🔯বঙাইগাঁৱত ৰবীন্দ্ৰ জয়ন্তী উদযাপন🔯

🔯বঙাইগাঁৱত ৰবীন্দ্ৰ জয়ন্তী উদযাপন🔯

📝বঙাইগাঁওঃ ৯ মে': বঙাইগাঁৱৰ কেন্দ্ৰীয় ৰবীন্দ্ৰ শ্ৰদ্ধাঞ্জলি মঞ্চৰ  উদ্যোগত সোমবাৰৰ পৰা দুদিনীয়া কাৰ্যসূচীৰে স্থানীয় গান্ধী ময়দানত  কবিগুৰু ৰবীন্দ্ৰনাথ ঠাকুৰৰ ১৬১ সংখ্যক জন্ম জয়ন্তী উদ্‌যাপিত হৈছে ৷ এই উপলক্ষে সোমবাৰে পুৱা কবিগুৰু ৰবীন্দ্ৰনাথ ঠাকুৰৰ প্ৰতিমূৰ্তিত মাল্যাৰ্পণ কৰি অনুষ্ঠানৰ শুভাৰম্ভ কৰে কেন্দ্ৰীয় ৰবীন্দ্ৰ শ্ৰদ্ধাঞ্জলি মঞ্চৰ সভাপতি সুৰজিত দাসে ৷ আনহাতে বন্তি প্ৰজ্বলন কৰে উদযাপন সমিতিৰ সাধাৰণ সম্পাদক অভিজিৎ সৰকাৰে ৷ অনুষ্ঠানৰ লগত সংগতি ৰাখি কবি প্ৰণাম, সাংস্কৃতিক শোভাযাত্ৰা, নৃত্য প্ৰতিযোগিতা আদি অনুষ্ঠিত হয় ৷ সন্ধিয়া স্মৃতিগ্ৰন্থ উন্মোচন আৰু সাংস্কৃতিক অনুষ্ঠান অনুষ্ঠিত হয় ৷

 স্মৃতিগ্ৰন্থ উন্মোচন কৰে বঙাগাঁও মহাবিদ্যালয়ৰ অৱসৰপ্ৰাপ্ত অধ্যাপক ডঃ প্ৰণৱ কুমাৰ ধৰে ৷ সাংস্কৃতিক অনুষ্ঠানত কলকাতাৰ পৰা আমন্ত্ৰিত শিল্পীয়ে অনুষ্ঠান পৰিৱেশন কৰিব ৷ আনহাতে কাইলৈ অনুষ্ঠিত হ'বলগীয়া সাংস্কৃতিক অনুষ্ঠানটো কলকাতাৰ শিল্পীয়ে অনুষ্ঠান পৰিৱেশন কৰিব বুলি উদযাপন সমিতিৰ সভাপতিয়ে জানিবলৈ দিছে ৷ উল্লেখ্য যে ৰবীন্দ্ৰ জয়ন্তী অনুষ্ঠানৰ লগত সংগতি ৰাখি ইতিমধ্যে বঙাইগাঁও বিদ্যাপীঠ হাইস্কুলত বিভিন্ন বিভাগত নৃত্য, গীত, আবৃত্তি আৰু চিত্ৰাংকণ প্ৰতিযোগিতা আগতিয়াকৈ অনুষ্ঠিত হৈ গৈছে ৷🔯