🔯বিজনীত আমছুৰ ৪২ সংখ্যক শ্বহীদ দিৱস পালন🔯

🔯বিজনীত আমছুৰ ৪২ সংখ্যক শ্বহীদ দিৱস পালন🔯 

📝বিজনীঃ ২৬ মে: চিৰাং জিলাৰ বিজনীত বিজনী জিলা আমছুৰ উদ্যোগত বৃহস্পতিবাৰে ৪২ সংখ্যক শ্বহীদ দিৱস পালন  কৰা হয় ৷ বিজনীৰ  দেওকুৰাপাৰত পালন কৰা দিৱসৰ কাৰ্যসূচী অনুসৰি শ্বহীদ বেদীত মাল্যাৰ্পন আৰু পতকা উত্তলোন কৰে আমছুৰ কেন্দ্ৰীয় সভাপতি ৰেজাউল কৰিম সৰকাৰে । ১৯৮০ চনৰ ২৬ মে'ত ভাষিক সংখ্যালঘুৰহৈ ১২ জনকৈ লোকে প্ৰাণ আহুতি দিয়া সকলক শ্বহীদ ঘোষণা কৰি এই দিনটো শ্বহীদ দিৱস পালন কৰে আমছুৱে। 

শ্বহীদ দিৱস উপলক্ষে বিজনীৰ দুখীয়া লোক সকলৰ মজত চিৰা, বিস্কুট, ফলমূল বিতৰণ কৰে । উক্ত অনুষ্ঠানত অভয়াপুৰী সমষ্টিৰ প্ৰাক্তন বিধায়ক আব্দুল হাইনাগৰি, চিৰাং জিলা তৃণমূল কংগ্ৰেছৰ আহ্বায়ক অনিৰ্বাণ সেন, আমছুৰ শিক্ষা সম্পাদক আবুল কালাম আজাদ, বিজনী জিলা সভাপতি ৰুছুল খানৰ লগতে স্থানীয় দল -সংগঠনৰ উপৰিও উক্ত অঞ্চলৰ একাংশ ব্যক্তিৰ লগতে আমছুৰ কৰ্মকৰ্তাসকল উপস্থিত থাকে ।🔯