🔯বিজনীত ৰাষ্ট্ৰীয় ডেংগু দিৱস পালন🔯

🔯বিজনীত ৰাষ্ট্ৰীয় ডেংগু দিৱস পালন🔯

🔯বিগত ২০১৯ চনৰ পৰা চিৰাঙত নাই ডেংগু ৰোগী🔯

📝বিজনীঃ ১৬ মে':  চিৰাং জিলা স্বাস্থ্য সেৱা সমিতিৰ উদ্যোগত আৰু জিলা মেলেৰীয়া নিয়ন্ত্ৰণ বিভাগৰ সহযোগত সোমবাৰে সমগ্ৰ দেশৰ লগতে চিৰাং জিলাতো ৰাষ্ট্ৰীয় ডেংগু দিৱস পালন কৰা হয় ৷ এই উপলক্ষে বিজনী চহৰৰ বিজনী শংকৰদেৱ শিশু উদ্যানৰ সভাকক্ষত আয়োজিত সজাগতা অনুষ্ঠানত সভাপতিত্ব কৰে বিজনী পৌৰসভাৰ সভাপতি গুণেশ্বৰ গয়াৰীয়ে ৷ সভাত ভাৰপ্ৰাপ্ত জিলা মেলেৰীয়া বিষয়া ৰবীন বড়োৱে ৰাষ্ট্ৰীয় ডেংগু দিৱসৰ তাৎপৰ্য দাঙি ধৰাৰ লগতে চিৰাং জিলাত জিলা মেলেৰীয়া বিভাগৰ পৰা জিলাখনত কৰি অহা সজাগতা দিশত লোৱা ব্যৱস্থাসমূহৰ ওপৰত বক্তব্য আগবঢ়ায় ৷ 

সভাত বিজনীৰ ভেটাগাঁও সামূহিক চিকিৎসালয়ৰ মহকুমা জ্যেষ্ঠ স্বাস্থ্য বিষয়া ডাঃ ৰবিৰাম ওৱাৰী, জিলা চাৰ্ভেইলেন্স বিষয়া ডাঃ দ্বীজেন ৰামচিয়াৰী, বল্লামগুৰি খণ্ড প্ৰাথমিক স্বাস্থ্য কেন্দ্ৰৰ মহকুমা স্বাস্থ্য বিষয়া চিত্তৰঞ্জন হালদাৰে ডেংগু হ'ব পৰা বিষয়ত সজাগতা লোৱাৰ বাবে কেনেধৰণৰ সাৱধানতা অৱলম্বন কৰিব লাগিব তাৰ ওপৰত বিশদভাৱে আলোচনা আগবঢ়ায় ৷ অনুষ্ঠানত জিলা বাহকজনিত ৰোগ নিয়ন্ত্ৰণ আঁচনিৰ পৰামৰ্শদাতা ডঃ গায়ত্ৰী শৰ্মা বৰুৱা, আশা কৰ্মী, মেলেৰীয়া বিভাগৰ কৰ্মীৰ লগতে৷স্বাস্থ্য বিভাগৰ কৰ্মী সকল আৰু স্থানীয় ৰাইজ উপস্থিত থাকে ৷ ভাৰপ্ৰাপ্ত জিলা মেলেৰীয়া বিষয়া ৰবীন বড়োৱে  বিগত ২০১৯ চনৰ পৰা চিৰাং জিলাত ডেংগু ৰোগৰ ৰোগী পোৱা নাই বুলি উল্লেখ কৰে ৷ লগতে বিগত বৰ্ষত কুৰি গৰাকী মেলেৰীয়া ৰোগী চিনাক্ত হৈছিল যদিও এই বছৰ কোনো লোক চিনাক্ত হোৱা নাই ৷ তেওঁ জনোৱা মতে, অহা পহিলা জুলাইৰ পৰা ৩১ জুলাইলৈ জিলাখনত ডেংগু সজাগতা মাহজোৰা কাৰ্যসূচী লোৱা হৈছে ৷ একেদৰে পহিলা জুনৰ পৰা ত্ৰিশ জুনলৈ মেলেৰিয়া ৰোগৰ সজাগতা অনাৰ লক্ষ্যৰে জিলাখনত সজাগতা প্ৰচাৰ চলোৱা হ'ব বুলি জানিবলৈ দিয়ে ৷ বিজনী চহৰাঞ্চলৰ বাবে ইতিমধ্যে আঠ গৰাকী আশা কৰ্মী ডেংগু নিৰীক্ষণৰ বাবে নিয়োগ কৰা হৈছে ৷🔯