🔯বঙাইগাঁৱত ৩ জুনৰ পৰা মাৰোৱাৰী যুৱ মঞ্চৰ উদ্যোগত বিনামূলীয়া কৃত্ৰিম অংগদান আৰু কেলিপাৰ প্ৰত্যাৰোপণ শিবিৰৰ আয়োজন🔯

🔯বঙাইগাঁৱত ৩ জুনৰ পৰা মাৰোৱাৰী যুৱ মঞ্চৰ উদ্যোগত বিনামূলীয়া কৃত্ৰিম অংগদান আৰু কেলিপাৰ প্ৰত্যাৰোপণ শিবিৰৰ আয়োজন🔯

📝বঙাইগাঁওঃ ২৬ মে : বঙাইগাঁও শাখা মাৰোৱাৰী যুৱ মঞ্চৰ  উদ্যোগত অহা ৩ জুনৰ পৰা ৫ জুন লৈকে এক বিনামূলীয়া কৃত্ৰিম অংগদান আৰু কেলিপাৰ প্ৰত্যাৰোপণ শিবিৰৰ  আয়োজন কৰা হৈছে ৷ উত্তৰ বঙাইগাঁওস্থিত মাৰোৱাৰী যুৱ মঞ্চ সেৱা ভৱনত আয়োজন কৰা হৈছে এই বিনামূলীয়া শিবিৰৰ ৷ ইতিমধ্যে এই শিবিৰত যোগদানৰ বাবে ২ মে’ৰ পৰা পঞ্জীয়ন আৰম্ভ হৈছে আৰু অহা ২৮ মে’ লৈকে এই পঞ্জীয়ন চলিব ৷ বৰ্তমানলৈকে ১০০ জনে নিজৰ নাম পঞ্জীয়ন কৰিছে ৷ মাৰোৱাৰী যুৱ মঞ্চৰ লক্ষ্য হৈছে ১৫০ জন ব্যক্তিক এই বিনামূলীয়া কৃত্ৰিম অংগদান কৰা ৷ ইপিনে মাৰোৱাৰী যুৱ মঞ্চৰ বঙাইগাঁও শাখা কাৰ্যালয়ত বৃহস্পতিবাৰে এক সংবাদমেলৰো আয়োজন কৰা হয় ৷  যি সকল ব্যক্তিৰ কৃত্ৰিম অংগৰ প্ৰয়োজন অথচ এতিয়াও পঞ্জীয়ন কৰা নাই তেওঁ লোকক ২৮ মে’ৰ ভিতৰত পঞ্জীয়ন কৰিবলৈ অনুৰোধ জনোৱা হয় সংবাদ মেলত ৷ লগতে জনোৱা অনুসৰি  বঙাইগাঁও জিলাৰ বাহিৰেও পাৰ্শ্বৱৰ্তী চিৰাং , কোকৰাঝাৰ , গোৱালপাৰা আৰু বৰপেটা জিলাৰ লোক সকলেও এই শিবিৰত পঞ্জীয়ন কৰিব পাৰিব ৷ উল্লেখ্য যে  জন্মৰ পৰা অথবা কোনো দুৰ্ঘটনাজনিত কাৰণত হাত, ভৰি অংগ হেৰুওৱা লোক সকলক এই শিবিৰত  প্ৰদান কৰা হ'ব  বিনামূলীয়া কৃত্ৰিম অংগ ৷ সংবাদমেলত এই শিবিৰৰ আহ্বায়ক গোবিন্দ আগৰৱালা আৰু অংকিত বাজাজ , মাৰোৱাৰী যুৱ মঞ্চৰ বঙাইগাঁও শাখাৰ সভাপতি মনীষ লাখোটীয়া আৰু সাধাৰণ সম্পাদক মুকুল জৈন , নিৰ্মল কুমাৰ বৈদসহ আৰু কেবাজনো কৰ্মকৰ্তা উপস্থিত থাকে ৷  উল্লেখ্য যে বঙাইগাঁৱৰ ওপৰিও মাৰোৱাৰী যুৱ মঞ্চৰ যোৰহাট , সোনাৰি , নলবাৰী ,  বিলাসীপাৰা শাখাৰ উদ্যোগতো এই বিনামূলীয়া কৃত্ৰিম অংগদানৰ শিবিৰৰ আয়োজন কৰা বুলি জনায় সংবাদমেলত ৷🔯