কোচ ৰাজবংশী লোক নৃত্যৰে মুখৰিত বঙাইগাঁৱৰ নৰনাৰায়ণ খেলপথাৰৰ বাকৰি🔯

🔯কোচ ৰাজবংশী লোক নৃত্যৰে মুখৰিত বঙাইগাঁৱৰ নৰনাৰায়ণ খেলপথাৰৰ বাকৰি🔯 

📝বঙাইগাঁওঃ ১৯ এপ্ৰিলঃ বঙাইগাঁৱৰ দেউৰীপাৰা বিষুৱা আৰু ৰঙালী বিহু সন্মিলনীৰ উদ্যোগত পুৰণি বঙাইগাঁও নৰনাৰায়ণ খেলপথাৰত তিনিদিনীয়া কাৰ্যসূচীৰে বিষুৱা আৰু ৰঙালী বিহু উদযাপন কৰিছে ৷ বঙাইগাঁৱৰ দেউৰীপাৰা বিষুৱা আৰু বিহু সমিতিয়ে অসমীয়াৰ চেনেহৰ ৰঙালী বিহু আৰু কোচ ৰাজবংশী জনগোষ্ঠীৰ বিষুৱাক যৌথ ভাবে পালন কৰি আহিছে ৷ উল্লেখ্য ৩১ চ'তৰ দিনা বিহু আৰু বিষুৱাৰ পৰম্পৰা পালন কৰাৰ পিছত মঙলবাৰ ৫ বহাগ আৰু ৬ ব'হাগত বিভিন্ন কাৰ্যসূচীৰে বিষুৱা আৰু ৰঙালী বিহু উদযাপন কৰিবলৈ লৈছে সন্মিলনীয়ে ৷ ইয়াৰে অংশ হিচাপে মঙলবাৰে নৰনাৰায়ণ খেলপথাৰৰ বাকৰি কোচ ৰাজবংশী জনগোষ্ঠীৰ বিভিন্ন নৃত্যৰে মুখৰিত হয় ৷

বিহুতলীত কোচ ৰাজবংশী সকলৰ কুশান, গোৱালিনী আদি নৃত্য প্ৰদৰ্শন কৰাৰ লগতে বিহুৰ দৈ, চিৰা খোৱাৰ পৰম্পৰা, অসমৰ থলুৱা খেল ধেমালি প্ৰতিযোগীতাৰে বিহু সমিতিয়ে  বিহুৰ পৰম্পৰা অক্ষুন্ন ৰাখে  ৷ উল্লেখ্য যে পুৱা  পতাকা উত্তোলনেৰে আৰম্ভ হোৱা বিষুৱা আৰু ৰঙালী বিহু উদযাপনৰ কাৰ্যসূচীত স্মৃতি তৰ্পণ, খেল - ধেমালী, বয়োজ্যেষ্ঠ নাগৰিক আৰু কৃতি ছাত্ৰ- ছাত্ৰীক সম্বৰ্ধনা আদি অনুষ্ঠিত হয় ৷ সেইদৰে অনুষ্ঠিত হয় সাংস্কৃতিক অনুষ্ঠান ৷🔯