🔯বিজনীত মহকুমা পুথিভঁৰাল উদ্বোধন🔯

🔯বিজনীত মহকুমা পুথিভঁৰাল উদ্বোধন🔯

🔯মহকুমা পুথিভঁৰাল উদ্বোধনৰ আমন্ত্ৰণী পত্ৰত অসমীয়া ভাষা ব্যৱহাৰ নকৰাৰ বাবে দুখ প্ৰকাশ বিজনী আঞ্চলিক ছাত্ৰ সন্থাৰ🔯

📝বিজনীঃ ২৭ মে':  শুকুৰবাৰে চিৰাং জিলাৰ বিজনীত মহকুমা পুথিভঁৰাল উদ্বোধন কৰা হয় । পুথিভঁৰালটো বিটিচিৰ ই এম নিলোৎসৰ গয়াৰীয়ে ফিটা কাটি উদ্বোধন কৰে ৷ এই অনুষ্ঠানত বিজনীৰ বিধায়ক অজয় কুমাৰ ৰায়, বিজনীৰ প্ৰাক্তন বিধায়ক কমল সিঙ নাৰ্জাৰী, ১৭ নং সুভাইঝাৰ পৰিষদীয় সমষ্টিৰ পাৰিষদ প্ৰভাত বসুমতাৰী, বিজনী পৌৰ সভাৰ সভাপতি গুণেশ্বৰ গোৱাৰীকে আদি কৰি কেইবাজনো বিশিষ্ট ব্যক্তিৰ লগতে ইউপিপিএল আৰু বি জে পি ৰ কৰ্মকৰ্তাসকল উপস্থিত থাকে। ইপিনে পুথিভঁৰালটো উদ্বোধনৰ আমন্ত্ৰণী পত্ৰত অসমীয়া ভাষা ব্যৱহাৰ নকৰাৰ বাবে বিজনী আঞ্চলিক ছাত্ৰ সন্থাৰ লগতে বিজনীৰ জ্যেষ্ঠ লোকসকলে  দুখ প্ৰকাশ কৰে । আমন্ত্ৰণী প্ৰত্ৰত ইংৰাজী আৰু বড়ো ভাষা ব্যৱহাৰ কৰা হৈছে ।  এই সন্দৰ্ভত বিজনী আঞ্চলিক ছাত্ৰ সন্থাৰ  তৰফৰ পৰা প্ৰতিক্ৰিয়া প্ৰকাশ কৰি কয় যে আমি কোনো ভাষাক অমান্য নকৰোঁ ৷ আমি বড়ো ভাষাকো  যথেষ্ট সন্মান কৰো । কিন্তু তাৰ লগতে আমি অসমৰ ৰাজ্যিক ভাষাক অপমান কৰিব দিব নোৱাৰো । আগন্তুক দিনত যাতে এনে কাৰ্য সংঘটিত নহয় তাৰ বাবে বিটিচি চৰকাৰক সকীয়াই দিয়ে বিজনী আঞ্চলিক ছাত্ৰ সন্থাৰ সম্পাদক সুদীপ চন্দই ৷🔯