিশেষ ভাৱে দীৰ্ঘদিন ধৰি অংশ লৈ অহা বিটিচিৰ বিজেপি নেতা তথা বিটিচিৰ স্বাস্থ্য বিভাগৰ কাৰ্যবাহী সদস্য অৰূপ কুমাৰ দেই  বঙাইগাঁও পৌৰসভাৰ ২৪ নম্বৰ ৱাৰ্ডত উপস্থিত হৈ বঙাইগাঁও সমষ্টিৰ বিধায়ক ফণীভূষণ চৌধুৰীয়ে অৱসৰ ল'ব লাগে বুলি মন্তব্য কৰাৰ লগতে ৰাইজ চৰকাৰৰ লগত আছে বাবে এইবাৰ বঙাইগাঁও পৌৰসভা নিৰ্বাচনত বিজেপি দলৰ প্ৰাৰ্থীসকলে জয়ী হৈ বোৰ্ড গঠন কৰিব বুলি সংবাদ মাধ্যমৰ আগত প্ৰকাশ কৰে ৷ বিজেপিয়ে সংকল্প পত্ৰ প্ৰচাৰ কৰি ৰাইজৰ কাষ চপাৰ বাবে ৰাইজে বিজেপি দলৰ কামৰ প্ৰতি আগ্ৰহী হৈ  এইবাৰ বিজেপিক শক্তিশালী কৰিব বুলি মতপোষণ কৰে ৷ 🔯