🔯বিজনীৰ এছএছডিএফ এন জি অ ৰ উদ্যোগত ১৬১ সংখ্যক ৰবীন্দ্ৰ জয়ন্তী উদযাপন🔯

🔯বিজনীৰ এছএছডিএফ এন জি অ ৰ উদ্যোগত ১৬১ সংখ্যক ৰবীন্দ্ৰ জয়ন্তী উদযাপন🔯

📝বিজনীঃ ১৬ মে': চিৰাং জিলাৰ বিজনীৰ বিজনী মহাবিদ্যালয়ৰ প্ৰেক্ষাগৃহত এছএছডিএফ এন জি অ নামৰ এটা বেচৰকাৰী স্বেচ্ছাসেবী সংগঠনৰ উদ্যোগত ৰবীন্দ্ৰ জয়ন্তী পালন কৰে । উল্লেখ্য যে বহাগৰ ২৫ তাৰিখত বিশ্বকবি ৰবীন্দ্ৰনাথৰ জন্মদিন ৷ সেয়ে এই দিনটোত ৰবীন্দ্ৰ জয়ন্তী হিচাপে পালন কৰে । যোৱা সোমবাৰে ২৫ বহাগত বিজনীৰ বাসন্তী কালিবাৰীস্থিত এছএছডিএফ এন জি অৰ  নিজ কাৰ্যালয়ত পালন কৰা ৰবীন্দ্ৰ জয়ন্তী উপলক্ষে মাল্যদান আৰু বন্তি প্ৰজ্বলন কৰি  দিনযোৰা কাৰ্যসূচী ৰূপায়ণ কৰে বিজনী মহাবিদ্যালয়ৰ প্ৰেক্ষাগৃহত । ৰবীন্দ্ৰ সংগীত, নৃৃৃত্য, বক্তৃতা প্ৰতিযোগিতাৰ লগতে উলিওৱা হয় এক বিশাল সাংস্কৃতিক শোভাযাত্ৰা । 

উক্ত শোভাযাত্ৰা বিজনীৰ বিদ্যাপীঠ উচ্চতৰ মাধ্যমিক বিদ্যালয়ৰ খেলপথাৰৰ পৰা আৰম্ভ কৰি বিজনী মহাবিদ্যালয়ৰ প্ৰাংগনত সামৰণি পৰে । সাংস্কৃতিক শোভাযাত্ৰাত বিভিন্ন জাতি- জনগোষ্ঠীৰ লোকে অংশগ্ৰহণ কৰাৰ লগতে বিজনীৰ বিভিন্ন বিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে । উক্ত শোভাযাত্ৰা উদ্বোধন কৰে পাৰিষদ অভিৰাম মহানায়কে। পাছত মঞ্চ উদ্বোধন কৰে বিজনী  সমষ্টিৰ বিধায়ক অজয় কুমাৰ ৰয়। বন্তি প্ৰজ্বলন কৰে বিটিআৰৰ মনোনীত পাৰিষদ প্ৰদীপ কুমাৰ বায়নে । গছপুলি ৰোপন কৰে বিজনী বিদ্যাপীঠ উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ অনিল ভৌমিক, এছএছডিএফ এন জি অৰ সভাপতি অঞ্জন বিশ্বাস ।🔯