🔯বঙাইগাঁৱত ড্ৰাগছসহ ব্যৱসায়ীক আটক🔯

🔯বঙাইগাঁৱত  ড্ৰাগছসহ ব্যৱসায়ীক আটক🔯 

📝বঙাইগাঁওঃ ২৭ মে’: বঙাইগাঁও চহৰৰ উত্তৰ বঙাইগাঁৱৰ ৰাজপথত শুকুৰবাৰে পুৱাৰ ভাগত আৰক্ষীয়ে চলোৱা অভিযানত ড্ৰাগছসহ এজন ব্যৱসায়ীক আটক কৰিবলৈ সক্ষম হয়। আৰক্ষীয়ে আটক কৰা ড্ৰাগছ ব্যৱসায়ীজন নিউ বঙাইগাঁও চাইনা মাৰ্কেটৰ সন্তোষ চৌধুৰী ওৰফে টেম্পু বুলি আৰক্ষীয়ে প্ৰকাশ কৰিছে৷ ধৃত ড্ৰাগছ ব্যৱসায়ীজনৰ পৰা আৰক্ষীয়ে ১৩.৬২ গ্ৰাম সন্দেহযুক্ত হেৰ'ইন জব্দ কৰিবলৈ সক্ষম হৈছে ৷ আৰক্ষীৰ জালত পৰা ব্যক্তিজনে ড্ৰাগছখিনি এএছ ১৯ জি১৫৯২ নম্বৰৰ স্কুটীৰ ডিকিৰ ভিতৰত ভৰাই আনিছিল৷ এক বিশেষ সূত্ৰৰ খবৰৰ ভিত্তিত নিউ বঙাইগাঁও আৰক্ষী পহৰা চকীৰ ভাৰপ্ৰাপ্ত আৰক্ষী বিষয়া সুকেশ ঘোষৰ নেতৃত্বত  চলোৱা অভিযানত উত্তৰ বঙাইগাঁৱৰ বিঅ'চি গেটত  ব্যক্তিজনক আটক কৰিবলৈ সক্ষম হয়৷

আৰক্ষীয়ে নিউ বঙাইগাঁৱৰ পৰা লোকজনক অনুসৰণ কৰি আহিছিল আৰু উত্তৰ বঙাইগাঁৱত ৰাজপথত লোকজনক ৰখাই স্কুটীখনত তালাচী চলোৱাত ড্ৰাগছখিনি উদ্ধাৰ কৰি জব্দ কৰে ৷ উল্লেখ্য যে লোকজনে ড্ৰাগছখিনি কাৰোবাক দিয়াৰ বাবে অনাৰ সময়তে আৰক্ষীৰ জালত পৰে ৷ ধৃত লোক জনৰ পৰা আৰক্ষীয়ে স্কুটীখনৰ লগতে কিছু নগদ ধন, অবৈধ লটাৰীৰ টিকট, ভোটাৰ কাৰ্ড ,আধাৰ কাৰ্ড,পান কাৰ্ড, এটিএম কাৰ্ড আদিও জব্দ কৰিছে৷ আৰক্ষীয়ে বৰ্তমান ধৃত সন্তোষ চৌধুৰীক সোধ-পোচ অব্যাহত ৰাখিছে ৷🔯