🔯বঙাইগাঁৱত অবৈধ গাঞ্জাসহ তিনি ব্যৱসায়ীক আটক🔯

🔯বঙাইগাঁৱত অবৈধ গাঞ্জাসহ তিনি ব্যৱসায়ীক আটক🔯 

🔯জেললৈ প্ৰেৰণ🔯

📝বঙাইগাঁওঃ ৯ মেঃ বঙাইগাঁও সদৰ থানাৰ অন্তৰ্গত মাজগাঁৱত দেওবাৰে নিশা প্ৰায় ৮ঃ ৩০ বজাত আৰক্ষীয়ে অবৈধ গাঞ্জাসহ তিনিজন ব্যৱসায়ীক আটক কৰে ৷ জানিব পৰা মতে এক গোপন সূত্ৰৰ পম খেদি নিউ বঙাইগাঁও আৰক্ষী পহৰা চকীৰ ভাৰপ্ৰাপ্ত আৰক্ষী বিষয়া সুকেশ ঘোষৰ নেতৃত্বত মাজগাঁও পেট্ৰোল ডিপোৰ সন্মুখত  অভিযান চলাই গাঞ্জাসহ এই তিনি ব্যৱসায়ীক আটক কৰে ৷ আৰক্ষীয়ে ব্যৱসায়ী তিনিজনে উত্তৰ শালমাৰাৰ ইক্ৰাবাৰীৰ পৰা বঙাইগাঁওলৈ গাঞ্জাখিনি যোগান ধৰৰা উদ্দেশ্যে কঢ়িয়াই আনি থকাৰ সময়তে আটক কৰে ৷

আটকাধীন তিনি ব্যৱসায়ী হ'ল ইক্ৰাবাৰীৰ উৎপল দাস, বিশ্বজিৎ দাস আৰু ভবানীপুৰৰ প্ৰেম কুমাৰ সৰকাৰ ৷ আৰক্ষীয়ে ব্যৱসায়ী তিনিজনৰ জিম্মাৰ পৰা বেগৰ ভিতৰত অনা ১৫ কিলো ৩০০ গ্ৰাম গাঞ্জা, এখন এ এছ ১৯ ০৫৩৮২ নম্বৰৰ স্কুটী আৰু তিনিটা মোবাইল জব্দ কৰে ৷ আৰক্ষীয়ে পিচত তিনিজনকে বঙাইগাঁও থানালৈ আনি অধিক তথ্য উদঘাটনৰ বাবে সোধ- পোচ কৰে ৷ পিছত আৰক্ষীয়ে তিনিওজনকে গ্ৰেপ্তাৰ কৰি সোমবাৰে বঙাইগাঁও আদালতত হাজিৰ কৰোৱাত আদালতে জেললৈ প্ৰেৰণ কৰে ৷🔯