🔯বঙাইগাঁও জিলাৰ বইটামাৰীৰ ৰাষ্ট্ৰীয় ঘাই পথত পথ দুৰ্ঘটনা🔯

🔯বঙাইগাঁও জিলাৰ বইটামাৰীৰ  ৰাষ্ট্ৰীয় ঘাই পথত পথ দুৰ্ঘটনা🔯 

🔯১২ বছৰীয়া শিশুসহ নিহত তিনিজন🔯 

📝বঙাইগাঁওঃ ৩০ মে': বঙাইগাঁও জিলাৰ বইটামাৰী আৰক্ষী চকীৰ অন্তৰ্গত ১৭ নম্বৰ ৰাষ্ট্ৰীয় ঘাইপথৰ বৰখাতাত দেওবাৰৰ নিশা ১১ মান বজাত সংঘটিত এক ভয়াৱহ পথ দুৰ্ঘটনাত দুজন বাইক আৰোহী থিতাতে নিহত হোৱাৰ বিপৰীতে দুৰ্ঘটনাটোত গুৰুতৰভাৱে আহত এজন আৰোহীৰ হাস্পতালত মৃত্যু হয় ৷ ৰাষ্ট্ৰীয় ঘাইপথৰ খগৰপুৰ পাহাৰৰ নামনিৰ বৰখাতাত সংঘটিত পথ দুৰ্ঘটনাত থিতাতে নিহত দুজন ক্ৰমে বইটামাৰীৰ সমীপৰ খগৰপুৰৰ মাণিক ৰায় (১৮) আৰু ধুলাউৰাৰ ১২ বছৰীয়া শিশু সুৰজ সুত্ৰধৰ  বুলি চিনাক্ত হৈছে ৷ আনহাতে পথ দুৰ্ঘটনাটোত খগৰপুৰৰ গোপাল ৰায়(১৯) নামৰ যুৱকজন গুৰুতৰভাৱে আহত হয় আৰু তেওঁক চিকিৎসাৰ বাবে সংকটজনক অৱস্থাত বঙাইগাঁৱৰ এখন চিকিৎসালয়ত অনা হয়  যদিও হাস্পতালতে মৃত্যুক আকোঁৱালি লয়৷ উল্লেখ্য যে বইটামাৰীৰ সমীপৰ কাশাৰপাৰাত বিহুৰ অনুষ্ঠান উপভোগ কৰি বাইকেৰে খগৰপুৰৰ ঘৰ অভিমুখে আহি থকাৰ সময়তে অচিনাক্ত বাহনে খুন্দিয়াই থৈ যায় ৷ নিশাৰ ভাগত সংঘটিত পথ দুৰ্ঘটনাটোত অচিনাক্ত বাহনে এএছ ১৯ জি ৪৪৫৪ নম্বৰৰ বাইকখনক খুন্দিয়াই প্ৰায় ১০০ মিটাৰ চোচৰাই লৈ গৈছিল বুলি ৰাইজে প্ৰকাশ কৰিছে ৷🔯