🔯বঙাইগাঁও মহাবিদ্যালয়ৰ ইংৰাজী বিভাগৰ মুৰব্বী অধ্যাপক উপল কুমাৰ দেৱৰ মৃত্যু

🔯বঙাইগাঁও মহাবিদ্যালয়ৰ ইংৰাজী বিভাগৰ মুৰব্বী অধ্যাপক উপল কুমাৰ দেৱৰ মৃত্যু 

📝বঙাইগাঁওঃ ৬ মাৰ্চঃ বঙাইগাঁও মহাবিদ্যালয়ৰ ইংৰাজী বিভাগৰ  মুৰব্বী অধ্যাপক উপল কুমাৰ দেৱে আজি বিয়লি ৩ বজাত গুৱাহাটী মালিগাঁওস্থিত বাসভৱনত শেষ নিঃশ্বাস ত্যাগ কৰে। উল্লেখ্য যে যোৱা ছয় মাহধৰি দুৰাৰোগ্য ৰোগত আক্ৰান্ত হৈ অসুস্থ হৈ থকা দেৱৰ মৃত্যুৰ সময়ত বয়স আছিল ৫৯ বছৰ। মহাবিদ্যালয়খনৰ ছাত্র -ছাত্ৰীৰ মাজত জনপ্ৰিয় উপল কুমাৰ দেৱৰ মৃত্যুৰ খবৰে বঙাইগাঁও চহৰত শোকৰ ছাঁ পেলাইছে । ইংৰাজী সাহিত্যৰ ওপৰতো তেওঁৰ আছিল অগাধ দখল ৷ মৃত্যুৰ সময়ত উপল কুমাৰ দেৱে পিতৃ, মাতৃৰ লগতে দুগৰাকী ককায়েকক আৰু তেওঁৰ অগণন গুণমুগ্ধ শুভাকাংক্ষী,ছাত্ৰ ছাত্ৰীক এৰি থৈ যায়। উল্লেখ্য উপল কুমাৰ দেৱে অহা ২০২৩ চনৰ জানুৱাৰী মাহত চাকৰি জীৱনৰ পৰা অৱসৰ গ্ৰহণ কৰিলেহেঁতেন ৷ ইপিনে অধ্যাপক উপল কুমাৰ দেৱৰ মৃত্যুত বৃহত্তৰ বঙাইগাঁও প্ৰেছ ক্লাৱে গভীৰ শোক প্ৰকাশ কৰাৰ লগতে তেওঁৰ বিদেহী আত্মাৰ চিৰ শান্তি কামনা কৰাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে ৷🔯