🔯বঙাইগাঁৱৰ চাপৰাকাটাস্থিত সশস্ত্ৰ সীমা বলৰ হেড কোৱাৰ্টাৰত জোৱানৰ আত্মহনন🔯

🔯বঙাইগাঁৱৰ চাপৰাকাটাস্থিত সশস্ত্ৰ সীমা বলৰ হেড কোৱাৰ্টাৰত জোৱানৰ আত্মহনন🔯 

🔯ৰাইফলেৰে গুলীয়াই আত্মহত্যা এছএছবি জোৱানৰ🔯

📝বঙাইগাঁওঃ ২৭ মে’: বঙাইগাঁও-চিৰাং জিলাৰ সীমামূৰীয়া চাপৰাকাটাস্থিত এছ এছ বিৰ হেড কোৱাৰ্টাৰত জোৱান এজনে বৃহস্পতিবাৰৰ নিশা নিজৰ ইনছাচ ৰাইফলেৰে গুলীয়াই আত্মহত্যা কৰে। আত্মহত্যা কৰা জোৱানজন কোকৰাঝাৰৰ ষষ্ঠ বেটেলিয়ন এছএছবিৰ জোৱান তথা উত্তৰ প্ৰদেশৰ মুজাফৰ নগৰৰ অংকিত কুমাৰ বুলি এছএছবিৰ সূত্ৰত প্ৰকাশ ৷ বৃহস্পতিবাৰৰ নিশা এছএছবিৰ চাপৰাকাটাস্থিত হেড কোৱাৰ্টাৰৰ আৱাসী এলেকাত মাজনিশা এছএছবিৰ জোৱান অংকিত কুমাৰে নিজৰ ইনছাচ ৰাইফলেৰে নিজকে গুলীয়াই আত্মহত্যা কৰে ।  এছ এছ বিৰ সূত্ৰই জানিবলৈ দিয়ামতে, কোকৰাঝাৰত কৰ্মৰত এছ এছ বিৰ ষষ্ঠ বেটেলিয়নৰ জোৱান অংকিত কুমাৰে চৰকাৰী আৱাস গৃহত থকা সময়ত বৃহস্পতিবাৰৰ নিশা আত্মহননৰ পথ বাছি লয় । ৰাইফলেৰে গুলীওৱাৰ ফলত জোৱান জনৰ থুঁতৰিয়েদি গুলি সোমাই মূৰ ফুটা হৈ ওলাই যায়। উত্তৰ প্ৰদেশৰ মুজাফৰ নগৰৰ বিবাহিত এইজন জোৱানে আত্মহত্যা কৰাৰ পিছত চিৰাং জিলাৰ ঢালিগাঁও থানাৰ আৰক্ষীয়ে মৃতদেহটো উদ্ধাৰ কৰি কাজলগাঁৱস্থিত জে এছ বি অসামৰিক চিকিৎসালয়ত মৰণোত্তৰ পৰীক্ষাৰ বাবে নিয়ে ৷ জোৱানজনৰ আত্মহত্যাৰ কাৰণ জানিব পৰা হোৱা নাই যদিও মানসিক চাপত থকা হেতুকে জোৱান জনে আত্মহননৰ পথ বাচি ল'ব পাৰে বুলি আৰক্ষীয়ে সন্দেহ প্ৰকাশ কৰিছে ৷ শুকুৰবাৰে মৃত জোৱান জনৰ মৰণোত্তৰ পৰীক্ষাৰ সময়ত কেইবাজনো এছ এছ বিৰ বিষয়া উপস্থিত আছিল যদিও সংবাদ মাধ্যমৰ আগত কোনো মন্তব্য প্ৰকাশ কৰা নাই ৷ মৰণোত্তৰ পৰীক্ষাৰ অন্তত এছ এছ বিৰ ফালৰ পৰা যাৱতীয় ব্যৱস্থা গ্ৰহণ কৰি জোৱান জনৰ মৃতদেহ নিজ বাস গৃহলৈ প্ৰেৰণ কৰাৰ ব্যৱস্থা কৰে ৷🔯