🔯বঙাইগাঁও জিলা দুৰ্যোগ ব্যৱস্থাপনা প্ৰাধিকৰণৰ বান প্ৰস্তুতি সভা🔯

🔯বঙাইগাঁও জিলা দুৰ্যোগ ব্যৱস্থাপনা প্ৰাধিকৰণৰ বান প্ৰস্তুতি সভা🔯

📝বঙাইগাঁওঃ ৫ এপ্ৰিলঃ  বঙাইগাঁও জিলাত সম্ভাৱ্য বানপানীৰ মোকাবিলা কৰিবলৈ সংশ্লিষ্ট বিভাগৰ দ্বাৰা ল'বলগীয়া প্ৰস্তুতি সম্পৰ্কত মঙলবাৰে জিলা উপায়ুক্ত কাৰ্যালয়ৰ সভাকক্ষত এখন সভা অনুষ্ঠিত হয়। অতিৰিক্ত উপায়ুক্ত পংকজ চমুৱাৰ সভাপতিত্বত অনুষ্ঠিত এই সভাত বঙাইগাঁও জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া অনন্ত সামন্তই বিভিন্ন বিভাগৰ দ্বাৰা বানৰ মোকাবিলা কৰিবলৈ গ্ৰহণ কৰিবলগীয়া প্ৰস্তুতিমূলক ব্যৱস্থাৱলী অৱগত কৰে। জিলাখনত বানপানী হোৱাৰ সম্ভাৱনা থকা  এলেকাবিলাকত মথাউৰি নিৰ্মাণ বা মেৰামতি, বাট-পথ মেৰামতি, আশ্ৰয় শিবিৰ চিনাক্তকৰণ, উদ্ধাৰৰ বাবে নাওৰ ব্যৱস্থা, ঔষধ-পাতিৰ ব্যৱস্থা, বিশুদ্ধ খোৱা পানী, আশ্ৰয় শিবিৰত শিশুৰ উপযোগী ব্যৱস্থা, ৰিলিফ প্ৰদান, পশুখাদ্যৰ ব্যৱস্থা, অন্যান্য প্ৰয়োজনীয় সামগ্ৰীৰ ব্যৱস্থা আদি বিভাগীয় দায়িত্ববোৰৰ সম্পৰ্কত আলোচনা কৰা হয় ৷ 

লগতে এইবোৰ ব্যৱস্থাৰ বাবে আগতীয়া পৰিকল্পনা যুগুত কৰি জিলা দুৰ্যোগ ব্যৱস্থাপনা প্ৰাধিকৰণৰ ওচৰত দাখিল কৰিবলৈ অতিৰিক্ত উপায়ুক্ত পংকজ চমুৱাই বিভাগীয় বিষয়াসকলক আহ্বান জনায় ৷  সভাত জলসম্পদ, লোকনিৰ্মাণ(পথ আৰু গৃহ), জনস্বাস্থ্য কাৰিকৰী, স্বাস্থ্য আৰু পৰিয়াল কল্যাণ, খাদ্য, অসামৰিক যোগান আৰু উপভোক্তা পৰিক্ৰমা,  অগ্নি নিৰ্বাপক আৰু আপাত কালীন সেৱা, পঞ্চায়ত আৰু গ্ৰামোন্নয়ন, জলসিঞ্চন, পশুপালন, কৃষি, মীন, শিক্ষা, সমাজ কল্যাণ, পৰিবহন, আভ্যন্তৰীণ জল পৰিবহন আদি বিভাগৰ মুৰব্বী বিষয়াসকল উপস্থিত থাকে।🔯